Bu gün Apellyasiya Məhkəməsində hüquq müdafiəçisi Leyla Yunusun və onun həyat yoldaşı Arif Yunusun şikayətinə baxılması baş tutmayıb. Buna səbəb vəkillərin Leyla Yunusu 8,5 il, Arif Yunusu isə 7 il müddətinə azadlıqdan məhrum edən birinci instansiya məhkəməsinin protokolları ilə tanış olmaq imkanının olmaması olub.
Vəkil Elçin Sadıqov bildirib ki, müdafiə tərəfin birinci instansiya məhkəməsindən sənədləri ala bilməyib və iclasa hazırlaşmaq imkanı olmayıb. Bu səbəbdən hakim iclası oktyabrın 20-nə keçirib.
Öz hüququndan istifadə edən Leyla Yunus Penitensiar Xidmətdə onun hüquqlarının kobud şəkildə pozulmaqda davam etdiyi haqqında qısa bəyanat səsləndirib. “Alman həkimim Vit tərəfinən yazılmış müalicə 2 ay üçün nəzərdə tutulmuşdu, amma məni bir həftə sonra kameraya qaytardılar. Bu, sadizmdir, mən onların həkimlərinə etibar etmirəm, onlar müalicə etmək iqtidarında deyillər, bizim vəziyyətimiz ağırdır”, deyə o bildirib.
Leyla və Arif Yunus solğun görünürdülər, çətinliklə hərəkət edirdilər. Arif başını əllərinin arasına alaraq oturmuşdu. -05В-
Cəmiyyət
-
Cinayət tərkibinin əlamətləri olmayan məişət zorakılığı barədə şikayətə baxılması qaydası müəyyənləşdirilib. Prezident İlham Əliyev bununla bağlı "Məişət zorakılığının qarşısının alınması haqqında" qanuna dəyişikliyi təsdiqləyib.
-
Bu gün, yanvarın 27-də Avropa Şurası Parlament Assambleyasının (AŞPA) qız sessiyası başlayır. Ötən həftə (yanvarın 21-də) bir qrup beynəlxalq insan haqları qurumları AŞPA-nı Azərbaycan nümayəndə heyətinin mandatını bərpa etməməyə, yaxud bunu "aydın" şərtlərlə etməyə çağırıb. "Azərbaycanın vətəndaş cəmiyyəti, müstəqil media və siyasi narazıların artan repressiyası Avropa Şurasının dəyərlərini pozmaqdadır. Azərbaycan beynəlxalq mexanizmlərlə israrla əməkdaşlıq etmir, sistematik insan haqları pozuntularını aradan qaldırmır", - AŞPA-ya məktubda deyilir.
-
Yanvarın 31-dək sənədlərini Səhiyyə Nazirliyinə təqdim etməyən plastik cərrahların şəhadətnamələri ləğv ediləcək. Bu barədə yanvarın 27-də Səhiyyə Nazirliyi məlumat yayıb.
-
Yanvarın 28-də Bakıda və Abşeron yarımadasında hava dəyişkən buludlu olacaq, gündüz yarımadanın bəzi yerlərində az çiskinli olacaq. Gecə və səhər bəzi yerlərdə arabir duman olacaq. Mülayim cənub-şərq küləyi əsəcək. Gecə 3-6, gündüz 7-11 dərəcə isti olacaq.
Rəy yaz