Bakı/05.05.17/Turan: Azərbaycanda həbsdə olan bloger Aleksandr Lapşinin səhhətində problemlər var. Bu haqda onun həyat yoldaşı Yekaterina Lapşina bildirib. O, sosial şəbəkələrdə blogerdən pis xəbərlər aldığını yazır.
“Aleksandrdan pis xəbər var. O, hazırda təcridxananın sanitar bölməsində saxlanılır. Ancaq vəziyyəti yaxşı deyil”, deyə yazan Yekaterina həyat yoldaşının taxikardiya və nevrologiyadan əziyyət çəkdiyini xatırladır.
“Ayağında və belində kəskin ağrılar var. O, gəzə bilmir və normal otura bilmir. Gecələr isə əzələlərində qıcolmalar baş verir. Normal müalicəyə ehtiyacı var. Təcridxananın həkimləri isə ona diklofenat verməklə kifayətlənirlər”, deyə blogerin xanımı yazır.
Rusiya, Ukrayna və İsrail vətəndaşı Aleksandr Lapşin Azərbaycanın işğal olunmuş ərazilərinə qanunsuz səfər və ölkənin ərazi bütövlüyünə qarşı çağırışlar etmək ittihamı ilə cinayət məsuliyyətinə cəlb edilib.
O, 2016-cı ilin sonlarında Belarusda saxlanılıb, fevralın 7-də isə Azərbaycana ekstradisiya olunub. O, bir neçə il həbs cəzasına məhkum edilə bilər. Vəkillərinin bildirdiyinə görə, onun istintaqı bitmək üzrədir. -0-
Cəmiyyət
-
Bazar günü, iyulun 28-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı gözlənilir.
-
Bakı şəhəri ərazisində qanunsuz miqrasiyaya qarşı mübarizə çərçivəsində müxtəlif ünvanlarda əməliyyat tədbirləri həyata keçirilib. Daxili İşlər Nazirliyindən verilən məlumata görə, Baş Dövlət Yol Polisi İdarəsinin qanunsuz miqrasiyaya qarşı mübarizə idarəsinin əməkdaşları tərəfindən Azərbaycan ərazisində yaşamaq və qalmaq hüququ verən sənədləri olmayan 34 əcnəbi müəyyən edilərək saxlanılıb.
-
Azərbaycan Müdafiə Nazirliyi (AMN) iyulun 25-də bəyanat yayaraq son günlərdə Ermənistanı Kəlbəcərdə ağır silahlar, Tovuz istiqamətində isə kvadrokopter tətbiq etməklə ona qarşı “təxribatlar törətməkdə” günahlandırıb. Üstəlik, Ermənistanın Qərb ölkələri ilə hərbi əməkdaşlığından narazılıq və narahatlıq ifadə edib.
-
Daxili İşlər Nazirliyinin Baş Narkotiklərlə Mübarizə İdarəsinin son əməliyyatları zamanı narkotik maddələrin qanunsuz dövriyyəsilə məşğul olan mütəşəkkil dəstənin 5 üzvü - əvvəllər məhkum olunmuş Bəhlul İsmayılov, Röyal Əliyev, Xəyal Alıyev, Samir Ağayev və Əli Məmmədli saxlanılıblar.
Rəy yaz