Azərbaycan Cənubi Koreyadan sualtı qayıq, esmines və aviasiya almaq niyyətindədir

Azərbaycan Cənubi Koreyadan böyük partiya müasir silah almaq niyyətindədir. Lakin rəsmi Seul həm Rusiya tərəfindən mənfi reaksiyadan, həm də Bakı və Yerevan arasında Dağlıq Qarabağla bağlı mübahisəni nəzərə alaraq, qüvvələrin balansının pozulması ehtimalından ehtiyatlanaraq, hələlik şübhə edir. Bu barədə Cənubo Koreyanın “Hanguk İlbo” qəzeti ölkə parlamentindəki mənbələrinə istinadla bildirir.

“Rossiysakaya qazeta”nın məlumatına görə, Bakının Cənubi Koreyadan silah və texnika almaq niyyəti Cənubi Koreyan parlamentinin nümayəndə heyətinin bu yaxınlarda baş tutmuş səfəri zamanı səslənib.

Bakı hakimiyyətinin almaq niyyətində olduğu silah siyahısı kifayət qədər sanballıdır. Xüsusən, Azərbaycan Koreyadan iki sualtı qayıq, esmines, nəqliyyat gəmisi, səsdən sürətli T-50 məşq təyyarələri, dünyada ən yaxşılardan biri olan 155 mm çaplı SAU K-9, helikopterlər, pilotsuz uçan aparatlar, odu idarəetmə sistemləri və s. almaq istərdi. Saziş bağlanarsa, ümumi dəyəri ən az üç milyard dollar təşkil edərdi.

“Hanguk İlbo” qeyd edir ki, bütün bu silahlar Bakıya ilk növbədə hazırda Ermənistanın nəzarəti altında olan Dağlıq Qarabağ ətrafında ərazi mübahisəsində Yerevanla qarşıdurmada lazımdır. Bundan başqa, silahlı qüvvələrini gücləndirməsi zəngin neft-qaz yataqlarının mühafizəsində Azərbaycanın imkanlarını artıracaq.

Bütün bu təkliflər artıq Cənubi Koreya hökumətinin diqqətinə çatdırılıb, yeri gəlmişkən, hökumət silah nəqli ilə bağlı Azərbaycanla danışıqlara başlamağa tələsmir. “Hanguk İlbo” qeyd edir ki, burada bir neçə səbəb var. Birincisi, belə böyük partiya silahın satışı regionda qüvvələr balansının dəyişməsinə gətirib çıxara bilər və Seulun koreyalıların qarışmaq istəmədiyi ərazi mübahisəsində Bakının tərəfində “oynaması” kimi qəbul ediləcək. Bakıya səfər etmiş parlamentarilərin arasında olan deputat Kim Qvan Çjin də bunu etiraf edib. “Biz hələ özümüz qərar verməliyik, başqa dövlətlə ərazi mübahisəsi olan ölkəyə silah nəql etməyə dəyər ya yox”, deyə Kim qeyd edib, amma etiraf edib ki, “Azərbaycan silahımızı almağa çox böyük istək nümayiş etdirib”. 

Koreya silah ustaları özləri belə böyük partiya silah ixracatı təşkil etmək istərdi, bu, təkcə böyük məbləğ qazanmağa imkan verməyəcək, həm də dünyada silah ixracçısı kimi Cənubi Koreyanın nüfuzunu möhkəmləndirəcək. Seul isə beynəlxalq silah bazarında fəal oyunçu olmaq məqsədini gizləmir. Yeri gəlmişkən, burada da başa düşürlər ki, silah daha çox siyasətdir, buna görə də kimə nə satdığına diqqət yetirməlisən.

“Hanguk İlbo”nun məlumatına görə, Cənubi Koreya XİN Azərbaycana silah satışı ehtimalına mənfi yanaşaraq, Koreyanın Müdafiə Nazirliyinə “xüsusi ehtiyatlılıq və təmkinlilik nümayiş etdirmək” tövsiyəsi verib.

Bununla əlaqədar olaraq, Koreyada belə bir məlumat yaranıb ki, ölkənin hərbi idarəsi heç də təsadüfən “daxili işlərlə həddindən artıq məşğulluğa” istinad edərək, Bakının təklifini, habelə Koreyalı deputatlardan birinin Azərbaycana səfər etmək məsləhətini rədd etməyib. Doğrudur, qəzet iddia edir ki, nazirin yerinə onun müavini Bakıya səfərə hazırlaşır, o, silah satışı məsələsini müzakirə edəcək.

“Hanguk İlbo” həmçinin qeyd edir ki, Seulun ehtiyatlı olması üçün başqa səbəb də var. O, regionda xüsusi maraqları olan Rusiya ilə münasibətləri, habelə Ermənistanla, Azərbaycanla münasibətlərdə və Dağlıq Qarabağ məsələsində öz mövqeyini pozmaq istəmir. “Aydındır ki, Rusiya Azərbaycanın bizim köməyimizlə öz hərbi imkanlarını kəskin şəkildə artıracağına xüsusi vəcdlə yanaşmayacaq”, deyə qəet Cənubi Koreya hökumətinin nümayəndəsinin fikrindən sitat gətirir.

Bundan sonra güzəştli təklif səslənib. “Rusiyanın mənfi reaksiyası ehtimalını azaltmaq üçün başlanğıcda Azərbaycana sırf müdafiə xarakterli silah növləri ixrac etmək variantına baxmaq lazımdır”, deyə Seul Xarici Dillər Universitetinin professoru Hanguk O Çjon Çjin qeyd edib. -02D-