Media icmalı – 15.09.2023

Ölkədə Yuri Kimin səsləndirdiyi fikirlər, Korona virusun yeni növü, Qarabağda olan hazırki vəziyyət, Qrant ala bilməyən QHT-lər, Rusiya Azərbaycan münasibətləri bu gün (15.09.2023) üçün əsas müzakirə olunan mövzulardan olub.

525-ci qəzet saytında yayımlanan "Yuri Kimin səsləndirdiyi fikirlər sadəcə məyusluq doğurur" sərlövhəli yazıda Yuri Kimin çıxışına Bakədan bildirilən münasibətdən yazılıb. Müəllifin sözlərinə görə Ayxan Hacızadə bildirib ki, ABŞ dövlət katibinin Avropa və Avrasiya məsələləri üzrə köməkçisi vəzifələrini icra edən Yuri Kimin səsləndirdiyi, ümumiyyətlə post-münaqişə dövründə bölgədə mövcud vəziyyət və reallıqları əks etdirməyən fikirləri isə sadəcə məyusluq doğurur. Ermənistan və Azərbaycan münasibətlərinin təhlilinə yanaşma tənqid edilib. Ayxan Hacızadə vurğulayıb ki, İlham Əliyev və ABŞ dövlət katibi Antoni Blinken arasında təmaslar zamanı Ağdam-Xankəndi və Laçın-Xankəndi yollarından eyni vaxtda istifadə məsələsində razılaşma ilə ziddiyyət təşkil etməklə yanaşı, təəssüf ki, özündə Ermənistanın Azərbaycana qarşı bütün dünyada qarayaxma kampaniyasının elementlərini ehtiva edir.

Anews.az saytında yayımlanan “Türkiyədə koronovirusun yeni növü aşkarlanıb- 9 nəfər yoluxub” sərlövhəli yazıda korona virusun yeni növü haqqında danışılıb. Müəllifin sözlərinə görə Türkiyədə Covid-19-un yeni variantı olan "Eris" variantına 9  nəfər yoluxub. Əlavə olaraq qeyd olunub ki, ÜST-ün məlumatına görə, bu ştamma əvvəlcə  Çindən, ardınca ABŞ, Cənubi Koreya, Yaponiya və Kanadada rast gəlinib. Hazırda Azərbaycanda koronavirusun "Eris" variantının yayılması barədə rəsmi məlumat yoxdur. Bunu Səhiyyə Nazirliyinin mütəxəssis-eksperti, infeksionist Vasif Əliyev deyib.

BBC Azərbaycanca saytında yayımlanan “Qarabağda nə baş verir? - 7 suala cavabda” sərlövhəli yazıda Qarabağda baş verən hazırki məsələlər haqqında yazılıb. Müəllifin sözlərinə görə Rusiya Qızıl Xaçının (RQX) Ağdam-Xankəndi yolu ilə Qarabağ ermənilərinə göndərdiyi yardım TIR-ı sentyabrın 12-də Xankəndiyə çatsda da, hələ ki, nə Laçın dəhlizi açılıb, nə də Azərbaycanın 15 gündən çoxdur Xankəndiyə giriş icazəsi gözləyən un yardımı maşınları yerindən tərpənib. Müəllif qeyd edib ki, Qarabağ erməniləri hazırda ərzaq çatışmazlığı yaşadıqlarını deyir və Laçın yolunun açılmasını istəyir. Bundan əvvəl onlar Azərbaycan hökumətinin reinteqrasiya çağırışlarına baxmayaraq, Azərbaycan vətəndaşı olmağı qəbul etməyəcəklərini deyiblər.  Onlar Laçın dəhlizinin açılmasını istəyirlər.

Trend.az saytında yayımlanan “Bu QHT-lər 2 ilədək qrant müsabiqələrində iştirak hüququndan məhrum ediləcək” sərlövhəli yazıda  qrant müsabiqələrində iştirak qaydaları haqqında danışılıb. Müəllifin sözlərinə görə Qeyri-Hökumət Təşkilatlarına Dövlət Dəstəyi Agentliyinin maliyyələşdirdiyi layihələrin əlaqələndirilməsi və icrasına nəzarətin həyata keçirilməsi, icra olunan layihələrin monitorinqinin və qiymətləndirilməsinin aparılması Qaydası təsdiq edilib.

“Layihələrin əlaqələndirilməsi və icrasına nəzarəti çərçivəsində aparılan monitorinq və qiymətləndirilmə aşağıdakıları özündə ehtiva edir:

- monitorinqin aparılmasının forma və üsullarının müəyyən edilməsi;

- monitorinq aparılacaq layihənin məzmununa uyğun normativ hüquqi aktların, elmi, texniki imkanların nəzərə alınması və müvafiq meyarların müəyyən edilməsi;

- layihənin icra planına uyğunluğunun müəyyən edilməsi;

- layihənin icrası zamanı sənədləşmə işlərinin hüquqi aktlara uyğunluğunun müəyyən edilməsi;

- layihənin icrası zamanı yol verilmiş nöqsanların və yaranmış problemlərin aşkarlanması;

- monitorinqin nəticələrinə dair hesabatın tərtibi, hesabat əsasında qiymətləndirilmənin aparılması və qiymətləndirilmənin nəticələrinə dair yekun rəyin hazırlanması”.

Jamnews saytında yayımlanan “Rusiyanın Azərbaycanla münasibətləri bəzən müttəfiqlik səviyyəsində olur, bəzən də olmur”. Sərlövhəli yazıda  Azərbaycan Rusiya münasibətləri haqqında yazılıb. Müəllfi bu haqda siyasi icmalçı Hacı Namazovla danışıb.  Müəllifin sözlərinə görə Siyasi icmalçı Hacı Namazov Mariya Zaxarovanın Azərbaycanın seçkiləri tanımaması ilə bağlı bəyanatını “Rusiyanın çəhrayı arzusu” adlandırıb. Onun fikrincə, Azərbaycanın Ukrayna məsələsində mövqeyi beynəlxalq hüquq normalarına əsaslanır.

“Rusiyanın Azərbaycanla münasibətlərini bir sözlə ifadə etmək olmaz. Aralarındakı münasibət bəzən müttəfiqlik olur, bəzən də olmur. Ancaq bu münasibətlər həmişə qarşılıqlı faydalıdır”.- Hacı Namazov