“Cənubnyus” saytının rəhbəri Mirələm Həşimovun məhkəməyə verilməsi sentyabrın 24-də Masallıda müavinətlərin ödənilməsində yaranan gərginliklə bağlıdır. Bunu Turan-a M.Həşimovun vəkili Cavad Cavadov bildirib.
Onun sözlərinə görə, həmin gün “Kapitalbank”ın bankomatlarında vəsaitlər olmayıb. Bununla bağlı xəbər və görüntülər yayıldıqdan sonra vəsaitlər köçürülüb, amma hamıya çatmayıb. Jurnalist M.Həşimov da bu görüntüləri yayıb: “Amma jurnalsit hadisəyə hər hansı şərh verməyib. Görüntülərdə camaat ancaq narazılıq edir. Bu da aydın görünür”.
Bundan sonra Masalli Rayon İcra Hakimiyyətinin başçısı Rafil Hüseynov jurnalisti Cinayət Məcəlləsinin 147-ci maddəsinin 2-ci bəndilə (böhtan) xüsusi ittiham qaydasında məhkəməyə verib. C.Cavadov deyir ki, ittihamı bir neçə dəfə oxuyub, amma aydın olmayan məqamlar çoxdur: “Belə ki, görüntülərdə və xəbərdə rayon İcra Hakimiyyətinin və ya icra başçısının adı çəkilmir, onun ünvanına hər hansı söz deyilmir, amma buna baxmayaraq, icra başçısı jurnalisti məhkəməyə verib”.
C.Cavadov deyir ki, bu ittihamla bağlı sənədlər əlinə ancaq oktyabrın 29-da çatıb, hazırda işi öyrənməklə məşğuldur. C.Cavadov xatırladır ki, bu ilin əvvəlində M.Həşimovu icra başçısı bir dəfə də mülki qaydada məhkəməyə cəlb edib. Vəkilin düşüncəsinə görə, bu məsələ daha çox M.Həşimovun jurnalist fəaliyyətilə bağlı olması təsiri bağışlayır. –0--
Cəmiyyət
-
Azərbaycanın Ekologiya və Təbii Sərvətlər Nazirliyi (ETSN) ölkə üzrə genişmiqyaslı meşə bərpa səyləri barədə məlumat verərək, meşə ərazilərinin genişləndirilməsi məqsədilə on minlərlə ting əkildiyini açıqlayıb. Lakin tənqidçilər nazirliyin eyni zamanda özəl şirkətlərə torpaq icarəyə verməklə meşələrin qırılmasına şərait yaratdığını iddia edirlər.
-
Dekabrın 22-də Bakıda və Abşeron yarımadasında havanın dəyişkən buludlu olacağı, arabir tutulacağı, əsasən yağıntısız keçəcəyi gözlənilir. Lakin gecə və səhər bəzi yerlərdə çiskin olacağı ehtimalı var. Mülayim cənub-qərb küləyi əsəcək.
-
Çox vaxt "Qafqazın Dubayı" adlandırılan Bakı getdikcə sakinlərin mənzil hüquqlarının sistematik şəkildə pozulması ilə tanınmağa başlayır. Şəhərin yenilənməsi və yeni eleqant binaların inşası zamanı Azərbaycanın paytaxtında minlərlə ailə qanunsuz olaraq öz evlərindən məhrum edilib. Çoxları müqavimətin faydasız olduğunu bilərək, öz qiymətli əmlaklarına görə qeyri-adekvat pul kompensasiyasına razılaşır. Mənzil Məcəlləsinə inanan azlıq isə tikinti şirkətlərindən ədalətli təzminat tələb edir, ancaq çox vaxt hər şeyi itirir - həm evini, həm də təzminatın istənilən formasını.
-
Düşərgədə iştirak edən məktəblilər ölkəmizi üç nüfuzlu beynəlxalq olimpiadada təmsil edəcək Ölkəmizin beynəlxalq fənn olimpiadalarında təmsil etməyə hazırlaşan şagirdlərin hazırlıq prosesi müvəffəqiyyətlə davam edir. Azercell, Elm və Təhsil Nazirliyi və Təhsil İnstitutunun birgə əməkdaşlığı çərçivəsində Bakı Ali Neft Məktəbində bu məktəblilər üçün növbəti “İnformatika Düşərgəsi” təşkil olunub.
Rəy yaz