Kreditlə bağlı gecə reydləri

Son günlər axşam saatlarında kreditlə götürülmüş avtomobil sahiblərinə qarşı bank əməkdaşlarının qanundankənar təzyiqləri başlanıb.

Belə ki, özlərini təqdim etməyən şəxslər avtomobilin kredit borcu olduğunu bilən kimi sürücünü sükan arxasında oturmaqdan kənarlaşdırır, krediti dərhal ödəmək  imkanı olmayan avtomobilləri cərimə meydançasına aparırlar. Hər halda oktyabrın 20-də Neftçilər prospektində şahidi olduğumuz hadisədə “Nikoylbank”a kredit borcu olan sürücü ilə belə rəftar edildi. Oktyabrın 21-də bu sürücü ilə rastlaşdıqda o, avtomobilinin gevə cərimə meydançasına apalıdığını deyib.  Kredit borcunu səhər saatlarında ödədikdən sonra avtomobili cərimə meydançasından çıxara bildiyini nəzərə çatdırıb.

Sürücü kredit borcunu ödəyəcəyini deyəndə belə bu adamlar ona inanmırdılar. Söhbətə əsasən aydın oldu ki, sürücünün son iki ay istisna olmaqla banka borcu yoxdur.

Bankın mövqeyindən çıxış etdikləri üçün bank əməkdaşları adlandırdığımız bu şəxslər sürücüyə gecə vaxtı, özbaşına onu saxlamaqlarını izah edirdilər. “Sənin maşının nəyimizə lazımdır, deməli deyiblər ki, tələb edirik” deyən şəxslər atdıqları addımın səbəbini izah ediblər.

Oktyabrın 21-də yenə də özünü təqdim etməyən şəxs sürücüyə yaxınlaşaraq kredit borcu olması ilə maraqlanıb. Bu dəfə sürücü kredit borcunu oktyabrın 21-də ödədiyini söyləyib. Bu şəxslərin sözlərinə görə, kreditin ödənməsinə dair göstəricilər bankın kompüter sistemində yalnız bir həftədə əks olunacaq. Belə bir nəticə alındı ki, sürücünün hələ həftə ərzində başı hələ çox “ağrıyacaq”.-05C/B-