Dünən Bakıda “Meriott” otelində Azərbaycan Respublikası Prezidenti yanında Strateji Araşdırmalar Mərkəzinin (SAM), Gənclər və İdman Nazirliyinin və Azərbaycan Gənclər Fondunun birgə təşkilatçılığı ilə "Kreativ nəsil: Gələcək bu gün yaranır” mövzusunda konfrans keçirilib.
Müzakirə üçün səbəb Prezident Administrasiyasının rəhbəri Ramiz Mehdiyevin iki həftə əvvəl dərc edilən «XXI əsrdə Azərbaycan ideyası kreaitiv millət kontekstində” məqaləsidir.
SAM rəhbəri КFərhad Məmmədov qeyd edib ki, məqalənin əsas ideyası Azərbaycanın gələcəyinin modernləşmədən asılı olmasından ibarətdir. Bunun üçün kreativ nəsil formalaşdırılmalıdır.
Bakı Slavyan Universitetinin rektoru Kamal Abdulla məqaləni «müasir Azərbaycanın ideoloji konstitusiyası» adlandırıb. Onun fikrincə, kreativliyə yol təhsildən keçir.
Yazıçı Çingiz Abdullayev bildirib ki, bunun üçün keyfiyyətli təhsil lazımdır. 21-ci əsrdə uğur yaradıcılqdadır. «Söhbət təkcə ədəbi-bədii və s. yaradıcılıqdan getmir. Mən heç kəsin yaratmadığını yaratmağı nəzərdə tuturam», - deyə Abdullayev bildirib.
Belə uğurlara nümunə kimi o, Bill Geysi, Stiv Cobsu göstərib. Onlar ağıllarının köməyi ilə varlı olublar. «Onlar üçün zənginlik əhəmiyyətli deyil. 90%-i xeyriyyəçiliyə xərcləyiblər», - deyə Abdullayev bildirib.
O, təəssüfünü ifadə edib ki, Azərbaycanda ən varlı adamlar məmurlardır. Neft və qaz kimi təbii ehtiyatlar nə vaxtsa bitəcək, intellektual potensial isə tükənmir.
«Təkcə neftlə zənginlik olmaz, təhilli, maarifli, mədəni olmaq lazımdır», - deyə Abdullayev bildirib və təəssüfünü ifadə edib ki, bir çox uşaqlar böyüyəndə polis, gömrük işçisi, məmur olmaq istəyir.
İntellektual Oyunlar Klubları Assosiasiyasının rəhbəri Balaş Qasımov deyib ki, Avropa və dünyanın qabaqcıl ölkələri ilə rəqabətdə kreativ gəncliyə ehtiyac var. Məruzə ətrafında müzakirələr olub.—06C--
Cəmiyyət
-
Dekabrın 22-də Bakıda və Abşeron yarımadasında havanın dəyişkən buludlu olacağı, arabir tutulacağı, əsasən yağıntısız keçəcəyi gözlənilir. Lakin gecə və səhər bəzi yerlərdə çiskin olacağı ehtimalı var. Mülayim cənub-qərb küləyi əsəcək.
-
Çox vaxt "Qafqazın Dubayı" adlandırılan Bakı getdikcə sakinlərin mənzil hüquqlarının sistematik şəkildə pozulması ilə tanınmağa başlayır. Şəhərin yenilənməsi və yeni eleqant binaların inşası zamanı Azərbaycanın paytaxtında minlərlə ailə qanunsuz olaraq öz evlərindən məhrum edilib. Çoxları müqavimətin faydasız olduğunu bilərək, öz qiymətli əmlaklarına görə qeyri-adekvat pul kompensasiyasına razılaşır. Mənzil Məcəlləsinə inanan azlıq isə tikinti şirkətlərindən ədalətli təzminat tələb edir, ancaq çox vaxt hər şeyi itirir - həm evini, həm də təzminatın istənilən formasını.
-
Düşərgədə iştirak edən məktəblilər ölkəmizi üç nüfuzlu beynəlxalq olimpiadada təmsil edəcək Ölkəmizin beynəlxalq fənn olimpiadalarında təmsil etməyə hazırlaşan şagirdlərin hazırlıq prosesi müvəffəqiyyətlə davam edir. Azercell, Elm və Təhsil Nazirliyi və Təhsil İnstitutunun birgə əməkdaşlığı çərçivəsində Bakı Ali Neft Məktəbində bu məktəblilər üçün növbəti “İnformatika Düşərgəsi” təşkil olunub.
-
Ötən gecə Azərbaycan-Ermənistan sərhədində 4.8, 3 və 3.8 maqnitudalı zəlzələlər baş verib, Azərbaycan Milli Elmlər Akademiyası Respublika Seysmoloji Xidmət Mərkəzi bildirib.
Rəy yaz