Aİ-nin insan hüquqları üzrə xüsusi nümayəndəsi Bakıya gəlir

Avropa İttifaqının insan hüquqları üzrə xüsusi nümayəndəsi Stavros Lambiridis Azərbaycan hökumətinin dəvətilə fevralın 23-də Bakıya gəlir.

Bununla əlaqədar Human Rights Watch və Front Line Defender beynəlxalq hüquq-müdafiə təşkilatları onu siyasi motivlərlə həbs olunmuş onlarla fəalı və jurnalisti azad etməyə çağırmağa səsləyiblər.

“Aİ-nin insan hüquqları üzrə aparıcı səsi -Lambiridisin səfəri Azərbaycan hakimiyyətini tənqidi səslərə qarşı kampaniyaya son qoymağa, uydurma ittihamlarla həbs olunmuş onlarla fəal və jurnalisti azad etməyə  çağırmaq üçün nadir şanslardan biridir”, - Front Line Defenders təşkilatının direktoru Meri Lauor bildirib.

“İnsan hüquqları ilə bağlı yaranmış vəziyyətin Aİ ilə münasibətlərin dərinləşməsinə əngəl törətdiyini açıq şəkildə bəyan etməyin vaxtı çatıb”, - o vurğulayıb.

Bəyanatda həmçinin deyilir ki, illərdir ki, hökumət tənqidi səsləri susdurur, jurnalistlərə və fəallara təzyiqlər göstərir. Son ildə uydurma ittihamlarla 30-dən çox hüquq müdafiəçisi, fəal, vəkil, jurnalist və bloger həbs olunub.

Bəyanat müəllifləri Lambiridisi həbsdə olan şəxslərlə, o cümlədən Leyla və Arif Yunuslar, Rəsul Cəfərov, İntiqam Əliyev və Xədicə İsmayılova ilə görüşməyə çağırırlar.

“Azərbaycanın aparıcı fəalları və müxalifətçiləri ümid edirlər ki, Aİ öz prinsiplərini müdafiə edəcək. Səsləri susdurulanlar isə Lambiridisin onların əvəzindən danışacağını gözləyirlər”, - bəyanatda vurğulanır.16D-