![Məcburi köçkünlər elekrik sayğaclarının quraşdırılmasına etiraz edirlər](https://turan.az/resized/750/500/resize/media/2017/main/020600182340.jpg)
Məcburi köçkünlər elekrik sayğaclarının quraşdırılmasına etiraz edirlər
Bakının Nərimanov rayonunda Malik Məmmədov küçəsi, 4 ünvanda (keçmiş “Təfəkkür” Universitetinin binasının yanı) məskunlaşan məcburi köçkünlər bu gün elekrik sayğaclarının quraşdırılmasına etiraz olaraq aksiya keçiriblər.
Onlar “Azərişıq” SC-nin işçilərini binaya buraxmayıblar. Binada 150 ailə yaşayır. Bina özü isə qəzalı vəziyyətdədir. Dövlət orqanlarına dəfələrlə müraciət olunsa da sakinlərin təhlükəsizliyi təmin edilməyib.
Köçkünlər bildiriblər ki, binada qaz və mərkəzləşdirilmiş istilik sistemi yoxdur, odur ki, sakinlər otaqları elektriklə qızdırmağa məcburdur. Bu səbəbdən 36 manat həcmində kompensasiya elektrik enerjisi xərclərini ödəmir.
Etirazçılar öncə qaz çəkilməsini, sonra elektrik sayğaclarının quraşdırılmasını təklif edirlər. Binaya polis işçiləri gəlib.
Nərimanov rayon elektrik enerjisi satışı üzrə idarədən bildiriblər ki, sayğacların qurulması qanuna uyğun olaraq həyata keçirilir.—36D--
-
- İqtisadiyyat
- 6 Fevral 2017 13:34
-
- Söz istəyirəm
- 6 Fevral 2017 14:51
Cəmiyyət
-
Ədalət Naminə Həmrəylik Komitəsinin təşəbbüsü ilə təşkil edilən, Azərbaycanda insan hüquqları vəziyyətinə həsr olunmuş vətəndaş cəmiyyəti fəallarının onlayn görüşündə jurnalistlərin, siyasi fəalların və müharibəyə qarşı çıxanların həbsi ilə bağlı ciddi narahatlıqlar vurğulandı. Avqustun 30-da keçirilən bu toplantı Beynəlxalq İtkin Düşənlərin Anım Günü ilə üst-üstə düşdü və Qarabağ müharibələrindən sonra həm Azərbaycan, həm də Ermənistan cəmiyyətlərinin qarşılaşdığı davamlı çətinlikləri diqqətə çatdırdı.
-
Sentyabrın 1-də Bakıda və Abşeron yarımadasında hava yağıntısız olacaq. Şimal-qərb küləyi gündüz cənub-şərq küləyi ilə əvəz olunacaq. Havanın temperaturu gecə müsbət 21+26, gündüz müsbət 33+38 dərəcə olacaq, Milli Hidrometeorologiya Xidməti bildirib.
-
Ölkənin aparıcı mobil operatoru "Milli və müasir" rəqəmsal muzeyini təqdim edir Azercell milli dəyərlərimizi müasir texnologiyalar vasitəsilə yaşatmaq, onları geniş auditoriyaya tanıtmaq və gələcək nəsillərə çatdırmaq məqsədilə "Milli və müasir" rəqəmsal muzeyi layihəsini təqdim edir. Bu innovativ təşəbbüs sənət və texnologiyanı birləşdirərək şirkətin hər iki sahəyə olan dəstəyini bir daha vurğulayır.
-
Bakının Suraxanı rayonu ərazisində sənaye zonasında bir obyektdə yanğın başlayıb. Yanğının söndürülməsinə FHN-in Dövlət Yanğından Mühafizə Xidmətinin qüvvələri cəlb olunub.
Rəy yaz