Müstəntiq İbrahim Ləmbəranski telefonla hüquq müdafiəçisi Leyla Yunusa iyulun 7-də səhər saat 10-da dindirməyə gəlmək tələbini çatdırıb.
Buna cavabda Yunus onun və həyat yoldaşının “aprelin 28-də qanunsuz olaraq əllərindən alınmış” pasportlarını qaytarmağı tələb edib.
“Bizim qanunsuz olaraq əlimizdən alınmış pasportlarımız qaytarıldıqdan sonra prokurorluğa gələcəyəm”, deyə Leyla Yunus Turan-a bildirib.
Onun sözlərinə görə, Ləmbəranski kobud və təmkinsiz danışaraq, pasportları qaytarmaqdan imtina edib və bazar ertəsi prokurorluğa gəlməyi tələb edib.
Bununla əlaqədar olaraq Leyla Yunus bildirib ki, prokurorluğun qarşısına əvvəlki kimi onu saxta ittihamla həbs etmək vəzifəsi qoyulub.
Xatırladaq ki, aprelin 28-də Yunuslar aeroportda saxlanılıblar, bundan sonra Leyla Yunus Prokurorluğun Ağır Cinayətlər İdarəsində 9 saat dindirilib.
Mayın 29-da Ləmbəranski yenə onu dindirməyə çağırıb. Amma Leyla Yunus imtina edərək, pasportların qaytarılmasını tələb edib.
Hazırda hüquq müdafiəçisi ona qarşı yeni təzyiq dalğası gözləyir. -02D-
Cəmiyyət
-
Lider mobil operator yerli bazarda tokenləşdirilmiş balans artımını təklif edən ilk mobil operator oldu Ən innovativ rəqəmsal həlləri müştəriləri üçün əlçatan etməyi hədəfləyən Azercell bu dəfə mobil ödənişlərin asanlığı təmin edir. Lider mobil operator “Apple Pay” və “Google Pay”in “Azercell” mobil tətbiqinə inteqrasiyasını reallaşdırır.
-
Azərbaycanın Ekologiya və Təbii Sərvətlər Nazirliyi (ETSN) ölkə üzrə genişmiqyaslı meşə bərpa səyləri barədə məlumat verərək, meşə ərazilərinin genişləndirilməsi məqsədilə on minlərlə ting əkildiyini açıqlayıb. Lakin tənqidçilər nazirliyin eyni zamanda özəl şirkətlərə torpaq icarəyə verməklə meşələrin qırılmasına şərait yaratdığını iddia edirlər.
-
Dekabrın 22-də Bakıda və Abşeron yarımadasında havanın dəyişkən buludlu olacağı, arabir tutulacağı, əsasən yağıntısız keçəcəyi gözlənilir. Lakin gecə və səhər bəzi yerlərdə çiskin olacağı ehtimalı var. Mülayim cənub-qərb küləyi əsəcək.
-
Çox vaxt "Qafqazın Dubayı" adlandırılan Bakı getdikcə sakinlərin mənzil hüquqlarının sistematik şəkildə pozulması ilə tanınmağa başlayır. Şəhərin yenilənməsi və yeni eleqant binaların inşası zamanı Azərbaycanın paytaxtında minlərlə ailə qanunsuz olaraq öz evlərindən məhrum edilib. Çoxları müqavimətin faydasız olduğunu bilərək, öz qiymətli əmlaklarına görə qeyri-adekvat pul kompensasiyasına razılaşır. Mənzil Məcəlləsinə inanan azlıq isə tikinti şirkətlərindən ədalətli təzminat tələb edir, ancaq çox vaxt hər şeyi itirir - həm evini, həm də təzminatın istənilən formasını.
Rəy yaz