Azərbaycan yerli istehsal hesabına çiyələyə olan tələbatını tam ödəyə bilər. Bu barədə ötən cümə günü Gəncə şəhərində keçirilən Çiyələk Yarmarkasında bildirilib. Yarmarkaya ölkənin beş rayonundan olan fermerlər 2011-ci ildən yetişdirilən yeni «Viktoriya» çiyələk növündən 3 ton məhsul çıxarıb.
«Yerli çiyələk növlərinin məhsuldarlığı 1 hektardan 10-12 ton təşkil edir. Amerika növü olan «Viktoriya»nın 1 hektarından isə 5 ton məhsul götürmək olar», - deyə Turana SMART- imkansız fermerlərə dəstək layihəsinin əlaqələndiricisi Elvin Nəbiyev bildirib. Bundan əlavə, Azərbaycan üçün yeni olan bu çiyələk növü özünü dayanıqlı növ kimi göstərib: yerli növlərdən fərqli olaraq o öz keyfiyyətini 3 gün saxlaya bilir. SMART layihəsi Bərdə, Tərtər və Ağdam rayonlarında çiyələk istehsalı, satışı və emalı üçün dayanıqlı şəraitin yaradılmasına yönəldilib. 2010-cu ildən reallaşdırılan layihə İsveçrə İnkişaf və Əməkdaşlıq Agentliyinin tərəfindən maliyyələşdirilir. Üç illik proqramın dəyəri - $1,5 mln-dur. SMART layihəsi Oksfam Azərbaycan təşkilatı tərəfindən reallaşdırılır.
«Yarmarkanın keçirilməsində məqsəd təkcə «Viktoriya» növünün Gəncə sakinlərinə təqdim edilməsi deyil, həm də öz ehtiyaclarını Türkiyə, Çin və İrandan gətirilən çiyələk hesabına ödəyən emal müəssisələrinə də təqdim etməkdir», - deyə «Oksfam» humanitar təşkilatının rəhbəri Şövkət Əlizadə bildirib. Yarmarkada öz məhsulları ilə «İnterpark», «Azərsun», «Elsu», «Badamlı», «Dağ çiçəyim» və «Nord» müəssisələri də iştirak edib.
SMART Layihəsi araşdırmalarının nəticəsinə görə, Azərbaycanda ildə təxminən 600 ton çiyələk istehsal edilir. bunun yarısı Cəlilabad rayonu fermerlərinin payına düşür. İllik çiyələk idxalının həcmi təxminən 900 ton təşkil edir. 08D
İqtisadiyyat
-
Azərbaycanın maliyyə cinayətləri və terrorizmin maliyyələşdirilməsinə qarşı mexanizmləri gücləndirmək üçün strateji addım çərçivəsində Baş nazirin müavini Samir Şərifov yenidən qurulmuş Terrorizmin Maliyyələşdirilməsinə və Digər Maliyyə Cinayətlərinə qarşı Mübarizə üzrə Koordinasiya Şurasının sədri təyin olunub.
-
“Azərbaycan Dəmir Yolları” QSC-nin sədri Rövşən Rüstəmov və İran Dəmir Yollarının rəhbəri Cabbar Əli Zəkəri Sərdrudi Tehranda keçirilmiş Azərbaycan–İran Birgə Hökumətlərarası Komissiyasının iclasında Astara terminallarında əməkdaşlığın gücləndirilməsi məsələsini müzakirə ediblər. Bu terminallar Beynəlxalq Şimal-Cənub Nəqliyyat Dəhlizinin (INSTC) əsas qovşaqları hesab olunur. Görüşdə bu terminalların əməliyyat səmərəliliyinin artırılması və onların strateji əhəmiyyətinin vurğulanması ilə iki ölkə arasında yükdaşımaların artan həcminə dəstək məsələləri diqqət mərkəzində olub.
-
Azərbaycan "Yaşıl Enerji Zonasının" məqsədli qrupunun əlaqələndirilmiş səyləri ilə yaşıl enerjiyə keçidini sürətləndirir. Bu məqsədli qrup son hibrid görüşünü irəliləyişləri nəzərdən keçirmək və gələcək prioritetləri müəyyən etmək üçün təşkil edib. Energetika Nazirliyi çərşənbə günü keçirilən sessiya ilə bağlı açıqlamasında, bu qrupun 2022–2026-cı illər üçün Sosial-İqtisadi İnkişaf Strategiyasının həyata keçirilməsində mərkəzi rolunu vurğulayıb. Bu strategiya Azərbaycanın dayanıqlı inkişaf ambisiyalarının əsasını təşkil edir.
-
Azərbaycanın dövlət mədən şirkəti olan AzerGold, qlobal mədən sektorunda iştirakını genişləndirmək səyləri çərçivəsində Afrikada türk şirkətləri ilə strateji əməkdaşlıq imkanlarını araşdırır. AzerGold QSC-nin İdarə Heyətinin sədri Zakir İbrahimov və Türkiyə Xarici İşlər Nazirliyinin Qərbi və Mərkəzi Afrika Departamentinin rəhbəri Şəbnəm Cenk arasında keçirilən son danışıqlarda qarşılıqlı faydalı tərəfdaşlıq potensialı vurğulanıb.
Rəy yaz