Bu gün Kürdəmir mərkəzi bazarında 300-dən çox adam icarə haqlarının qaldırılmasına etiraz olaraq aksiya keçirib, rayondan keçən avtomobil yolunu bağlayıb. Bu barədə Turan-a Regional İnsan Hüquqları və Maarifləndirmə Mərkəzinin rəhbəri Lətafət Məlikova bildirib.
Hüquq- müdafiəçisinin dediklərinə görə, icarə haqlarının qaldırılması bazar sahiblərinin qərarıdır. Bazar Milli Məclisin deputatı Fərhad Qəribovun oğluna məxsusdur, amma atası idarə edir.
Etirazçıların sakitləşdirilməsinə polis və yerli İcra Hakimiyyətinin nümayəndələri cəlb olunub. Bazarı idarə edənlərlə icarədarlar arasında qarşıdurma olub. Bu zaman bir neçə nəfər xəsarət alıb.
“Qarşıdurmada mən də xəsarət almışam. Qolum əzilib və telefonum sındırılıb. Mənə qarşı bazarı idarə edənlərdən Sarvan adlı şəxs güc tətbiq etdi və telefonumu sındırdı”, - deyə hüquq müdafiəçisi qeyd edib.
Hazırda problem aradan qaldırılıb. İcarə haqları əvvəlki səviyyəsinə salınıb və deputat Fərhad Qəribov rayona dəvət edilib.
Etirazçıları polis rəisi qəbul edib, onlar dinlənilib və qiymətlər bundan sonra aşağı salınıb.
3 nəfər saxlanılıb. Saxlananlardan ikisi etirazçı, digəri isə İnsan Hüquqları və Maarifləndirmə Mərkəzinin rəhbəri Lətafət Məlikovanın müavini Baba Mikayılovdur.-03B-
Cəmiyyət
-
Dekabrın 22-də Bakıda və Abşeron yarımadasında havanın dəyişkən buludlu olacağı, arabir tutulacağı, əsasən yağıntısız keçəcəyi gözlənilir. Lakin gecə və səhər bəzi yerlərdə çiskin olacağı ehtimalı var. Mülayim cənub-qərb küləyi əsəcək.
-
Çox vaxt "Qafqazın Dubayı" adlandırılan Bakı getdikcə sakinlərin mənzil hüquqlarının sistematik şəkildə pozulması ilə tanınmağa başlayır. Şəhərin yenilənməsi və yeni eleqant binaların inşası zamanı Azərbaycanın paytaxtında minlərlə ailə qanunsuz olaraq öz evlərindən məhrum edilib. Çoxları müqavimətin faydasız olduğunu bilərək, öz qiymətli əmlaklarına görə qeyri-adekvat pul kompensasiyasına razılaşır. Mənzil Məcəlləsinə inanan azlıq isə tikinti şirkətlərindən ədalətli təzminat tələb edir, ancaq çox vaxt hər şeyi itirir - həm evini, həm də təzminatın istənilən formasını.
-
Düşərgədə iştirak edən məktəblilər ölkəmizi üç nüfuzlu beynəlxalq olimpiadada təmsil edəcək Ölkəmizin beynəlxalq fənn olimpiadalarında təmsil etməyə hazırlaşan şagirdlərin hazırlıq prosesi müvəffəqiyyətlə davam edir. Azercell, Elm və Təhsil Nazirliyi və Təhsil İnstitutunun birgə əməkdaşlığı çərçivəsində Bakı Ali Neft Məktəbində bu məktəblilər üçün növbəti “İnformatika Düşərgəsi” təşkil olunub.
-
Ötən gecə Azərbaycan-Ermənistan sərhədində 4.8, 3 və 3.8 maqnitudalı zəlzələlər baş verib, Azərbaycan Milli Elmlər Akademiyası Respublika Seysmoloji Xidmət Mərkəzi bildirib.
Rəy yaz