Şəhər hakimiyyəti yaşayış evlərinin köhnə fasadlarının sökülməsi və yeni daş plitə ilə üzlənməsi üzrə işləri sürətlə davam etdirir. İşlər üç növbədə günün 24 saatı həyata keçirilir. Bütün bunlar çox sayda texnika və işçinin cəlb edilməsi ilə müşaiyət olunur. Bu zaman yanğınsöndürənlər və digər xidmətlər növbə çəkir.
İnsanların və texnikanın bu şəkildə bir yerə cəmləşməsi sürücülər üçün ciddi problemlər, avtomobil tıxacları, tez-tez həm də qəza vəziyyətləri yaradır.
Maraqlıdır ki, yol polisi bundan istifadə edir, yollarda müvəqqəti nişanlar quraşdırır və “qaydaları pozanları” tutur. Belə yerlərdən biri Mətbuat prospekti və Ayna Sultanova küçəsinin kəsişməsidir (“Azərbaycan” nəşriyyatının qarşısı).
Mətbuat prospekti ilə hərəkət edən avtomobillər sağa dönməyi qadağan edən müvəqqəti nişanı görə bilmir. FHN-in yanğınsöndürən maşınları nişanın qarşısını kəsdiyi üçün o, görünmür. Bu zaman asfaltda düz və sağa dönmə oxları qalıb.
Yol polisi əməkdaşları sağa dönən sürücüləri güdür və “sağa dönmək qadağandır” nişanını görməyin qeyri-mümkün olduğu barədə məntiqli iddialara məhəl qoymadan, 60 manat cərimə edir. Baxmayaraq ki, Yol Hərəkəti haqqında Qanuna əsasən, nişan 50 metr məsafədən görünməlidir.
Bu özbaşınalıqlar sürücüləri təəccübləndirməsə də, onların hüquqlarının bu qədər ədəbsizcə pozulması qanuni narazılığa səbəb olur. -02В-
Cəmiyyət
-
Noyabrın 25-dən etibarən COP29 konfransı iştirakçılarına ayrılmış xüsusi avtomobil zolaqları öz eksklüziv statusunu itirəcək və bütün nəqliyyat vasitələri üçün açıq olacaq. Bu barədə Yerüstü Nəqliyyat Agentliyi (AYNA) məlumat yayıb.
-
Noyabrın 24-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı, əsasən yağıntısız keçəcəyi gözlənilir. Lakin gecə və səhər bəzi yerlərdə duman, çiskin olacağı, gündüz isə qısamüddətli yağış yağacağı ehtimalı var. Mülayim cənub-şərq küləyi axşam şimal-qərb küləyi ilə əvəz olunacaq.
-
Ölkənin lider mobil operatoru davamlılıq və innovasiya mövzusuna həsr olunmuş mühüm sessiyada iştirak etdi 13-14 noyabr tarixlərində Bakıda "Azercell Telekom" MMC-nin dəstəyi ilə keçirilən 15-ci Davamlı İnnovasiya Forumu uğurla yekunlaşdı. İqlim dəyişikliklərinə həsr olunmuş qlobal tədbirlərin önəmli bir hissəsi olan bu forum biznes, maliyyə, dövlət qurumları və qeyri-hökumət təşkilatlarından 1000-ə yaxın sahə liderini bir araya gətirməyə müvəffəq oldu. Forum iqlim problemlərinin həlli, davamlı inkişaf təşəbbüsləri və innovativ həllərin müzakirəsi üçün effektiv platforma rolunu oynadı.
-
"Təhsil sahəsinin ən böyük problemi komplektləşdirilmiş məktəblərin sayının az olmasıdır". Yerli saytların məlumatına görə, bunu noyabrın 20-də Milli Məclisin Aqrar siyasəti, Ailə, qadın və uşaq məsələləri, Elm və təhsil komitələrinin birgə iclasında "...2025-ci il dövlət büdcəsi haqqında" qanun layihəsinin müzakirəsində elm və təhsil naziri Emin Əmrullayev deyib.
Rəy yaz