Sabitliyin ən yaxşı zəmanəti repressiyalar deyil, demokratiyadır
Amerikanın bir qrup diplomatı və insan hüquqları və demokratiya sahəsində eksperti Vaşinqtonu bütün dünyada müstəqil səslərin avtoritar rejimlərə qarşı mübarizəsinə dəstəyi gücləndirməyə çağırıb, bu barədə Turan-ın müxbiri ABŞ-ın paytaxtından bildirir.
“Demokratiya və insan hüquqları ABŞ-ın xarici siyasətində mərkəzi yeri tutmalıdır”, deyə ABŞ dövlət katibinin keçmiş müavini Paola Dobryanski çərşənbə günü Freedom House-un ofisində keçirilən debatda bildirib.
Vaşinqtonun vətəndaş cəmiyyətinə dəstək üzrə səyləri haqqında danışan ABŞ dövlət katibinin köməkçisi Entoni Blinken qeyd edib: “Avtoritar rejimlər çox vaxt öz maraqlarını və hakimiyyətlərini qoruyub saxlamaq üçün “sabitlik” sözünün arxasında gizlənir. “Amma sabitliyin və sülhün ən yaxşı zəmanəti repressiyalar deyil, demokratiyadır”, deyə o qeyd edib.
Prezident Buşun administrasiyasında milli təhlükəsizlik məsələləri üzrə keçmiş müşavir Eliot Abrams bildirib ki, dünyada demokratiyanın vəziyyəti və ABŞ-ın nüfuzu bir-biri ilə əlaqəli olmalıdır.
“Ayrı-ayrı ölkələr və konkret şəxsiyyətlər barəsində biz insan hüquqlarına dəstək üçün daha çox səy göstərə bilərik və bunu etməliyik. Repressiyaya məruz qoyanlarla əlaqə saxlamaq yerinə, repressiyaya məruz qalanlara müraciət etmək vacibdir”, deyə o qeyd edib.
Amerika Pen-Mərkəzin icraçı direktoru Syuzan Nossel də dissidentlərin və vətəndaş cəmiyyətinin daha fəal şəkildə dəstəklənməsinin tərəfdarı olduğunu bildirib. “ABŞ dissidentlərin göz dikdiyi yerdir, çünkü onun dəstəyi həddindən artıq vacibdir”, deyə o qeyd edib.
Ukraynanın vətəndaş azadlıqları mərkəzinin rəhbəri Oleksandra Matviyçuk deyib ki, Ukraynanın azad gələcəyi uğrunda mübarizəsi bütün postsovet məkanı üçün ümid rəmzidir.
“Biz hökumətdən və bütün xoşməramlı insanlardan Ukraynada bütün səyləri birləşdirməyi xahiş edirik. Demokratiyanın yayılması ölkələrin vətəndaşların təhlükəsiz həyatını təmin etməsi üçün yeganə imkandır”, deyə o fikrini tamamlayıb. -023В-
-
- İqtisadiyyat
- 15 Oktyabr 2015 16:46
-
- Cəmiyyət
- 15 Oktyabr 2015 17:01
Siyasət
-
İyulun 26-da “III Respublika Platforması” bəyanat yayaraq, bu qurumun həbsdə olan rəhbəri Akif Qurbanovun azyaşlı uşaqlarının elektron cihazlarının qanunsuz ələ keçirilməsinə diqqət çəkiblər.
-
İyulun 19-dan iyulun 26-dək Xankəndidə 24 avtomat, 1 pulemyot, 9 tüfəng, 28 qumbara, 441 mərmi, 3118 müxtəlif çaplı patron və digər döyüş sursatları aşkar edilib, bu barədə Daxili İşlər Nazirliyi məlumat yayıb.
-
Prezident İlham Əliyev fərmanla müdafiə sahəsində hərbi kəşfiyyat sahəsində əməkdaşlıq haqqında Azərbaycan-Qazaxıstan hökumətlərarası sazişi təsdiq edib.
-
Bakı Ağır Cinayətlər Məhkəməsində müxalif siyasətçi Tofiq Yaqublunun məhkəməsində digər təqsirləndirilən Elnur Vaqıfoğlunun ifadəsi dinlənilib.
Rəy yaz