Masallı rayon mərkəzinin urbanizasiyası uzaqda deyil. Milli Məclisin regional məsələlər üzrə bugünki iclasında komitə sədri Arif Rəhimzadə bildirib ki, bu ərazi ona bitişik torpaqlar hesabına 353 ha-dan 2 min 560 ha-ya qədər artırılacaq.
Onun sözlərinə görə, yaxın gələcəkdə şəhər böyüyərək, iqtisadi, o cümlədən turizm fəaliyyətinin mərkəzinə çevriləcək. Bu gün rayonun 214 min sakinindən cəmi 14 min nəfər şəhərli hesab olunur, 2020-ci ilə qədər onların xüsusi çəkisi xeyli artacaq.
Öz növbəsində, parlamentin regional məsələlər üzrə komitəsinin üzvü, deputat Rüstəm Xəlilov Masallı rayonunun inzibati-ərazi bölgüsünə edilən dəyişikliklərin vaxtında edildiyini qeyd edib.
Bundan başqa, paytaxtın bu günlərdə yaradılmış Pirallahı rayonunda ayrıca bələdiyyənin yaradılması məsələsi parlament üzvlərinin müzakirəsinə çıxarılacaq. Yaradılan bələdiyyə tezliklə şəhər statusu alacaq Pirallahı qəsəbəsinin ərazisini (rayon mərkəzi) əhatə edəcək, deyə Rəhimzadə bildirib. -17D-
Cəmiyyət
-
Bazar günü, iyulun 28-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı gözlənilir.
-
Bakı şəhəri ərazisində qanunsuz miqrasiyaya qarşı mübarizə çərçivəsində müxtəlif ünvanlarda əməliyyat tədbirləri həyata keçirilib. Daxili İşlər Nazirliyindən verilən məlumata görə, Baş Dövlət Yol Polisi İdarəsinin qanunsuz miqrasiyaya qarşı mübarizə idarəsinin əməkdaşları tərəfindən Azərbaycan ərazisində yaşamaq və qalmaq hüququ verən sənədləri olmayan 34 əcnəbi müəyyən edilərək saxlanılıb.
-
Azərbaycan Müdafiə Nazirliyi (AMN) iyulun 25-də bəyanat yayaraq son günlərdə Ermənistanı Kəlbəcərdə ağır silahlar, Tovuz istiqamətində isə kvadrokopter tətbiq etməklə ona qarşı “təxribatlar törətməkdə” günahlandırıb. Üstəlik, Ermənistanın Qərb ölkələri ilə hərbi əməkdaşlığından narazılıq və narahatlıq ifadə edib.
-
Daxili İşlər Nazirliyinin Baş Narkotiklərlə Mübarizə İdarəsinin son əməliyyatları zamanı narkotik maddələrin qanunsuz dövriyyəsilə məşğul olan mütəşəkkil dəstənin 5 üzvü - əvvəllər məhkum olunmuş Bəhlul İsmayılov, Röyal Əliyev, Xəyal Alıyev, Samir Ağayev və Əli Məmmədli saxlanılıblar.
Rəy yaz