Şənbə və bazar günləri manatın taleyi ilə bağlı şayiələr bu haqda informasiyadan daha çox oldu. Manatın məzənnəsinin 33% ucuzlaşmasından sonra rəsmi şəxslərdən heç kim açıqlama verməyib.
Bu fonda hakimiyyətyönlü KİV şayiələr yaymağa başlayıblar ki, bəs, bazar ertəsi dövlət başçısı çıxış edəcək və manatın məzənnəsinin aşağı salınması barədə qərarı ləğv edəcək. Əhali intizar içində bu çıxışı gözləyir. Lakin daha praqmatiklər mağazalara axışıblar.
Məhsulların qiymətinin artdığını sezmək çətin deyil. Lakin o qədər də çox deyil, həm də bütün dükanlarda baş verməyib. Əsasən idxal mallarının qiyməti artıb. Onların hamısı manatın məzənnəsi düşməmişdən öncə gətirilib. Lakin satıcılar 20-30% artıma hazırlaşırlar.
Ötən gün bəzi ərzaq mağazalarında avtomatik olaraq yerli mallara 20 faizlik, idxal mallarına 34 faizlik əlavə qiymət yapışdırılıb. Meyvə-tərəvəzin qiyməti qalxmayıb.
Bir çox əczaxanalarda əczaçılar gigiyena və ilkin yardım məhsullarına 15%, dərman preparatlarına 35%-lik əlavə müəyyən ediblər. Onlar tədarükçülərin qərarına əsaslandıqlarını bildiriblər.
Ən gərgin vəziyyət əsasən idxal olunan məişət texnikası ilə əlaqədar yaranıb. Mağazaların çoxu satışı dayandırıb və yenidən qiymətləndirmə aparırlar.
Bazar günü səhərdən valyutadəyişmə məntəqələrinin çoxu işləmir, satıcılar göstəriş gözlədiklərini bildirirlər. Lakin alqı-satqı qiymətləri yenidir. Düzdür, valyuta nədənsə köhnə qiymətə alınır – 80 qəpik, ama satış qiyməti 1.06 və ya daha çox göstərilib. Yəni, alqı-satqı arasında fərq təxminən 30% təşkl edir.
Ölkənin bəzi bölgələrindən daxil olan məlumatlara görə, əhali bahalaşmaya kütləvi etiraz edir. Yerlərdəki mənbələr idxal mallarının bahalaşdığını bildiriblər.
Şənbə və bazar günləri paytaxrın iri ticarət mərkəzləri – “Binə” və “Sədərək” işləməyib. Belə ki, onlar demək olar ki, idxal malları satırlar. Satıcılar alver etməyin və qiyməti qaldırmağın mümkün olmadığını deyiblər. Bu səbəbdən mağazaların çoxu bağlı olub.
Bank kreditləri və əmanətləri olan adamlar daha çox narahatlıq keçirirlər. Hakimiyyət əhalinin 33% artan dollarla kreditlərini necə qaytaracağını açıqlamır.
Depozitlər üzrə faizlərin ödənişilə bağlı vəziyyət də aydın deyil. Çünki banklar depozitlər üzrə (9-12%-lik) ödənişlərə dair öhdəliklərini yerinə yetirə biləcəkləri barədə hələlik heç bir zəmanət verməyiblər. -02D-
Cəmiyyət
-
Dekabrın 22-də Bakıda və Abşeron yarımadasında havanın dəyişkən buludlu olacağı, arabir tutulacağı, əsasən yağıntısız keçəcəyi gözlənilir. Lakin gecə və səhər bəzi yerlərdə çiskin olacağı ehtimalı var. Mülayim cənub-qərb küləyi əsəcək.
-
Çox vaxt "Qafqazın Dubayı" adlandırılan Bakı getdikcə sakinlərin mənzil hüquqlarının sistematik şəkildə pozulması ilə tanınmağa başlayır. Şəhərin yenilənməsi və yeni eleqant binaların inşası zamanı Azərbaycanın paytaxtında minlərlə ailə qanunsuz olaraq öz evlərindən məhrum edilib. Çoxları müqavimətin faydasız olduğunu bilərək, öz qiymətli əmlaklarına görə qeyri-adekvat pul kompensasiyasına razılaşır. Mənzil Məcəlləsinə inanan azlıq isə tikinti şirkətlərindən ədalətli təzminat tələb edir, ancaq çox vaxt hər şeyi itirir - həm evini, həm də təzminatın istənilən formasını.
-
Düşərgədə iştirak edən məktəblilər ölkəmizi üç nüfuzlu beynəlxalq olimpiadada təmsil edəcək Ölkəmizin beynəlxalq fənn olimpiadalarında təmsil etməyə hazırlaşan şagirdlərin hazırlıq prosesi müvəffəqiyyətlə davam edir. Azercell, Elm və Təhsil Nazirliyi və Təhsil İnstitutunun birgə əməkdaşlığı çərçivəsində Bakı Ali Neft Məktəbində bu məktəblilər üçün növbəti “İnformatika Düşərgəsi” təşkil olunub.
-
Ötən gecə Azərbaycan-Ermənistan sərhədində 4.8, 3 və 3.8 maqnitudalı zəlzələlər baş verib, Azərbaycan Milli Elmlər Akademiyası Respublika Seysmoloji Xidmət Mərkəzi bildirib.
Rəy yaz