Media icmal – 01.08.2023

Ölkədə gənclərin cəmiyyətdə rolu, İlham Əliyevin sülhlə bağlı açıqlaması, Azərbaycanda turizim, Azərbaycan dili və Əlifbası günü bu gün (01.08.2023) üçün əsas müzakirə mövzularından olub.

525-ci qəzet saytında yayımlanan “Ölkəmizin inkişafında gənclərin rolu” sərlövhəli məqalədə Azərbaycan gənclərinin hazırda gördükləri işlər və onların inkişafda rolu haqqında danışılır. Müəllif bu haqda bir neçə ekspertlə danışıb. Məqalədə əsas gənclərin sayının azalması, gənclərin təhsil və işsizlik , gənclərin könüllülük  fəaliyyəti kimi mövzulara toxunulub.

Millət vəkili Azər Badamov ölkəmizin gənclər siyasəti haqqında danışıb. Gənclərin Beynəlxalq arenada ölkəmizi təmsil etməsi və bunun mühüm rollarını qeyd edib.

"Ölkədə get-gedə gənclərin sayı azalmağa doğru gedir. Əgər əvvələr bu  say 29 faiz idisə, bu gün artıq 22 faiz təşkil edir. Bu analoji tendensiya təkcə ölkəmizdə yox, ümumilikdə dünya ölkələrində də mövcuddur. Bu vəziyyəti yaradan səbəblərdən biri ailə planlaşmasıdır. Müasir ailələr 2 və ya 3 uşağa üstünlük verirlər”.- Sosioloq Üzeyir Şəfiyev

Gənclər Fondunun Strateji planlaşdırma və beynəlxalq əlaqələr sektorunun müdiri Vüsalə Niftəliyeva gənclərin könüllülük fəaliyyəti haqqında danışıb. O qeyd edib ki, könüllük fəaliyyəti gənclərin özünün inkişafı, həm də cəmiyyətin tərəqqisi üçün artıq ölkəmizdə həyat tərzinə çevrilmişdir.

Anews.az saytında yayımlanan “Mübahisəli iddialardan əl çəksələr ən qısa zamanda sülh ola bilər - Ölkə lideri” sərlövhəli məqalədə İlham Əliyevin və Nikol Paşinyanın sülhə yanaşmaları haqqında danışılıb. Məqalədə onların müxtəlif media qrumlarına verdiyi açıqlamalar qeyd olunub.

"Sülh sazişinin əsas bəndləri nazirlər tərəfindən tərtib edilir. Bizim görüş isə hesab edirəm ki, yaxşı mühit yaradır. Lakin əgər biz Ermənistan tərəfindən konstruktiv yanaşma görsək, ən vacibi isə əgər onlar ərazi bütövlüyümüzü mübahisələndirən bütün iddialarını kənara qoysalar, onda biz tezliklə, bəlkə də, ilin sonunadək sülh variantını tapa bilərik”, -  Prezident İlham Əliyev Euronews”

“Ermənistanın baş naziri Nikol Paşinyan sonuncu dəfə "France-Press"ə müsahibəsində vurğulayıb ki, sülh müqaviləsi imzalanmayana və bu müqavilə hər iki ölkənin parlamentləri tərəfindən ratifikasiya olunmayana qədər müharibə ehtimalı çox yüksəkdir”.

JAMnews.net saytında yayımlanan “Rəsmilər turizmin yüksəlişindən danışır, ekspertlər isə əksini deyirlər” sərlövhəli məqalədə  Azərbaycanda  turizmin hazırki vəziyyəti haqqında danışılıb. Müəllif məqalənin girişində Azərbaycan rəsmilərinin fikrincə, quru sərhədlərin bağlanması ölkədə daxili turizmin inkişafına müsbət təsir göstərir. Mütəxəssislər fərqli düşünüyü qeyd edib. Müəllif bu haqda iqtisadiyyatçı ekspert Natiq Cəfərli, Milli Məclisinin deputatı Vüqar Bayramovun fikirlərini  və Dövlət Statistika Komitəsinin yaydığı məlumatları qeyd edib.

“2023-cü ilin yanvar-iyun aylarında mehmanxana (hotel) və mehmanxana tipli obyektlərin birdəfəlik tutumundan istifadə 16,6 faiz səviyyəsində olub – sadə dildə desək, nömrələrin 83,4 faizi boş qalıb 2022-ci ilin eyni dövründə bu rəqəm 12,4 faiz olub, yəni 2022-2023-cü illərin ilk yarısında quru sərhədlər bağlı olsa da, otellərdə yerlərin 85 faizə yaxını boş qalıb. Bəs hanı sərhərlərin bağlı olmasının daxili turizmə müsbət təsiri?”. – Natiq Cəfərli

“Paytaxtın infrastrukturunu nəzərə aldıqda bu normal qarşılana bilsə də, regional gecələmə sayında fərqin böyük olması diqqətdən kənarda qalmamalıdır. Təəssüf ki, hələ də bölgələr turizm potensialını tam təqdim edə bilmirlər və da xarici turist cəlbində çətinlik yaradır. Digər tərəfdən, əksər rayonlarda turizm xidmətlərinin qiyməti yüksək olaraq qalmaqdadır. Keyfiyyət isə hələ də standartlardan geri qalır”.- Vüqar Bayramov

Müəllif isə qeyd edir ki, 2023-cü ilin yanvar-iyun aylarında Azərbaycan mehmanxanalarında 1 milyon 363 min 200 gecələmə qeydə alınıb. Bu, əvvəlki ilin müvafiq göstəricisindən 32,7 faiz çox olub.

Trend.az saytında yayımlanan “1 avqust – Azərbaycan əlifbası və Azərbaycan dili günüdür” sərlövhəli məqalədə Azərbaycan dilinin və əlifbası haqqındaməlumat verilib. Müəllif qeyd edir ki, 9 avqust 2001-ci il tarixli 552 nömrəli fərmanla hər il avqust ayının 1-i ölkəmizdə Azərbaycan əlifbası və Azərbaycan dili günü kimi qeyd olunub. Bundan əlavə müəllif bu günə qədər dil haqqında qəbul olunmuş önəmli qərarları və sərəncamları qeyd edib.

Sosial media

Azadlıqradiosu

"Zəng edirsən ki, o işığı ayır, millət qırıldı...” - Bu kənddəki 60 illik elektrik xətləri təhlükə mənbəyidir –  Video materialda Cəlilabad rayonun Soyuqbulaq kəndində olan elektrik naqilləri ilə bağlı problemdən danışılıb. Müəllif bununla bağlı  kənd sakinləri və Azərişıq Səhmdad cəmiyyətinin mətbuat xidmətinin rəhbəri Vaqif Aydınoğlu ilə danışıb. Sakinlər naqillərin köhnəliyi və keyfiyyətsizliyindən şikayət ediblər. Vaqif Aydınoğlu isə kənddə işlərin başladığını və 2 aya bitəcəyini bildirib.

Bir neçə saniyəyə satılan evlər: MİDA qarşısında etiraz-  Video materialda  evlərin satılması ilə bağlı şikayət edən insanlardan müsahibə alınıb. Şikayətçilər MİDA saytında satışa çıxarılan güzəştli mənzilləri almaq istəyərkən bir neçə saniyə içərisində evlərin bitməsindən danışıb. Müəllif qeyd edir ki, MİDA bununla bağlı açıqlama verməyib amma şikayətçilərin ərizələri qəbul edilib.

MeydanTV

İqlim Böhranı - Yaxın Planda: “qlobal istiləşmə dövrü bitdi, qlobal qaynama dövrü başladı” – Video materialda  İstiləşmə ilə bağlı dünyada baş verən hadisələrdən danışılıb.  Meşə yanğınları, havaların isinməsi və ekspertlərin bununla bağlı fikirləri qeyd olunub.

Qanuna edilən dəyişiklik kuryerləri işsiz qoyub-Video materialda  Qanuna edilən dəyişikliyə görə,Motosikl sürücüləri isə əllərindən alınan motoların harada olduğunu aydınlaşdırmaq üçün Baş Dövlət Yol Polisi İdarəsinə yaxınlaşdığı qeyd olunub. Video materialda kuriyerlər bundan şikayətlənib.