![Hüseyn Abdullayev](https://turan.az/resized/media/2022/main/041300043336-750-500-resize.webp)
Hüseyn Abdullayev
Mariupolda Rusiya hərbiçilərinin əsir götürdüyü azərbaycanlı azad edilib
Bakı/13.04.22/Turan: Ukraynanın Mariupol şəhərində martın 17-də əsir götürülən azərbaycanlı tələbə Hüseyn Abdullayev azadlığa buraxılıb. Bu barədə Turan-a o özü məlumat verib.
Abdullayevin sözlərinə görə, onu çeçen mənşəli Rusiya hərbiçiləri əsir götürmüşdü. "8 nəfər idik. Tək mən Azərbaycan vətəndaşı idim. Çeçenlər maşınımızı saxladı və məni digər şəxslərlə birlikdə əsir götürdülər", deyə Abdullayev bildirib.
26 gün əsir qalan tələbə qeyd edib ki, həmin dövr ərzində ona işgəncələr verilib. Hazırda da səhhətində problem var.
Abdullayevin sözlərinə görə, onu əsir saxlayan şəxslər Ramazan ayı olduğuna görə onu azad etməyə razılıq veriblər. "Mənim azad olmağımda bir neçə dost-tanışımın rolu var. Amma təəssüf ki, səfirliyimizin bunda heç bir rolu olmayıb", deyə Abdullayev qeyd edib.
Məsələ ilə bağlı Azərbaycanın Ukraynada səfirliyindən münasibət öyrənmək mümkün olmayıb. -21B06-
Cəmiyyət
-
Bazar günü, iyulun 28-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı gözlənilir.
-
Bakı şəhəri ərazisində qanunsuz miqrasiyaya qarşı mübarizə çərçivəsində müxtəlif ünvanlarda əməliyyat tədbirləri həyata keçirilib. Daxili İşlər Nazirliyindən verilən məlumata görə, Baş Dövlət Yol Polisi İdarəsinin qanunsuz miqrasiyaya qarşı mübarizə idarəsinin əməkdaşları tərəfindən Azərbaycan ərazisində yaşamaq və qalmaq hüququ verən sənədləri olmayan 34 əcnəbi müəyyən edilərək saxlanılıb.
-
Azərbaycan Müdafiə Nazirliyi (AMN) iyulun 25-də bəyanat yayaraq son günlərdə Ermənistanı Kəlbəcərdə ağır silahlar, Tovuz istiqamətində isə kvadrokopter tətbiq etməklə ona qarşı “təxribatlar törətməkdə” günahlandırıb. Üstəlik, Ermənistanın Qərb ölkələri ilə hərbi əməkdaşlığından narazılıq və narahatlıq ifadə edib.
-
Daxili İşlər Nazirliyinin Baş Narkotiklərlə Mübarizə İdarəsinin son əməliyyatları zamanı narkotik maddələrin qanunsuz dövriyyəsilə məşğul olan mütəşəkkil dəstənin 5 üzvü - əvvəllər məhkum olunmuş Bəhlul İsmayılov, Röyal Əliyev, Xəyal Alıyev, Samir Ağayev və Əli Məmmədli saxlanılıblar.
Rəy yaz