Media icmalı – 22.09.2023

Ölkədə Qarbağda əhaliyə göndərilən məhsullar, sıxlıq müşahidə edilən yollar, Uqandanın vitse-prezidenti ilə görüş, Qarabğın erməni əhalisi üçün qurulan şərait, Xankəndi şəhərində baş verən yanğınlar, Azərbaycanda həlak olan şəhidlərin dəfni, Xankəndidən mesaj, Qarabağda baş verənlərlə bağlı Bakıdan şərh bu gün (22.09.2023) üçün əsas müzakirə olunan mövzulardan olub.

525-ci qəzet saytında yayımlanan “Qarabağda yaşayan dinc sakinlərə göndərilən yardıma daxil olan məhsulların həcmi açıqlanıb” sərlövhəli yazıda göndərilən məhsullar barədə məlumat verilib.Müəllifin sözlərinə görə 20 ton ərzaq məhsulları və gigiyenik vasitələr, eləcədə çörək məhsulları Qarabağda yaşayan dinc sakinlərə göndərilib. Məhsullar Ağdam-Xankəndi yolu vasitəsilə göndərilir.

“Bakıda sıxlıq müşahidə olunan yollar” yazıda sıxlıq müşahidə olunan yolların siyahısı verilib. Müəllifin sözlərinə görə  Ziya Bünyadov prospekti, Müzəffər Nərimanov küçəsi ilə kəsişmədən "20 Yanvar" metrostansiyası istiqamətində;. Neftçilər prospekti, Azneft dairəsi istiqamətində; Heydər Əliyev prospekti əsas və kənar yol, mərkəz istiqamətində; 28 May küçəsi, Puşkin küçəsi ilə kəsişmədən Rəşid Behbudov küçəsi ilə kəsişməyə qədər;. Alı Mustafayev küçəsi, Ziya Bünyadov prospekti istiqamətində;Tbilisi prospekti, mərkəz istiqamətində; Babək prospekti, mərkəz istiqamətində; 8 Noyabr prospekti, Süleyman Əhmədov küçəsi ilə kəsişmədən mərkəz istiqamətində;Üzeyir Hacıbəyli küçəsi, Cavanşir körpüsündən Azadlıq prospekti ilə kəsişməyə qədər;  Bakı-Sumqayıt şosesi, "20 Yanvar" metrostansiyası istiqamətində sıxlıq müşahidə olunub.

“Ceyhun Bayramov Uqandanın vitse-prezidenti ilə görüşüb” sərlövhəli yazıda görüşdə müzakirə olunan məsələlər haqqında məlumat verilib. Müəllifin sözlərinə görə iki ölkə arasında əməkdaşlıq məsələləri, habelə Qoşulmama Hərəkatı (QH) çərçivəsində əməkdaşlıq məsələləri müzakirə edilib. Müəllif qeyd edib ki, Ceyhun Bayramov müxtəlif sahələrdə təcrübə mübadiləsinin münasibətlərin, o cümlədən ölkələrimizin inkişafına töhfə verdiyini Uqandanın Hoima şəhərində Azərbaycanın ASAN xidmət modeli əsasında yaradılmış vətəndaşlara xidmət mərkəzinin açılmasının bunun bariz nümunəsi olduğunu qeyd edib.

Anews.az saytında yayımlanan “FHN Qarabağın erməniəsilli əhalisi üçün çadırlar qurub” sərlövhəli yazıda erməniəsilli insanlar üçün qurulan şərait haqqında yazılıb. Müəllifin sözlərinə görə Azərbaycanın Fövqəladə Hallar Nazirliyi Qarabağ bölgəsinin erməniəsilli əhalisi üçün 1 000 yerlik çadırlar qurub. Əlavə olaraq qeyd olunub ki, çadırlar Kəlbəcər, Füzuli və Ağdam rayonlarında yerləşdirilib.

Bizim yol saytında yayımlanan “DİN: "Xankəndi şəhərində qəsdən yanğınlar törədilir" sərlövhəli yazıda baş verən yanğınlar haqqında danışılıb. Müəllifin sözlərinə görə Azərbaycan Respublikasının Xankəndi şəhərində qarşı tərəf qəsdən yanğınlar törədir, müxtəlif inzibati binalarda sənədlərin, maddi sübutların, arxivlərin məhv edilməsi prosesini həyata keçirir. Əlavə olaraq qeyd olunub ki, müvafiq dövlət qurumları bölgədə mövcud vəziyyətə tam nəzarət edir, erməniəsilli vətəndaşlarımıza humanitar köməkliklər göstərirlər, daxil olan müraciətlərə etinasız yanaşmırlar.

BBC Azərbaycan saytında yayımlanan “Azərbaycan Qarabağ əməliyyatında həlak olan şəhidlərini dəfn edir - "Gəlməsəm, Vətən sağ olsun" sərlövhəli videoda şəhidlərin dəfn olunması və hazırki vəziyyət haqqında məlumat verilib.  Video materialda bir neçə şəhidin ailəsi ilə müsahibə olunub və onlar haqqında məlumat verilib. Müəllif vurğulayıb ki, Azərbaycan itkilər barədə dəqiq bir məlumat verməyib.

“Xankəndidən mesaj: "Ruslar bizi geri çağırdı, bizə təhlükəsizlik vəd etdi, üç il kabus yaşatdılar. Niyə?" sərlövhəli yazıda Xankəndidə olan ermənilərin hazırki vəziyyəti haqqında məlumat verilib. Yazıda Xankəndində olan insanların bəzilərinin fikirləri qeyd olunub. Oğlu ilə əlaqəni itirmiş qadın Azərbaycan gələn yardımı istəmədiyini bildirib. İnsanlar 3 ildi stabil vəziyyətdə yaşamadıqlarını  bildirib. Müəllif qeyd edib ki, hazırda  atəş səsləri kəsilib.

Jamnews saytında yayımlanan “"Peşəkarca və ən qısa müddətdə" Bakıdan şərh” sərlövhəli yazıda Natiq Cəfərli hazırki vəziyyəti təhlil edib. Natiq Cəfərlinin sözlərinə görə, əməliyyat peşəkarlıqla və ən qısa zamanda həyata keçirilib. O, Azərbaycan ordusunun son hərbi əməliyyatları ilə bağlı Rusiya, Ermənistan və Qərbin mövqelərini də təhlil edib.