Media-icmal 18.01.16

Rəsmi “Azərbaycan” qəzeti ölkəni indiki durumdan çıxarmaq üçün daha çevik və operativ idarəetmə mexanizminin yaradılmasını “dövlət strukturlarında aparılan islahatların da bunu təsdiqləməsi” adlandırır.

Qəzet çörək və unun qiymətinin endirilməsini, pensiyaların 10% artırılmasını “antiböhran tədbirlərinin ilkin nəticələrinin xalq tərəfindən razılıqla qarşılanması” adlandırır.

“Azadlıq” qəzeti “Beyləqan camaatı da ayağa qalxdı” yazaraq son həftə ölkədəki bahalığa etiraz edən rayonların sırasına bu rayonun qoşulmasını “ölkədə etirazların səngimək bilməməsi” adlandırır. Bahalığa etiraz edən sakinlər yanvarın 19-da Rayon İcra Hakimiyyəti önünə toplaşacaqlarını bəyan edərək dağılışıblar, aksiyada saxlanılan olmayıb.   

Ölkədə ən azı 50% bahalaşma olduğu halda pensiyaların 10% artırılmasını  AXCP sədri Əli Kərimli “xalqın ələ salınması”, iqtisadçı Nemət Əliyev “belə qərarlarla vəziyyətdən çıxmağın mümkün olmayacağ” kimi şərh ediblər.

“Ümumi rejimli 17 saylı cəzaçəkmə müəssisəsində dustaqlara xüsusi rejim tətbiq edilir, onlar gəzintiyə saatla çıxarılır, kitabxana və s. mədəni-kütləvi yerlərdən istifadələrinə limit qoyulur və bu Cəzaların İcrası Məcəlləsinə tamaimilə ziddir”, yazan qəzet qanunsuzluğu nəzərə çatdırır.  

“Əgər Rüfət Səfərov rüşvətxor idisə rüşvətxor niyə vəzifədə saxlanılıb? Araşdırma hadisənin baş verməsindən iki il sonra niyə başlanır? Bu açıq şəkildə hüquqa tüpürməkdir, balaca uşaq da bilir ki, Rüfət Səfərov hakimiyyəti tənqid etdiyinə görə tutulub”, - qəzet keçmiş müstəntiq R.Səfərovun həbsinin ölkədə insan hüquqsuzluğunun bariz nümunəsi adlandırır.

“Yeni Müsavat“ qəzeti MTN polkovniki İlqar Əliyevin Kürdəxanı təcridxanasında müəmmalı ölümünə Apellyasiya Məhkəməsində “danışacam” mesajını göndərməsi səbəb olub”  bildirir.

Ekspertlər ölkənin indiki durumundan çıxış yolu kimi icra hakimiyyətlərinin ləğv olunması, səlahiyyətlərin çəkinmədən bələdiyyələrə verilməsində gördüklərini bildirirlər.

Neftin daha da ucuzlaşacağını, İranın dünya neft bazarına çıxış əldə etməsini ekspertlər “manatı daha ciddi təzyiqlərin gözləməsi” kimi dəyərləndirirlər.

YAP-çı deputat Aydın Mirzəzadə ölkədəki durumla bağlı müxalifət qüvvələrinin yanvarın 24-də gözlənilən toplantısına YAP rəhbərliyinin də qatılacağı barədə açıqlama verib.