Media icmal-28.07.2023

Ölkədə Aşura günü, Sosial şəbəkələrdə ictimai fiqurların verdiyi şərhlər, Azərbaycanın hesablma palatası ilə İsrailin anlaşma planı bu gün (28.07.23) üçün əsas müzakirə olunan mövzulardan olub.

“Anews.az” saytında “Aşura günü və onun əhəmiyyəti nədir - İlahiyyatçı açıqlayır” sərlövhəli məqalədə Aşura günü haqqında məlumat verilib. Müəllif girişdə qeyd edir ki,   İslam inancına görə, peyğəmbərlərin həyatı ilə bağlı bir çox mühüm hadisələrin baş verdiyi, bərəkət, paylaşma və birlik simvolunun edildiyi və həm də Kərbəla hadisəsinin baş verdiyi, Məhərrəm ayının onuncu gününə təsadüf edən "Aşura günü” 2023-cü il iyulun 28-ə təsadüf edib. Məqalədə bir neçə ilahiyyatçı ilə danışıb. Məqalədə Sünni və Şiə  təriqətindən olan hər kəs üçün bu günün əhəmiyyətli olduğu vurğulanıb. Müəllif məqalədə Aşura günün tarixi haqqında geniş məlumat yazıb.

525-ci qəzet saytında “Birinin azadlığını istəyəndə başqasının azadlığını pozmaq olmaz - Sosial şəbəkədə yazılanlar” sərlövhəli məqalədə sosial şəbəkələrdə ictimai fiqurların müxtəlif mövzularda verdiyi şərhlər qeyd olunub.  Məqalədə əsas toxunulan mövzular isə keyfiyyətli yerli filmlərin olmaması, Qarabağ futbol komandasının son oyunları, Bəzi ictimai fiqurların siyasi mövzularda şərh verməməsi, Mərkəzi Bank uçot dərəcəsinin dəyişməz qalması barədə qəbul etdiyi qərar, Ermənistanın  humanitar yüklərlə dolu maşın karvanını Laçın istiqamətinə yönəltməsi, Uşaq bağçalarına elektron qəbulun başlaması olub.

Report.az saytında “Hesablama Palatası: "İsrailin Ali Audit Orqanı ilə paralel auditlərin keçirilməsi mümkündür" sərlövhəli məqalədə Azərbaycan Hesablama Palatası ilə İsrailin Ali Audit Orqanı (AAO) arasında yaxın gələcəkdə Anlaşma Memorandumun imzalanması barədə yazılıb. Bu haqda Hsablama Palatasının sədri Vüqar Gülməmmədovdan açıqlama alınıb.  Yazıda Azərbaycan və İsrail arasında olan əməkdaşlıq münasibətlərinə toxunulub.

Sosial media

Azadqlıqradiosu

Cəmil Həsənli Qubad İbadoğlunun həbsi ilə bağlı: "FETÖ-çülüklə Azərbaycan dovləti bilavasitə iç-içə olub" – Video materialda Cəmil Həsənli ilə Qubad İbadoğlunun həbsinin səbəbləri haqqında danışılıb. Müsahibədə Cəmil Həsənli Qubad İbadoğlunun həbsi ilə bağlı bəzi qaranlıq məqamlara və digər aktual məsələlərə aydınlıq gətirir.

Parklama ilə bağlı yeni qaydalar işə düşdü: Azərbaycanda parkinq problemi necə həll ediləcək? – Bununla bağlı video material hazırlanıb. Videoda yeni parklanma qaydaları və həmin qaydaların tətbiqi ilə bağlı məlumat verilib. Müəllif qeyd edir ki, parklanma qaydalarına görə ödəniş nağdsız yolla həyata keçiriləcək.

Parkinqə baxan fərdi şəxslərə isə bunun sərf etmədiyi deyilib. Onlar gündəlik qazanclarının 15-16 manat olduğunu bildiriblər. Videoda qaydalara uyğun küçələrin hazırlanma prosesinin davam etdiyi qeyd edilib.Rəsmilər isə nağdsız ödəməni ödənişlərin şəffavlığı üçün tətbiq etdiyini bildiriblər.

Rəşad Dağlıya 9 il 6 ay həbs cəzası kəsildi – Yazıda qəsdən adam öldürməkdə ittiham olunan meyxanaçı Rəşad Əmirova (Dağlı) 9 il 6 ay həbs cəzası kəsildiyi qeyd olunub. Müəllif qeyd edir ki, hökmdən öncə məhkəmədə son sözünü deyən meyxanaçı cəmiyyətdə tanınmış şəxs olması və ailə vəziyyətinin nəzərə alınmasını istəyib. Yazıda R.Əmirovun həbs səbəbi ilə bağlı geniş məlumat qeyd olunub.

MeydanTV

“Azərbaycan Hava Yolları” və “Buta Airways” vahid AZAL brendi altında birləşəcək. – Yazıda “Azərbaycan Hava Yolları” və “Buta Airways” şirkətlərinin oktyabr ayında birləşəcəyi qeyd olunub. Müəllifin aldığı açıqlamaya görə  “Buta Airways”ə məxsus bütün reyslər birləşmədən sonra da hazırda mövcud olan eyni sərfəli qiymətlərlə, lakin daha üstün xidmət səviyyəsi ilə vahid AZAL brendi altında təklif olunacaq.

Allahşükür Paşazadə: “Heç bir şiəyə Azərbaycanda repressiya yoxdur, bunların hamısı şayiədir”- Qan vermə aksiyası zamanı jurnalistlər Allahşükür Paşazadəyə suallarını ünvanlandırıblar. İlahiyyatçı dinə görə heç bir şəxsin repressiya olunmadığını bildirib.