Maliyyə Nazirliyinin rəhbərliyinin beynəlxalq bankdan mənimsələrlə əlaqəsi yoxdur - Baş Prokurorluq
Prokurorluq Azərbaycan Beynəlxalq Bankının keçmiş sədri Cahangir Hacıyev tərəfindən yüz milyonlarla dolların qanunsuz olaraq xaricə çıxarılması haqqında faktları araşdırmağa davam edir. Bu barədə Turan-a Baş Prokurorluğun mətbuat xidmətindən bildiriblər.
Beynəlxalq Bankın sədri vəzifəsində işlədiyi dövrdə (2001-2015) o, mütəşəkkil qrup yaradıb və vəzifə səlahiyyətlərindən sui-istifadə edərək, başqasının böyük ölçüdə əmlakını israf edib, vəzifə saxtakarlığı edib və əmanətçilərin hüquqlarına və dövlətin maraqlarına ziyan vurub.
Bir sıra belə epizodlar üzrə istintaq davam edir. Müəyyən olunub ki, Hacıyev və Beynəlxalq Bankın bir sıra digər məsul əməkdaşları xaricdə saxta hüquqi şəxslərin hesablarına yüz milyonlarla dollar köçürüb. Hacıyevin Maliyyə Nazirliyinin rəhbərliyinin bundan xəbəri olduğu və özlərinin qanun pozuntularına yol verdikləri haqqında ittihamları isə əsassızdır, deyə Baş Prokurorluğun mətbuat xidmətinin rəhbəri Sultanov bildfirib.
Xatırladaq ki, 2016-cı il oktyabrın 14-də Cahangir Hacıyev mənimsəmə və fırıldaqçılıq ittihamı ilə 15 il müddətinə azadlıqdan məhrum edilib. Onunla birlikdə Beynəlxalq Bankın 6 əməkdaşı müxtəlif müddətli həbs cəzaları alıb. -02В-
Cəmiyyət
-
Dekabrın 22-də Bakıda və Abşeron yarımadasında havanın dəyişkən buludlu olacağı, arabir tutulacağı, əsasən yağıntısız keçəcəyi gözlənilir. Lakin gecə və səhər bəzi yerlərdə çiskin olacağı ehtimalı var. Mülayim cənub-qərb küləyi əsəcək.
-
Çox vaxt "Qafqazın Dubayı" adlandırılan Bakı getdikcə sakinlərin mənzil hüquqlarının sistematik şəkildə pozulması ilə tanınmağa başlayır. Şəhərin yenilənməsi və yeni eleqant binaların inşası zamanı Azərbaycanın paytaxtında minlərlə ailə qanunsuz olaraq öz evlərindən məhrum edilib. Çoxları müqavimətin faydasız olduğunu bilərək, öz qiymətli əmlaklarına görə qeyri-adekvat pul kompensasiyasına razılaşır. Mənzil Məcəlləsinə inanan azlıq isə tikinti şirkətlərindən ədalətli təzminat tələb edir, ancaq çox vaxt hər şeyi itirir - həm evini, həm də təzminatın istənilən formasını.
-
Düşərgədə iştirak edən məktəblilər ölkəmizi üç nüfuzlu beynəlxalq olimpiadada təmsil edəcək Ölkəmizin beynəlxalq fənn olimpiadalarında təmsil etməyə hazırlaşan şagirdlərin hazırlıq prosesi müvəffəqiyyətlə davam edir. Azercell, Elm və Təhsil Nazirliyi və Təhsil İnstitutunun birgə əməkdaşlığı çərçivəsində Bakı Ali Neft Məktəbində bu məktəblilər üçün növbəti “İnformatika Düşərgəsi” təşkil olunub.
-
Ötən gecə Azərbaycan-Ermənistan sərhədində 4.8, 3 və 3.8 maqnitudalı zəlzələlər baş verib, Azərbaycan Milli Elmlər Akademiyası Respublika Seysmoloji Xidmət Mərkəzi bildirib.
Rəy yaz