Çərşənbə günü Media Mərkəzində keçirilən mətbuat konfransında “Bərabər İmkanlar Mərkəzi” İctimai Birliyinin rəhbəri Rafiq Təmrazov polis özbaşınalığından danışıb.
Onun sözlərinə görə, Laçın rayonundan olan 20 yaşlı məcburi köçkün Sənan Əsgərov dekabrın 12-də zorla Sabunçu rayonu 15-ci polis bölməsinə aparılıb. Onu oğurluğu etiraf etməsinə dair ifadə almaq üçün döyüblər.
Digər məcburi köçkünlər kimi S.Əsgərov da Pirşağı qəsəbəsindəki qaçqın düşərgəsində yaşayır, heç yerdə işləmir, gündəlik işlə dolanır. Polis hesab edir ki, bu qəsəbədə baş vermiş oğurluqda əli var.
S.Əsgərov qanunsuz olaraq iki gün 15-ci bölmədə saxlanılıb. Sonra Sabunçu Rayon Polis İdarəsinə aparılıb, orada işgəncələrə məruz qalıb, döyülüb. Sənanın sözlərinə görə, onu Ədalət adlı əməkdaş döyüb.
Sabunçu Polis İdarəsində Ədalət Əliyev adlı şəxs var və o, cinayət-axtarış şöbəsinin rəisidir.
S.Əsgərov amansızcasına döyüldükdən sonra dekabrın 14-də Kürdəxanı təcridxanasına aparılıb, ona dövlət vəkili təyin edilib. Vəkil Qurban Kazımov müttəhimin bədənində çoxsaylı işgəncə və döyülmə izlərinin olduğunu aşkar edib.
R.Təmrazov bildirib ki, S.Əsgərovun qohumları DİN rəhbəri, baş prokuror və ombudsmana müraciət yazıblar. Bundan sonra Ədalət yenidən Kürdəxanı təcridxanasına Sənanın yanına gedib, yenidən onu amansızcasına döyüb və növbəti dəfə “onu buraxacağını” vəd edib.
R.Təmrazov hesab edir ki, polis göstəriciləri yaxşılaşdırmaq üçün üstü açılmamış cinayətləri Sənanın üzərinə atmaq istəyir. Lakin hətta işgəncələr altında da bu, baş tutmayıb. Hazırda ona qarşı CM-in 177.2.3, 177.2.4 (oğurluq) maddələri ilə cinayət işi qaldırılıb. Lakin sübut yoxdur.
S.Əsgərovun anası Raisa, çoxsaylı qonşular mətbuat konfransında iştirak ediblər. Onlar bildiriblər ki, uşaqlıqdan tanıdıqları Sənanda oğurluğa meyllik olmayıb. Hamısı onu yaxşı tanıdıqlarını, onun düzgün adam olduğunu qeyd ediblər.
Sabah Apellyasiya Məhkəməsində S.Əsgərovun barəsində həbs qətimkan tədbirinin dəyişdirilməsi ilə bağlı vəkilin vəsatətinə baxılacaq.
-04S-
Cəmiyyət
-
Bazar günü, iyulun 28-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı gözlənilir.
-
Bakı şəhəri ərazisində qanunsuz miqrasiyaya qarşı mübarizə çərçivəsində müxtəlif ünvanlarda əməliyyat tədbirləri həyata keçirilib. Daxili İşlər Nazirliyindən verilən məlumata görə, Baş Dövlət Yol Polisi İdarəsinin qanunsuz miqrasiyaya qarşı mübarizə idarəsinin əməkdaşları tərəfindən Azərbaycan ərazisində yaşamaq və qalmaq hüququ verən sənədləri olmayan 34 əcnəbi müəyyən edilərək saxlanılıb.
-
Azərbaycan Müdafiə Nazirliyi (AMN) iyulun 25-də bəyanat yayaraq son günlərdə Ermənistanı Kəlbəcərdə ağır silahlar, Tovuz istiqamətində isə kvadrokopter tətbiq etməklə ona qarşı “təxribatlar törətməkdə” günahlandırıb. Üstəlik, Ermənistanın Qərb ölkələri ilə hərbi əməkdaşlığından narazılıq və narahatlıq ifadə edib.
-
Daxili İşlər Nazirliyinin Baş Narkotiklərlə Mübarizə İdarəsinin son əməliyyatları zamanı narkotik maddələrin qanunsuz dövriyyəsilə məşğul olan mütəşəkkil dəstənin 5 üzvü - əvvəllər məhkum olunmuş Bəhlul İsmayılov, Röyal Əliyev, Xəyal Alıyev, Samir Ağayev və Əli Məmmədli saxlanılıblar.
Rəy yaz