![Əvəz Zeynallının işi üzrə prosesdə qalmaqal](https://turan.az/resized/750/500/resize/media/2013/main/022800030177.jpg)
Əvəz Zeynallının işi üzrə prosesdə qalmaqal
Bu gün Ağır Cinayətlərə dair İşlər üzrə Bakı Məhkəməsində “Xural” qəzetinin redaktoru Əvəz Zeynallının işi üzrə prosesdə onun yekun sözü ilə çıxış etməsi planlaşdırılmışdı.
Lakin iclasın əvvəlində Zeynallı vəsatəti olduğunu bildirib. Buna cavabda prokuror da, hakim də məhkəmə istintaqının artıq yekunlaşdığını və heç bir vəsatət ola bilməyəcəyini bildiriblər. Lakin Zeynallı xatırladıb ki, onun işi üzrə əsas şikayətçi – keçmiş deputat Gülər Əhmədova həbs edilib.
Zeynallı işin təkrar istintaqa göndərilməsini və Əhmədovanın məhkəmədə iştirakının təmin edilməsini tələb edib. “O, tamamilə sağlamdır. Biz onunla eyni istintaq təcridxanasındayıq. Bizim məhkəməyə birlikdə gətirilməyimiz barədə göstəriş verin”, deyə Zeynallı bildirib.
Çıxışı zamanı o, prokurora qışqıraraq, onu “şərəfsiz” adlandırıb.
Buna cavabda dövlət ittihamçısı Zeynallının məhkəmə zalından çıxarılmasını tələb edib.
Redaktor isə prokuroru qulluqçu və kölə adlandırıb. “Sən kimsən axı?! Sən kanalizasiya rəisi olmağa layiqsən!”, deyə o qışqırıb.
Bundan sonra hakim Ramella Allahverdiyeva məhkəmə nəzarətçilərinə zalı boşaltmaq göstərişi verib. Tezliklə vəkil Elçin Sadıqov zaldan çıxıb və jurnalistlərə işin yeni açılmış hallarla əlaqədar təkrar istintaqa göndərilməli olduğunu bildirib. Prosesdə fasilə yaranıb.
Bundan sonra növbəti məhkəmə iclasının martın 5-də keçiriləcəyi elan edilib. -16C06-
Siyasət
-
İyulun 26-da “III Respublika Platforması” bəyanat yayaraq, bu qurumun həbsdə olan rəhbəri Akif Qurbanovun azyaşlı uşaqlarının elektron cihazlarının qanunsuz ələ keçirilməsinə diqqət çəkiblər.
-
İyulun 19-dan iyulun 26-dək Xankəndidə 24 avtomat, 1 pulemyot, 9 tüfəng, 28 qumbara, 441 mərmi, 3118 müxtəlif çaplı patron və digər döyüş sursatları aşkar edilib, bu barədə Daxili İşlər Nazirliyi məlumat yayıb.
-
Prezident İlham Əliyev fərmanla müdafiə sahəsində hərbi kəşfiyyat sahəsində əməkdaşlıq haqqında Azərbaycan-Qazaxıstan hökumətlərarası sazişi təsdiq edib.
-
Bakı Ağır Cinayətlər Məhkəməsində müxalif siyasətçi Tofiq Yaqublunun məhkəməsində digər təqsirləndirilən Elnur Vaqıfoğlunun ifadəsi dinlənilib.
Rəy yaz