Media icmalı - 24.07.2023

Ölkədə Qubad İbadoğlunun həbsi, FHN yanğın təlimi, Nazirliyin  zavodunda olan partlayış bu gün (24.07.2023) üçün mediada gündəm mövzulardan olub.

Anews.az saytında “Qubad İbadoğlunun qızı atasının həbsindən danışıb” sərlövhəli məqalədə Qubad İbadoğlunun  həbsi haqqında qızından müsahibə alınıb. Müəllif qeyd edib ki, Qubad İbadoğlu Cinayət Məcəlləsinin 204.1-ci maddəsi (Saxta pul və ya qiymətli kağızlar hazırlama, əldə etmə və ya satma, beş ildən yeddi ilədək müddətə azadlıqdan məhrum etmə ilə cəzalandırılır) ilə şübhəli şəxs qismində saxlanılıb. Bu barədə məlumatı siyasətçinin qızı Jalə Bayramova yazısından götürüb. Məqalədə  Qubad İbadoğlunun həbs səbəbi ilə bağlı Nazirliyin verdiyi açıqlama qeyd olunub.

“Azərbaycan Respublikası Daxili İşlər Nazirliyi Türkiyə Respublikasının Daxili İşlər Nazirliyindən daxil olan məlumat əsasında ölkəmizdə FETÖ ilə əlaqəli olan şəxslərə qarşı əməliyyat tədbirləri keçirib. Tədbirlərlə saxlanılan 5 nəfərdən biri Qubad İbadoğlu ilə əlaqəsinin olması barədə ifadə verib. Həmin ifadə əsasında Qubad İbadoğlunun ofisində axtarış aparılmış, iş üzrə zəruri əhəmiyyət kəsb edən sənədlər aşkarlanmış və Qubad İbadoğlu saxlanılıb. Hazırda tədbirlər davam etdirilir”, - nazirlikdən qeyd olunub.

Bugün ümumilikdə Qubad İbadoğlunun həbsi medianın əsas mövzusu olub. Müxtəlif saytlarda bununla bağlı bir çox material hazırlanıb.

Anews.az saytında “Nazirliyin zavodunda partlayış - Ölən var” sərlövhəli məqalədə "Şirvan Araz zavodu” MMC-də partlayış olduğu qeyd olunub. Müəllif məlumatı bu Baş Prokurorluğun Mətbuat xidmətindən aldığını qeyd edib. Şirvanda yerləşən zavodunda 1 nəfərin ölümü, 1 nəfərin isə xəsarət alması ilə nəticələndiyi qeyd olunub.

“525-ci qəzet” saytında “FHN şərti yanğın təlimi keçirib” sərlövhəli məqalədə FHN-in Dövlət Yanğından Mühafizə və Dövlət Yanğın Nəzarəti xidmətləri Bakı şəhəri, Xətai rayonu, Məhəmməd Hadi küçəsi, 45 ünvanında yerləşən “Əlibəy” MTK-ya məxsus çoxmərtəbəli yaşayış kompleksində təlim keçirildiyi qeyd olunub. Müəllif yanğın texnikalarının yaşayış binasına, həmçinin su hovuzuna yaxınlaşa bilməsi və ümumilikdə ərazidəki yanğına qarşı əməliyyat şəraitinin qiymətləndirilməsi məqsədilə keçirildiyini qeyd edib. Məqalədə təlim zamanı bir çox  nöqsanın üzə çıxarıldığı vurğulanıb.

Sosial Media

Azadlıq Radiosu- Qubad İbadoğlu: İlham Əliyevin sifarişi ilə saxlanılmışam. Sərlövhəli məlumatda Qubad İbadoğlunun həbs səbəbləri və aparılması ilə bağlı məlumat verilib. “Gecə saat 00:00 radələrinə qədər davam edən axtarışlardan sonra Qubad İbadoğlu polislərin müşayəti ilə ofisdən çıxarılaraq qara rəngli bir avtomobilə mindirilib”.

MeydanTV

Daha bir qazinin 1 gündə iki dəfə intihara cəhd etdiyi deyilir. Sərlövhəli yazıda İkinci Qarabağ müharibəsi iştirakçısı, hərbi xidmət əlili Amin Akif oğlu Babayevin intihara cəhd etdiyi qeyd olunub. Müəllif qeyd edir ki, Tovuzun Azaflı kənd sakini olan Amin Babayev iyulun 22-də dərman ataraq intihara cəhd edib.

Nazirliyin zavodunda baş verən partlayış haqqında daha detallı məlumat verilib. Müəllif yazır ki, partlayış zamanı ölən və yaralanan şəxslərin zavodun işçiləri olduğu bildirilir:

“Ölən Mehman Əhmədovun 57 yaşı var. Yaralanan isə qadındır”.