Media icmalı – 02.08.2023

Ölkədə hava şəraiti ilə bağlı, əmk pensiyası ilə bağlı dəyişikliklər, Əmək müqaviləsi olmadan işləyənlər, prezident İlham Əliyevin Qırmızı Xaç Komitəsinin Qarabağdakı ofisi ilə bağlı açıqlaması bu gün (02.08.2023) üçün əsas mövzulardan olub.

Anews.az saytında yayımlanan “Nazirlikdən hava ilə bağlı xəbərdarlıq” sərlövhəli yazıda 3-5 avqust tarixində gözlənilən hava şəraiti ilə bağlı məlumat qeyd olunub. Müəllif qeyd edir ki, Milli Hidrometeorologiya Xidmətinin məlumatına görə, avqustun 3-dən 5-dək ölkə ərazisində hava şəraitinin qeyri-sabit keçəcəyi, güclü külək əsəcəyi, ayrı-ayrı yerlərdə leysan xarakterli intensiv yağış yağacağı, bəzi dağ çaylarından qısamüddətli sel və daşqın keçəcəyi, şimşək çaxacağı proqnozlaşdırılır. Bundan əlavə gözlənilən hava şəraiti ilə bağlı riayət olunmalı təhlükəsizlik qaydaları da yazıda qeyd olunub.

“Əmək pensiyasının hesablanması qaydası dəyişdi” sərlövhəli yazıda Əmək pensiyalarının təyin edilməsi, hesablanması, yenidən hesablanması, bir növdən başqa növə keçirilməsi və ödənilməsi Qaydası”nda olunan dəyişiklikdən danışılıb. Müəllif qeyd üdir ki, bundan sonra əmək pensiyasına qulluq stajına görə əlavələrin hesablanması zamanı əsas götürülən əməkhaqqı, dövlət məvacibi, yaxud təminat xərcliyi müəyyən edilərkən şəxsin yalnız əmək və ya xidməti vəzifələrinin yerinə yetirməsinə görə almış olduğu ödənişlər və onlara sonrakı artımlar pensiya təyinatı tarixinə qədər nəzərə alınacaq. Bu vaxta qədər pensiya təyinatı tarixinədək şərti yox idi.

“525-ci qəzet” saytında yayımlanan  “Əmək müqaviləsi olmadan xidmətlərin yerinə yetirilməsi faktları aşkarlanıb” sərlövhəli məqalədə İqtisadiyyat Nazirliyi yanında Dövlət Vergi Xidməti Bakıda Əmək müqaviləsi olmadan xidmətlərin yerinə yetirilməsi faktları haqqında məlumatlar qeyd olunub. Müəllif qeyd edir ki, Bakı şəhəri, Nizami rayonu, Bəkir Çobanzadə küçəsi, 306 ünvanında yerləşən “Qədim bağ” restoranında istirahət mərkəzinin fəaliyyəti barədə vətəndaşlardan daxil olmuş şikayət əsasında operativ vergi nəzarəti tədbirləri keçirilib. Nəzarət tədbiri zamanı obyektdə nəzarət-kassa aparatının (NKA) və Pos-teminalın quraşdırılmadığı, 6 nəfərin əmək müqaviləsi olmadan xidmətlərin yerinə yetirilməsinə cəlb olunması faktları aşkar edilib.

Trend.az saytında yayımlanan “Prezident İlham Əliyev: Qırmızı Xaç Komitəsinin Qarabağdakı ofisinin Bakı ofisinə yox, İrəvandakı ofisə tabe olması yolverilməzdir” sərlövhəli məqalə Prezident İlham Əliyev "Euronews" telekanalına müsahbəsindən danışılır.  “Qırmızı Xaç Komitəsi dava-dərmanın nəqlini və Ermənistanda müalicəyə ehtiyacı olan xəstələrin təxliyəsini bərpa etdi. Lakin əfsuslar olsun ki, Qırmızı Xaç Komitəsinin yük maşınlarının yoxlanılması zamanı siqaret, iPhone-lar və benzin kimi məhsulların qaçaqmalçılıqla keçirilməsi aşkar olundu. Qırmızı Xaç Komitəsi bunu etiraf etdi və bildirdi ki, onlar buna görə heç bir məsuliyyət daşımırlar”. - İlham Əliyev

Sosial media

Azadlıqradiosu

Afiəddin Məmmədova 30 sutka verilib- Yazıda İşçi Masası Həmkarlar İttifaqları Konfederasiyasının sədri Afiəddin Məmmədova həbs cəzası verilməsindən danışılıb. Müəllif qeyd edib ki, Yaxınları da Afiəddin Məmmədovun avqustun 1-də saxlandığını açıqlamışdılar. Onların isə əlavə etməsinə görə, A.Məmmədovun saxlanması Azərbaycan paytaxtı Bakıda mopedlərlə qida daşıyan kuryerlərin polislərin onların nəqliyyat vasitələrini cərimə meydançasına aparmasına etiraz olaraq keçirdiyi tədbirdən sonra baş verib.