Azərbaycan DİN avqustun 25-də Lənkəranda “Xəzər-Lənkəran” və “Neftçi” (Bakı) komandaları arasında maç zamanı baş vermiş iğtişaşlarla bağlı məlumat yayıb.
Məlumata əsasən, bir qrup azarkeş maçdan sonra ictimai asayişi pozmağa başlayıb, meydana və digər azarkeşlərə müxtəlif əşyalar atıb, oturacaqları və giriş qapısını sındıraraq yandırıb, meydanda və küçədə xuliqanlıq hərəkətləri törədib.
İctimai qaydaları pozan 7 nəfər saxlanılaraq, rayon polis şöbəsinə aparılıb. Onlardan 4-nün sərxoş olduğu müəyyən edilib. Bu zaman 6 polis əməkdaşı xəsarət alıb.
Faktla bağlı 221-ci maddə (xuliqanlıq) ilə cinayət işi açılıb. -16D-
Cəmiyyət
-
Sentyabrın 29-da Dövlət Təhlükəsizliyi Xidməti və Dövlət Sərhəd Xidmətinin birgə keçirdiyi əməliyyat tədbirləri nəticəsində külli miqdarda narkotik vasitənin ölkə ərazisinə keçirilməsinin qarşısı alınıb.
-
Çərşənbə axşamı paytaxtda hava dəyişkən olacaq. Axşama yaxın Abşeronda bəzi yerlərdə yağış yağacaq. Mülayim cənub-şərq küləyi əsəcək.
-
Bu gün, sentyabrın 30-da Strasburqda Avropa Şurası Parlament Assambleyası (AŞPA) sessiyası keçirilir. Orada müzakirələr oktyabrın 5-nə kimi davam etməlidir. Sessiyada Culian Assanjın (Julian Assange) saxlanması, mühakimə olunması, bunun insan hüquqlarına təsirləri barədə, eləcə də Avropada təbliğat və məlumat azadlığı ilə bağlı müzakirələrin aparılması planlaşdırılıb. Bu ilin iyununda "WikiLeaks"in qurucusu Culian Assanja qarşı işə xitam verilib, ABŞ hakimiyyəti ekstradisiya tələbini geri götürüb. O, ABŞ-də casusluqda ittiham edilirdi. 2019-cu ildə Britaniya polisi onu saxlamışdı. Assanj ABŞ məhkəməsində milli təhlükəsizlik ilə bağlı məxfi məlumatları qanunsuz əldə etdiyi və yaydığını etiraf edib.
-
24, 26 və 27 sentyabrda Azərbaycan sərhədçiləri ölkə sərhədlərini qanunsuz keçməyə cəhd göstərən Əlcəzair (3 nəfər) və Pakistan (19 nəfər) vətəndaşlarını saxlayıblar.
Rəy yaz