Kiyev Ukraynanın`şərqinin böyük hissəsi üzərində nəzarəti qaytarıb

Ukraynanın güc qurumları Donetsk və Luqanski vilayətlərinin 26 rayonundan 23-ü üzərində nəzarət yaradıblar, bu barədə Ukrayna Milli Təhlükəsizlik və Müdafiə Şurasının (MTMŞ) katibi Andrey Parubi bildirib.

“”Bu gün mövcud vəziyyətə görə Ukraynanın dövlət hakimiyyəti orqanları antiterror əməliyyatları zonasında 26 rayondan 23-nə nəzarət edir. Donetsk vilayətində rayonların üçdə ikisindən çoxu – 18-dən 13-ü, Luqansk vilayətində yarıdan çoxu – 18-dən 10-u”, deyə MTMŞ rəhbəri bildirib.

Onun sözlərinə görə, Ukrayna güc qurumlarının nəzarəti altına qaytarılan ərazilərdə yerli özünüidarə, milis və kommunal xidmətlərin işi bərpa edilib.

Donetsk vilayətində xüsusi əməliyyatların fəal fazası davam etdirilir. Artıq iki gündür Ukrayna hərbiçiləri Slavyansk yaxınlığındakı Nikolaevkaya hücum edir. Nikolayevka yaxınlığında döyüşçülərin altı blokpostu və döyüş sursatları anbarı məhv edilib, indi yaşayış məntəqəsi güc qurumları tərəfindən mühasirəyə alınıb. 150-dən çox döyüşçü öldürülüb.

“Döyüş zamanı aşağıdakı itikilərimiz var: bir hərbi qulluqçu həlak olub, dördü yaralanıb. Düşmən böyük itkilər verib – 150 nəfərdən çox. 6 dayaq nöqtəsi dağıdılıb, Nikolayevkada və Semenovkada döyüş sursatları bazası məhv edilib. Xarkov-Rostov yolu nəzarətə götürülüb”, deyə xüsusi əməliyyat qüvvələrinin mətbuat katibi Aleksey Dmitraşkovski TSN telekanalına bildirib. “İnvormasiya müqaviməti” qrupunun məlumatına görə, iki Ukrayna hərbiçisi həlak olub.

Slavyanskda separatçıların lideri İqor Qirkin (Strelkov) bildirib ki, onun döyüşçüləri Rusiyanın köməyi olmadan maksimum bir həftə dayana bilər. Onun sözlərinə görə, Moskva döyüşçülərə ümid verib, amma onları “cəzalandıranların əlinə atıb”.

“Rusiya işə müdaxilə etməsə Yeni Rusiya ən yaxın zamanda məhv olacaq. Slavyansk digərlərindən xeyli tez məhv olacaq”, Strelkov belə düşünür. O, döyüşçülərin təchizatının “tamamilə dayandığından” şikayət edib. -02D-