![BMT Baş Assambleyası Abxaziya və Cənubi Osetiyadan olan qaçqınların hüuqlarının qorunması üzrə qətnaməni təsdiq edib](https://turan.az/resized/750/500/resize/media/2012/main/070500004634.jpg)
BMT Baş Assambleyası Abxaziya və Cənubi Osetiyadan olan qaçqınların hüuqlarının qorunması üzrə qətnaməni təsdiq edib
Dünən BMT Baş Assambleyası «GUAM məkanında vaxtı uzanan münaqişələr və onların beynəlxalq sülh, təhlükəsizlik və inkişafa təsiri» məsələsini müzakirə edib. İştirakçılar «Abxaziya, Gürcüstan və Sxinvali rayonundan (Cənubi Osetiya, Gürcüstan) qaçqın və məcburi köçkünlərin vəziyyəti» qətnaməsini təsdiq ediblər.
«Baş Assambleya etnik mənsubiyyətindən asılı olmayaraq qaçqın və məcburi köçkünlərin, onların törəmələrinin bütün Gürcüstan ərazisinə, o cümlədən Sxinvali rayonuna qayıtmaq hüququnu tanıyır», - deyə sənəddə bildirilir.
Qətnamədə qaçqın və məcburi köçkünlərin əmlak hüquqlarına əməl edilməsi, bu hüquqlar pozulmaqla əmlak hüququ əldə etməkdən çəkinmək zərurəti vurğulanır.
Qətnamə demoqrafik vəziyyətin zorla dəyişdirilməsini yolverilməz sayır.
Assambleyanın bu iclasına BMT baş katibi Pan Gi Munun «Abxaziya, Gürcüstan və Sxinvali rayonundan (Cənubi Osetiya, Gürcüstan) qaçqın və məcburi köçkünlərin vəziyyəti» məruzəsi təqdim edilib.
Orada bildirilir ki, 2008-ci ilin münaqişəsi zamanı köçmüş 100 minə yaxın şəxs öz evinə qayıdıb. BMT-nin qaçqınların işi üzrə Baş Komissarının İdarəsi hesab edir ki, bu rayonlara qayıdan 34 000 nəfər köçkün vəziyyətindədir və xüsusi müdafiəyə ehtiyacları var.
Sənəddə Gürcüstan hökumətinə istinadən bildirilir ki, 2012-ci il martın sonu üçün ölkədə 265 295 köçkün olub. 2010-cu ilin sonunda onların sayı 256 528 nəfər idi. Artım yeni uşaqların doğulması, üçüncü ölkədə olanların qayıtması və vaxtında qeydiyata düşməməklə bağlıdır. Köçkünlərin 242 592 nəfəri əvvəlki münaqişələr zamanı köçüb, 18 789 nəfər 2008-ci ilin avqustunda, 3914 nəfər iki dəfə köçüb. -02D-
Siyasət
-
Ermənistan ATƏT-in Minsk Qrupunun buraxılmasının əleyhinə deyil, amma indi bu məsələni müzakirə etməyi məqsədəuyğun hesab etmir.
-
Ermənistanın baş naziri Azərbaycan prezidenti İlham Əliyevlə iki ölkənin sərhədində görüşməyə hazırdır. "İlham Əliyevlə görüş Ermənistan-Azərbaycan sərhədində də ola bilər. Mən belə formata hazıram",- Paşinyan bugünkü mətbuat konfransında deyib.
-
Avqustun 31-də Azərbaycanda birpalatalı parlamentə - Milli Məclisə növbədənkənar seçkilər ərəfəsində "sükut günü"dür. Səsvermədən 24 saat əvvəl hər hansı seçkiqabağı təşviqat qadağandır.
-
Avqustun 30-da saat 22:55-ə yaxın Ermənistanın Metsamordakı Atom Elektrik Stansiyası ölkənin enerji sistemindən ayrılıb. Bu barədə Ermənistanın Ərazi İdarəetmə və İnfrastruktur Nazirliyi bildirib. Buna ildırım zərbəsi səbəb olub, nəticədə stansiyanın təhlükəsizlik sistemi stansiyanı təhlükəsiz dayanma rejiminə keçirib. Hazırda stansiyanın kollektivi onun yenidən işə salınması ilə məşğuldur.
Rəy yaz