Cümə günü ADA Universitetində keçirilən konfrans iqlim dəyişiklikləri problemlərinə və onların həllində hökumətin və vətəndaş cəmiyyətinin roluna həsr olunub. Tədbir Fransa səfirliyi ilə birgə təşkil olunub.
Universitetin rektoru Hafiz Paşayev qeyd edib ki, noyabrın 30-dan dekabrın 11-nə qədər Parisdə BMT-nin İqlim dəyişiklikləri üzrə Konvensiyasının üzvü olan dövlətlərin 21-ci konfransı keçiriləcək. Buna görə hazırki görüş Paris forumuna hazırlıqdır.
Fransanın Bakıdakı səfiri Paskal Monyenin sözlərinə görə, iqlim dəyişiklikləri ilə əlaqədar fəaliyyətsizlik cari yüzilliyin sonuna doğru planetdə hava temperaturunun 6 dərəcə yüksəlməsinə gətirib çıxara bilər. Azərbaycanın zəngin flora və faunasına da iqlim dəyişikliklərindən ziyan dəyə bilər.
Səfir hesab edir ki, qlobal istiləşmə ilə əlaqədar yaranmış yeni çağırışlar dünya ictimaiyyətindən bu prosesə qarşı mübarizə üçün birgə tədbirlər tələb edir.
Bu zaman o xatırladıb ki, 2010-cu ildə Honkonqda qlobal Yaşıl Fond yaradılıb. 22 ölkənin ianələri sayəsində fondda artıq 10 mlrd. dollar yığılıb, bunun onda birini Fransa yatırıb.
Öz növbəsində, Ekologiya Nazirliyinin rəhbəri Hüseyn Bağırov bildirib ki, Azərbaycan 2030-cu ilə qədər parnik qazları tullantılarını 35% azaltmaq öhdəliyi götürüb.
Konfrans zamanı iqlim dəyişikliklərinə qarşı mübarizə yolları haqqında müzakirələr aparılıb. -06D-
Cəmiyyət
-
"Göytəpə" sərhəd dəstəsinin xidməti ərazisində ümumi çəkisi 7 kiloqram 145 qram narkotik vasitəni ölkə ərazisinə keçirməyə cəhd edən İran vətəndaşı 1984-cü il təvəllüdlü Mollayı Meysən Allahbaxış saxlanılıb. Bu barədə yanvarın 31-də Azərbaycan Dövlət Sərhəd Xidməti məlumat yayıb.
-
Yanvarın 31-də saat 12 radələrində Ağcabədi rayonunun Hindarx qəsəbəsində yerləşən evlərdən birində 5 nəfərin ölməsi, 2 nəfərin yaralanması ilə nəticələnən partlayış baş verib. Xəbəri Baş Prokurorluğun mətbuat xidməti yayıb. Faktla bağlı Ağcabədi rayon prokurorluğunda araşdırma aparılır.
-
Şənbə günü Bakıda hava şəraiti dəyişkən buludlu, yağmursuz olacaq. Şimal-şərq küləyi əsəcək. Havanın temperaturu gecə 5-7 dərəcə, gündüz 8-12 dərəcə olacaq. Nisbi rütubət 70-80% təşkil edəcək.
-
Yanvarın 29-da Azərbaycanda bələdiyyə seçkiləri keçirildi. 118 dairə üzrə seçkilərdə 16 mindən çox namizəd iştirak etdi. Mərkəzi Seçki Komissiyasının (MSK) saytında artıq lider namizədlərin adları açıqlanıb. Seçkidən saatlar sonra isə MSK sədri Məzahir Pənahov brifinqdə bildirmişdi ki, 685 bələdiyyənin 413-ü artıq formalaşmış hesab edilir, lider namizədlərin sayı 7 min 791 nəfərdir. Onun sözlərinə görə, bütün dairələrdə seçkilər normal keçib və rəhbərlik etdiyi quruma heç bir şikayət daxil olmayıb. Halbuki, müstəqil namizədlər və ekspertlər seçkilərin gedişatında pozuntuların olduğunu deyirlər.
Rəy yaz