Media icmal- 21.07.2023

Ölkədə Rusiyanın Azərbayca-Ermənistan münasibətlərində rolu,Prezident Ilham Əliyevin Şuşaya səfəri və çıxışı,İsveçdə Quranın yandırılması bu gün (21.07.2023) üçün mediada gündəm mövzulardan olub.

BBC Azərbaycan saytında “Rusiya Azərbaycan-Ermənistan nizamlanmasından kənarlaşdırılırmı?” sərlövhəli məqaləsində hazırda Rusiyanın tutduğu mövqe barədə danışılıb. Müəllif məqalədə Rusiya XİN yaydığı açıqlamanın Moskvanın Cənubi Qafqazdakı nizamlanma prosesindəki roluna təhlükə ilə bağlı həyəcan siqnalı sayıla biləcəyini qeyd edib. Məqalədə Azərbaycan şərhçilərin də fikirlərinə yer verilib.

“Rusiyanın açıqlaması Ukraynaya hərbi müdaxilə nəticəsində əmələ gələn böhrandan xəbər verir.” Müəllif Rusiya sülhməramlılarından həm Azərbaycan həm də Ermənistan tərəfinin  narazı olduğunu qeyd eib. Məqaədə 2020-ci ildən bu günə qədər olan proses də analiz olunub.

“525-ci qəzet” saytında “Azərbaycan Respublikasının Prezidenti İlham Əliyev Şuşa rayonunda səfərdədir.” Sərlövhəli materialda İ.Əliyevin Şuşaya səfəri zamanı tanış olduğu məkanlar və bunlarla bağlı rəyləri qeyd olunub. Bundan əlavə saytda İ.Əliyevin Şuşadakı çıxışı barədə də bir çox Material hazırlanıb.

Anews.az saytında “Azərbaycan XİN İsveçdə Quranın yandırılmasına münasibət bildirib” sərlövhəli məqalədə İsveçdə Quranın yandırılması qərarı müzakirə edilib. Məqalədə Azərbaycan XİN-in bu qərarı pisləyən paylaşımına diqqət çəkilib. Bundan əlavə müəllif digər ölkələrin- Türkiyə, İraq verdiyi reaksiyaları da qeyd edib

Sosial şəbəkələr

BakuTV-İlham Əliyevin Şuşaya səfəri, Bakıda avtobusun yanması, Londonda Azərbaycan himninin səsləndirilməsi,Natəvan Babayevanın vəfatı, Azərbaycan millisinin  Ermənistanla qarşılaşması  ilə bağlı mövzular  sosial şəbəkələrdə geniş müzakirə olunub.

Bakıda avtobusun yanması ilə bağlı video görüntüləri BakuTV öz instagram səhifəsində paylaşıb. Bununla baölı detallı məlumat verməyib.

Natavən Babayevanın vəfatı və yaxınlarının onun haqqında səslənirdiyi fikirlər paylaşılıb. Natəvan Babayevanın ilk öncə ANS televiziyasında daha sonra isə AZTV-də çalışdığı qeyd olunub.

Meydan TV- Vəkil Aqil Layıc adına ünvanlanan bağlamaların alınmasında gömrük orqanları tərəfindən maneə yaradılması haqda paylaşımı, Deputat Bəhruz Məhərrəmovun açıqlaması ilə bağlı paylaşımlar edilib.

Vəkil Aqil Layıc adına ünvanlanan bağlamaların alınmasında gömrük orqanları tərəfindən maneə yaradılması haqda paylaşımı müzakirə edilib. Yazıda gömrük xidmətindən vəkilin narazılığı qeyd olunub. Smart Gömrük xidmətindən narazılıq bildirilib .

“Türkiyədən Trendyol vasitəsilə 1469 lirəlik (92 manat) “T-shirt” sifariş etmişdim. 03.06.2023-cü il tarixində rəsmi olaraq “smart custom” vasitəsilə bəyan etmişəm. Həmin tarixdən etibərən bağlamanı izləmək mümkün olmamışdır. Gah dedilər gəlməyib, gah dedilər, xarici anbardarır. Nəhayət dünən bildim ki, Gömrük Komitəsinin Hava Limanında olan terminalında qanunsuz olaraq 38 gün saxlanılır”.

Deputat Bəhruz Məhərrəmov bildirib ki, bu ilin may ayında açıqlanan statistikaya əsasən, ölkədə səsvermə hüququ olan 6 milyon 330 mindən artıq vətəndaş var:

“6,3 milyondan 5 min nəfərin imzasını ala bilməmək siyasi cəhətdən bitməyin göstəricisidir. Təsəvvür edin, 6.3 milyon seçicidən 5 min nəfərin dəstəyini alıb dürüst imzasını toplaya bilməyən adamlar ölkə idarə etmək istəyir”. Fikirləri qeyd olunub. Səsvermə prosesi ilə bağlı narazılıqlar qeyd olunub”.

Ümumilikdə medianın aparıcı mövzuları Natəvan Babayevanın vəfatı, İlham Əliyevin Şuşaya səfəri, Bakıda baş verən avtomobil qəzaları sosial mediada aparıcı mövzular olub.