Lökbatanda baş vermiş qəza barədə son məlumatlar

FHN-in son rəsmi məlumatına görə, bu gün qatarla sərnişin avtobusunun toqquşması nəticəsində 6 nəfər həlak olub, 40-dan çox adam yaralanıb. 

Təcili yardım xidməti bildirib ki, yaralılardan üçü xəstəxanada vəfat edib. Bir neçə nəfərin vəziyyəti ağır olaraq qalır.

Dəhşətli yol qəzası bu gün saat 07.35-də paytaxtın  Qaradağ rayonu ərazisində baş verib. Lökbatan qəsəbəsində dəmir yolu keçidində “Ağstafa-Bakı” marşrutu ilə hərəkət edən sərnişin qatarı 124 saylı avtobusla toqquşub. 

Hüquq- mühafizə orqanlarının əməkdaşları tərəfindən məhkəmə-tibb ekspertlərinin iştirakı ilə hadisə yerinə və meyitlərə baxış keçirilib.

İlkin məlumatlara görə, 47 yaralı Klinik Tibbi Mərkəzə və Travmatologiya xəstəxanasına yerləşdirilib. Onlardan 18-i ilkin tibbi yardım göstərildikdən sonra evə buraxılıb, 16 nəfər xəstəxanadadır, onlardan 10-nun vəziyyəti ağırdır.

Səhiyyə Nazirliyinin “Qaynar xətt” xidmətindən Turan-a bildirilib ki, 9 nəfərin vəziyyəti çox ağırdır, onların arasında Çin vətəndaşı da var.

Baş Prokurorluqda (493-72-80), Daxili İşlər Nazirliyində (493-62-64), Səhiyyə Nazirliyində (565-12-75) nömrəli "Qaynar xətt" əlaqə mərkəzləri fəaliyyət göstərir. 

Hadisə şahidlərinin dediklərinə görə, qəzaya avtobus sürücüsünün yol hərəkəti qaydalarını pozması səbəb olub. Sürücü yaralanıb və hadisə yerindən qaçmaq istəyib, lakin saxlanılıb.03B04- 

 

***

Lökbatanda qatar marşrut avtobusunu vurub,  ölən və yaralananlar var

Lökbatan qəsəbəsində dəmiryol keçidində 124 saylı marşrut avtobusunun (10 TF 427 nömrə nişanlı) toqquşması nəticəsində azı 15 nəfər həlak olub.    

Qobustan  rayon Polis İdarəsinin 10-cu Polis bölməsindən Turana bildiriblər ki, ilkin məlumatlara görə 15 nəfər həlak olub. Hazırda hadisə yerində hüquq mühafizə orqanlarının, Fövqalədə Hallar Nazirliyinin əməkdaşları çalışır. Çoxsaylı təcili tibbi yardım avtomobilləri yaralıları daşıyır.

Bakı şəhər Təcili və Təxirəsalınmaz  Tibbi Yardım Stansiyasının baş həkiminin müavini Suqra Bəşirova Turana deyib ki, ilkin məlumatlara  görə hadisə nəticəsində 30 nəfər xəsarət alıb. Ölən və yaralananların sayı dəqiqləşdirilir.-03B-

* * *

Bu gün saat 7.30-da Lökbatan qəsəbəsində qatarla sərnişin avtobusu toqquşub.

Baş Dövlət Yol Polisi İdarəsinin növbətçi hissəsindən Turana bildiriblər ki, qəza nəticəsində ölən və yaralananlar var. Hazırda araşdırma aparılır.

Hadisənin şahidləri Turanın müxbirinə bildirib ki, qatar dəmiryol keçidində sərnişin avtobusunu vurub və bir neçə metr avtobusu sürüyüb.

Bakı şəhər Təcili və Təxirəsalınmaz Tibbi Yardım Stansiyasından Turana bildiriblər ki, hadisə böyük masştablıdır. 30 nəfərdən çox zərərçəkən var.

Öz növbəsində hadisənin müşahidə edənlər Turana bildirib ki, ölənlərin sayı 10-dan çox ola bilər. İlk anda təcili yardım maşınları 4 meyit götürüb və sonra insanları hadisə yerindən uzaqlaşdırıblar.

Hadisə yerində Fövqəladə Hallar Nazirliyinin, Təcili və Təxirəsalınmaz Tibbi Yardım Stansiyasının, hüquq mühafizə orqanlarının əməkdaşları işləyir.-03B-

Rəy yaz

Cəmiyyət

Qərb Ermənistanı müharibəyə hazırlayır? – Nahid Cəfərov Çətin sualda



InvestPro Azerbaijan Baku & Turkiye Istanbul 2024 – two conferences in one shot


Əziz Bakı şəhəri sakini!

Siz də Qlobal İqlim Dəyişmələri ilə mübarizəyə öz töhfənizi verə bilərsiniz

Dear resident of Baku city!

You too can contribute to the fight against Global Climate Change

Дорогой житель города Баку!

Вы тоже можете внести свой вклад в борьбу с глобальным изменением климата

Bizi sosial şəbəkələrdə izləyin

Xəbər lenti