Yay mövsümünün başlanması ilə əlaqədar olaraq Azərbaycanın Mədəniyyət və Turizm Nazirliyi vətəndaşları turizm şirkətlərinin xidmətlərindən istifadə edərkən ehtiyatlı olmağa çağırıb.
Xüsusən, xaricə səfər zamanı turizm firmasının bu fəaliyyət növü üçün lisenziyasının olub-olmadığı ilə maraqlanmaq və müqavilə bağlamaq tövsiyə olunub.
Azərbaycanın regionlarında istirahət zamanı mehmanxanalardan və digər turizm obyektlərindən də lisenziyaları olub-olmadığını soruşmaq tövsiyə olunur.
Turizm xidmətləri sahəsində problemlər yarandığı təqdirdə (012) 492 88 50 telefon nömrəsi və ya muraciet@mct.gov.az elektron poçt ünvanı vasitəsilə Nazirliyə müraciət etmək təklif olunur.
Bu barədə Mədəniyyət Nazirliyinin saytında yer alan məlumatda qeyd edilir. Lakin məlumatda ölkədə müvafiq lisenziyası olmayan turizm firmalarının necə fəaliyyət göstərdiyi izah olunmur. -06D-
Cəmiyyət
-
Otuz ildən artıq bir müddətdə Turan İnformasiya Agentliyi Azərbaycanda müstəqil jurnalistikanın dayağı olub, siyasi və iqtisadi qeyri-sabitlik şəraitində obyektiv və etibarlı xəbərlər təqdim edib. 1990-cı ildə - Sovet İttifaqının son günlərində yaradılan agentliyimiz, keçid dövrünün çətinliklərindən, müharibə və islahatlar dövrlərindən keçərək ictimai maraqları qorumağa sadiq qalıb.
-
Fevralın 14-də Bakıda və Abşeronda hava tutqun olacaq, yağış yağacaq. Şimal-qərb küləyi əsəcək. Havanın temperaturu gecə müsbət 2 + 4, gündüz müsbət 5 + 7 dərəcə olacaq. Rütubət 75-85 faiz olacaq.
-
Naxçıvan Baş Gömrük İdarəsinin "Culfa" gömrük postunda İrandan gələrək Azərbaycan ərazisindən tranzit keçməklə Türkiyəyə "PVC" yükü aparan nəqliyyat vasitəsi əsaslı yoxlamaya cəlb edilib. Keçirilən yoxlama zamanı nəqliyyat vasitəsinin yanacaq qatqısı çənindən və qızdırıcı sistemin çənindən maye halında 101 kq 400 qram psixotrop maddə - metamfetamin aşkar edilib
-
Bu il sertifikatlaşdırmaya 22 min xarici dil müəllimi və ötən il uğur qazana bilməyən 4 min müəllim cəlb ediləcək. Bu barədə fevralın 12-də Məktəbəqədər və Ümumi Təhsil üzrə Dövlət Agentliyinin (MÜDTA) direktoru Eşqi Bağırov jurnalistlərə açıqlamasında deyib.
Rəy yaz