Fevralın 26-da Fransa parlamentinin binasında iki azərbaycanlının döyülməsi ilə əlaqədar Fransa XİN bəyanatla çıxış edib. Bəyanatın mətni Turan-a Fransanın Bakıdakı səfirliyindən daxil olub.
“Biz fevralın 26-da Fransa Milli Assambleyasında baş vermiş zorakılıq aktı ilə bağlı təəssüfümüzü bildirir və hadisəni pisləyirik.
“Fransa əmindir ki, Dağlıq Qarabağ münaqişəsinin uzunmüddətli həlli yalnız dialoq yolu ilə mümkündür.
Fransa ATƏT-in Minsk Qrupunun həmsədri kimi Ermənistan və Azərbaycan arasında dialoq qurulması işində öhdəliklərini təsdiq edir”, deyə sənəddə bildirilir.
Xatırladaq ki, söhbət Sumqayıt hadisələrinə həsr olunmuş tədbirdə erməni diasporası nümayəndələrinin iki gənc fəala hücumundan gedir.
Azərbaycan nümayəndələri azərbaycanlıların Xocalı soyqırımı haqqında danışaraq, tədbir iştirakçılarını təqsirsiz qurbanların xatirəsini yad etməyə çağırdıqdan sonra basqına məruz qalıblar.
İki Azərbaycanlıya hücumda Fransa parlamentinin üzvü Fransua Roşenblom da iştirak edib. -02D-
Siyasət
-
İyulun 26-da “III Respublika Platforması” bəyanat yayaraq, bu qurumun həbsdə olan rəhbəri Akif Qurbanovun azyaşlı uşaqlarının elektron cihazlarının qanunsuz ələ keçirilməsinə diqqət çəkiblər.
-
İyulun 19-dan iyulun 26-dək Xankəndidə 24 avtomat, 1 pulemyot, 9 tüfəng, 28 qumbara, 441 mərmi, 3118 müxtəlif çaplı patron və digər döyüş sursatları aşkar edilib, bu barədə Daxili İşlər Nazirliyi məlumat yayıb.
-
Prezident İlham Əliyev fərmanla müdafiə sahəsində hərbi kəşfiyyat sahəsində əməkdaşlıq haqqında Azərbaycan-Qazaxıstan hökumətlərarası sazişi təsdiq edib.
-
Bakı Ağır Cinayətlər Məhkəməsində müxalif siyasətçi Tofiq Yaqublunun məhkəməsində digər təqsirləndirilən Elnur Vaqıfoğlunun ifadəsi dinlənilib.
Rəy yaz