Leyla və Arif Yunusların kassasiya şikayətinə dekabrın 27-də baxılacaq
Çərşənbə axşamı Ali Məhkəmə Leyla və Arif Yunusların kassasiya şikayətinə baxılmasını növbəti dəfə təxirə salıb. Bunu Turan-a onların vəkili Əfqan Məmmədov bildirib.
Onun sözlərinə görə, kassasiya şikayəti Bakı Apellyasiya Məhkəməsinin 2015-ci il 9 dekabr qərarından verilib. “Bu şikayətə səbəb Bakı Ağır Cinayətlər Məhkəməsinin Arif və Leyla Yunusların barəsində çıxardığı azadlıqdan məhrumetmə hökmünün Apellyasiya Məhkəməsində şərti cəza ilə əvəz edilməsidir. Biz müdafiə etdiyimiz şəxslərə bəraət tələb edirdik”, - Ə.Məmmədov bildirib.
Kassasiya şikayəti 2016-cı ilin fevlarında verilib: “Amma hər dəfə şikayətə baxış üçün vaxt təyin olunsa da sonradan təxirə salınıb, yubana-yubana indiki vaxta gəlib çıxıb. Bu gün də şikayətə baxılmasını dekabrın 27-nə kimi təxirə saldılar”, - vəkil qeyd edib.
Sülh və Demokratiya İnstitutunun direktoru Leyla Yunus və onun həyat yoldaşı Arif Yunus 2014-cü ilin yayında həbs olunublar.
Avqustun 13-də Bakı Ağır Cinayətlər Məhkəməsi Leyla Yunusu 8 il 6 ay, Arif Yunusu isə 7 il müddətinə azadlıqdan məhrum edib.
Həmin il dekabrın 9-da Apellyasiya Məhkəməsi həbs müddətini şərti cəza ilə əvəz edib. Aprelin 19-da cütlük müalicə məqsədilə Azərbaycanı tərk edib. Bu, rəsmi Bakıya beynəlxalq təzyiqlərdən sonra mümkün olub.-05B06-
Cəmiyyət
-
Bazar günü, iyulun 28-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı gözlənilir.
-
Bakı şəhəri ərazisində qanunsuz miqrasiyaya qarşı mübarizə çərçivəsində müxtəlif ünvanlarda əməliyyat tədbirləri həyata keçirilib. Daxili İşlər Nazirliyindən verilən məlumata görə, Baş Dövlət Yol Polisi İdarəsinin qanunsuz miqrasiyaya qarşı mübarizə idarəsinin əməkdaşları tərəfindən Azərbaycan ərazisində yaşamaq və qalmaq hüququ verən sənədləri olmayan 34 əcnəbi müəyyən edilərək saxlanılıb.
-
Azərbaycan Müdafiə Nazirliyi (AMN) iyulun 25-də bəyanat yayaraq son günlərdə Ermənistanı Kəlbəcərdə ağır silahlar, Tovuz istiqamətində isə kvadrokopter tətbiq etməklə ona qarşı “təxribatlar törətməkdə” günahlandırıb. Üstəlik, Ermənistanın Qərb ölkələri ilə hərbi əməkdaşlığından narazılıq və narahatlıq ifadə edib.
-
Daxili İşlər Nazirliyinin Baş Narkotiklərlə Mübarizə İdarəsinin son əməliyyatları zamanı narkotik maddələrin qanunsuz dövriyyəsilə məşğul olan mütəşəkkil dəstənin 5 üzvü - əvvəllər məhkum olunmuş Bəhlul İsmayılov, Röyal Əliyev, Xəyal Alıyev, Samir Ağayev və Əli Məmmədli saxlanılıblar.
Rəy yaz