Maşın bazarında yanğından zərər çəkənlər kompensasiya tələb edirlər
Bakının Nizami rayonundakı maşın bazarında baş vermiş yanğından zərər çəkən sahibkarlar dəymiş ziyanın ödənilməsini tələb edirlər.
Sahibkarlardan biri Turan-ın müxbiri ilə söhbətində bildirib ki, ona 100 min ABŞ dollarında ziyan dəyib.
Adının açıqlanmasını istəməyən 1 ci qrup əlil sahibkar bildirib ki, maşın bazarına qoyduğu sərmayənin müəyyən hissəsi Accessbank-dan, qalan hissəsi isə İsmayıllıdakı bağının satılmasından gələn pula qoyulub.
Sahibkar pullarının maşın bazarının sahibi, “Bizim market” mağazalar şəbəkəsinin ortaqlarından olan Rasim Salmanovdan tələb edir.
“ Mən pulumu Rasim Salmanov Kanadaya gizli yolla göndərdiyi 100 milyondan ödəsin. Ödəməsə bütün xarici dövlətləri qaldıracam ayağa. Mənim bir nömrəli mağazamı yandıran Rasim Salmanovdur. Mən qorxmuram, sözümdən də çəkinmirəm”, - sahibkar bildirib.
Sahibkarlar xarici dövlətlərdən ekspertlərin dəvət olunmasını, yanan mallara qiymət qoyulmasını tələb edirlər.
Bununla belə maşın bazarında malları yanan sahibklarlar yanğının gec söndürülməsini suyun gec gəlməsi ilə izah edirlər.
Hazırda FHN-nin komissiyasi hadisə yerində təhqiqat aparır. Sahibkarlar yalnız dəmir qapılar arxasından baxırlar və içəri daxil ola bilmirlər.
FHN-in məlumatına görə, yanğın nəticəsində həlak olan və xəsarət alan yoxdur.Yanğın zamanı ümumi sahəsi 3 min kv. metr ərazinin təxminən 900 kv. m.-i yanıb. Şahidlərin sözlərinə görə, 50 dükan yanıb. Lakin sahiblərin çoxu öz əmlakını çıxara bilib.
Avtomobil bazarı Yasamal rayonuna köçürüldükdən sonra son illər bu ticarət ərazisində əsasən avtomobil ehtiyat hissələri, boyalar, təkər və maşın yağları satılırdı. -16D-
-
- İqtisadiyyat
- 1 İyul 2016 12:04
-
- Cəmiyyət
- 1 İyul 2016 12:42
Cəmiyyət
-
Bazar günü, iyulun 28-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı gözlənilir.
-
Bakı şəhəri ərazisində qanunsuz miqrasiyaya qarşı mübarizə çərçivəsində müxtəlif ünvanlarda əməliyyat tədbirləri həyata keçirilib. Daxili İşlər Nazirliyindən verilən məlumata görə, Baş Dövlət Yol Polisi İdarəsinin qanunsuz miqrasiyaya qarşı mübarizə idarəsinin əməkdaşları tərəfindən Azərbaycan ərazisində yaşamaq və qalmaq hüququ verən sənədləri olmayan 34 əcnəbi müəyyən edilərək saxlanılıb.
-
Azərbaycan Müdafiə Nazirliyi (AMN) iyulun 25-də bəyanat yayaraq son günlərdə Ermənistanı Kəlbəcərdə ağır silahlar, Tovuz istiqamətində isə kvadrokopter tətbiq etməklə ona qarşı “təxribatlar törətməkdə” günahlandırıb. Üstəlik, Ermənistanın Qərb ölkələri ilə hərbi əməkdaşlığından narazılıq və narahatlıq ifadə edib.
-
Daxili İşlər Nazirliyinin Baş Narkotiklərlə Mübarizə İdarəsinin son əməliyyatları zamanı narkotik maddələrin qanunsuz dövriyyəsilə məşğul olan mütəşəkkil dəstənin 5 üzvü - əvvəllər məhkum olunmuş Bəhlul İsmayılov, Röyal Əliyev, Xəyal Alıyev, Samir Ağayev və Əli Məmmədli saxlanılıblar.
Rəy yaz