Media ekspertləri KİV haqqında qanuna dəyişikliyi necə dəyərləndirirlər?

Milli Məclis “KİV haqqında qanun”a bir ildə eyni media qurumunun 2 dəfə məhkəmə cəzası aldığı halda fəaliyyətinə xiatm verilməsi üçün məhkəməyə müraciət məsuliyyəti yaranması barədə dəyişikliyi rəsmiləşdirib.

Bununla bağlı emedia təmsilçiləri və hüquqşünaslar “Turan”a şərhlər veriblər və həmin şərhləri nəzərə çatdırırıq.

“Ayna-Zekalo” qəzetlərinin baş redaktoru Elçin Şıxlı bu dəyişikliyi “qeyri-ciddi və əhəmiyyətsiz” adlandırıb. O, buna qədər qanunda bu məsələ ilə bağlı 3 dəfə cəza aldıqda belə məsuliyyətin yaranması haqda müddəa olduğunu xatırladıb və indiyə kimi həmin maddənin gerçəkdə tətbiq olunmadığını vurğulayıb.

“Azadlıq” qəzetinin redkatoru Rahim Hacılıya görə, bu son illərdə qanunvericiliyə insan haqlarının məhdudlaşdırılması istiqamətindəki dəyişikliklərdən biridir. “Bu müddəa hakimiyyətin əlində “ipə-sapa yatmayan” media orqanlarına özünüsenzura tətbiqinə nail olmaq, bu da olmasa həmin oqranı qanunvericiliyə istinadən leqal şəkildə susdurmaq cəhdidir”, - R.Hacılı bildirib.

O, bu dəyişikliyi rəsmi Bakının azad mətbuatı açıq-aşkar şəkildə susdurmaq yolu seçməsi kimi dəyərləndirib.

Hüquqşünas Ələsgər Məmmədli bu dəyişikliyi mətbuat azadılığını məhdudlaşdırmaq kimi dəyərləndirib. Bu dəyişiklik Avropa Konvensiyasının ifadə azadlığı  müddəaları ilə ziddiyyət təşkil etdiyini nəzərə çatdırıb.

“Bu dəyişklik əslində mətbuat və ifadə azadlığına, qanunvericilik vasitəsilə basqın etməkdir”, - Ə.Məmmədli dəyişkliyə münasibətini  ifadə edib.  

Media eksperti Arif Əliyev də qanuna edilən bu dəyişikliyi əhəmiyyətsiz sayıb. Onun fikrincə, bu dəyişklik azad mətbuata daha çox psixoliji təsir etməyə hesablanmış bir addımdır. O, bu addımı ölkənin indiki mürəkkəb durumda olduğu vaxtda parlamentin əhəmiyyətsiz işlə məşğul olması kimi dəyərləndirib.-05B-