Media icmalı – 13.09.23

Ölkədə “Qarabağ” futbol klubunun yeni mətbuat katibi, ödənişli xidmətlərdə qiymət artımı, Putinin Qarabğla bağlı açıqlaması, Elmar Məmmədyarovun sülhlə bağlı açıqlaması, metrodan istifadə edən sərnişinlərin sayı, büdcəyə dəyən ziyan bu gün (13.09.2023) üçün əsas müzakirə olunan mövzulardan olub.

525-ci qəzet saytında yayımlanan “Qarabağ”ın mətbuat xidmətinə yeni rəhbər təyin olundu” sərlövhəli yazıda futbol klubunun mətbuat xidmətinin yeni rəhbəri haqqında məlumat verilib. Müəllifin sözlərinə görə Anar Hacıyev klubun mətbuat xidmətinin rəhbəri təyin olunub. Əlavə olaraq qeyd olunub ki, A. Hacıyev bunadək “Qəbələ” İdman Klubunun Media və Marketinq meneceri vəzifəsində çalışıb. Müəllif əlavə olaraq qeyd edib ki, A.Hacıyevdən əvvəl "Qarabağ"ın mətbuat xidmətinin rəhbəri Gündüz Abbaszadə olub.

“Azərbaycanda əhaliyə göstərilən ödənişli xidmətlərin ümumi dəyəri 15 %-dən çox artıb” sərlövhəli yazıda ödənişli xidmətlərin artımı haqqında yazılıb. Müəllifin sözlərinə görə bu ilin yanvar-avqust aylarında Azərbaycanda əhaliyə göstərilən ödənişli xidmətlərin dəyəri 2022-ci ilin eyni dövrü ilə müqayisədə 15,2 % artaraq 7 milyard 162 milyon manat təşkil edib. Müəllif qeyd edib ki, bunun 5 milyard 398,5 milyon manatlıq hissəsi hüquqi şəxslərə məxsus olub ki, bu da, xidmətlərin ümumi dəyərinin 75,4 %-ni təşkil edib. Əlavə olaraq qeyd olunub ki, il ərzində hər bir ölkə sakini orta hesabla 706 manatlıq və yaxud 1 il əvvələ nisbətən 145,1 manatdan çox dəyərdə müxtəlif ödənişli xidmətlərdən istifadə edib.

BBC Azərbaycanca saytında yayımlanan “Putin: “Ermənistan Qarabağ üzərində Azərbaycanın suverenliyini tanıyıb” sərlövhəli yazıda Putinin Qarabağla bağlı verdiyi açıqlama haqqında yazılıb. Müəllifin sözlərinə görə Rusiya Prezidenti Vladimir Putin deyib ki, Ermənistan Azərbaycanın Qarabağ üzərində suverenliyini tanıyıb və Azərbaycan Prezidenti İlham Əliyev də ona deyib ki, Ermənistan Qarabağın onların olduğunu tanıyıb, Qarabağın statusu məsələsi artıq gündəmdə yoxdur, o həll olunub. Müəllif qeyd edib ki, Putininin sözlərinə görə  İkinci Qarabağ müharinbəsindən əvvəl Rusiya Qarabağ münaqişəsinin nizamlanması üçün Ermənistana öz təklifini edib: İki rayon – Kəlbəcər və Laçın rayonları və bütünlüklə Qarabağ Ermənistanın yurisdiksiyası altında qalsın, amma 10-15 il ərzində cəhd göstərmələrinə baxmayaraq, Ermənistan rəhbərliyi bu varianta razılaşmayıb.

Jamnews saytında yayımlanan “Elmar Məmmədyarov: “Sülh sazişinin imzalanması üçün hərbi toqquşma olmalıdır” sərlövhəli yazıda  Elmar Məmmədyarovun sülhlə bağlı  verdiyi şərh haqqında yazılıb.

“Azərbaycan Silahlı Qüvvələrinin hərbi təlimlərə başlaması erməniləri qorxuya salıb. Baxmayaraq ki, bəzi mətbuat orqanları yazır ki, erməni revanşistlər müharibə istəyir. Bu tamamilə yanlış fikirdir. Beynəlxalq təhlillər göstərir ki, 44 günlük müharibədə erməni ordusu darmadağın olub. Ermənistanın indiki iqtisadi durumu da imkan vermir ki, ordunu yenidən qursun. Ona görə Paşinyanın ən çox qorxduğu şey müharibədir”. – Elmar Məmmədyarov

 Sabiq Xarici İşlər Naziri Elmar Məmmədyarov Paşinyanın son təşəbbüslərini şərh edib. Onun sözlərinə görə daxili və xarici güclərin təzyiqi ilə Paşinyan höküməti tez-tez anti-Azərbaycan bəyanatları verir. Lakin sonradan verdiyi bəyanatların arxasında dayana bilməyib geri çəkilir.

Trend.az saytında yayımlanan “Bakı metrosundan istifadə edənlərin sayı artıb” sərlövhəli yazıda metrodan istifadə edən sərnişinlərin  sayı haqqında məlumat verilib. Müəllifin sözlərinə görə yeraltı nəqliyyat vasitəsindən istifadə edənlərin sayı 7,9% artaraq 138,4 mln. nəfər olub. Əlavə olaraq qeyd olunub ki, yeraltı nəqliyyat vasitəsindən istifadə edənlərin sayı 7,9% artaraq 138,4 mln. nəfər olub.

Bizim yol saytında yayımlanan “AZAL, Bakı Metropoliteni, Azərsu, Azəristiliktəchizat... Zərərləri dövlət ödəyir, büdcə havaya sovrulur” sərlövhəli yazıda büdcə ayrılan pullarla görülən işlər haqqında yazılıb. Müəllifin sözlərinə görə il sonu yaxınlaşdıqca dövlət qurumları bir-birinin ardıncamaliyə problemləri olduğunu qeyd edir. Əsasən bildirilir ki, zərər böyük olub, maliyyə dəstəyinə ehtiyac var. Son nəticədə “zərər” dövlət büdcəsinə yüklənir. Müəllif qeyd edib ki, “Azəristiliktəchizat”ın borcu 108 milyon manatı ötüb. Son bir ildə borc 8,3 milyon manat artıb. Zərər illərlə artmaqda davam edib. Əlavə olaraq qeyd olunub ki, təkcə “Azəristiliktəchizat” da deyil. Dövlət qurumlarının əksəri belə işləyir. Zərər üst-üstə yığılır. Bütün yük dövlət büdcəsinin üzərinə düşür. AZAL, Bakı Metropoliteni dotasiyasız ayaqda qala bilmir. “Azərsu”nun nə qədər zərərini dövlət büdcəsi ört-basdır edib.

Sosial media

Azadlıq radiosu

Xəzər sürətlə quruyur: “Neft Daşlarına maşınla gedəcəyik” – Video materialda  Xəzər dənizinin quruyan Buzovna hissəsi haqqında danışılıb. Buzovna sakinlərindən balıqçılıqla məşğul olanlar balıq tutmaq üçün xeyli yolu piyada  getməli olduqlarını qeyd ediblər.  Bundan əlavə Başqa Bakı kəndlərində də kiçik adaların üzə çıxdığı vurğulanıb. Ekoloq və Ekologiya və Təbii Sərvətlər Nazirliyi də bu haqda danışıb.

Nazirlər Kabinetini İşlər İdarəsinin rəsisi ilə bağlı 4 milyonluq qalmaqal – Müəllifin sözlərinə görə Təmir-tikinti işləri ilə məşğul olan "SV Qrup" şirkətinin rəhbəri Vahid Xələfov beş aydır ki, həbsdədir. Əlavə olaraq qeyd olunub ki, Şirkət rəhbəri Nazirlər Kabinetinin İşlər İdarəsinin rəisi Hikmət Xəlilovu öldürməklə hədələyib ondan milyonlarla pul tələb etməkdə ittiham olunur. Xələfov isə deyir ki, yalandır, onu hədələməyib, sadəcə Xəlilov öz vəzifəsindən sui-istifadə edərək onu həbs etdirib.

MeydanTV

Qubad İbadoğlunun ad gününə görə Berlində aksiya keçirilib – Video materialda aksiya iştirakçıları və təşkilatçıları detallı məlumat verilib. Qubad İbadoğlunun həbs olunmasını qanununsuz hesab etdiklərini və Azərbaycanda olan idarəçiliklə bağlı narazılıqlarını bildiriblət.