Media icmalı – 25.07.2023

Ölkədə İyul ayının sosial müavinət, təqaüd və sosial yardımların ödənməsi;  Moskvada Azərbaycan, Rusiya və Ermənistan XİN başçılarının görüşü, Qubad İbadoğlunu həbsi gündəm mövzuların, Müqəddəs kitablara qarşı zorakılıq, Ermənistan tərəfdə planlaşdırılan təxribat bu gün (25.07.2023) gündəm mövzularından olub.

“BBC News Azərbaycan” saytında “Qubad İbadoğlunun həbsi: Hakimiyyət "qorxutmaq və güc göstərmək" istəyir” sərlövhəli məqalədə Qubad İbadoğlunun həbsi və onun səbəbləri qeyd olunub. Müəllif qeyd edir ki, Qubad İbadoğlu barəsində 3 ay 26 günlük həbs qətimkan tədbiri seçib. Qubad İbadoğlunun ilkin tutulma səbəbi FETÖ ilə əlaqəli əməliyyat zamanı saxlanılanlardan biri olması qeyd olunub. Müəllif qeyd edir ki, bu məlumatı Daxili İşlər Nazirliyi yayıb. Əlavə olaraq məqalədə Qubad İbadoğlunun keçmiş fəaliyyəti qeyd olunub.

Anews.az saytında “Moskvada üçtərəfli görüş başa çatıb” sərlövhəli məqalədə görüş haqqında məlumat qeyd olunub.

25 iyul tarixində Azərbaycan Respublikasının xarici işlər naziri Ceyhun Bayramov Rusiya Federasiyasına işgüzar səfəri çərçivəsində Rusiya Federasiyasının xarici işlər naziri Sergey Lavrov ilə ikitərəfli, daha sonra isə Rusiya xarici işlər naziri və Ermənistan xarici işlər naziri Ararat Mirzoyan ilə üçtərəfli görüşlər keçirdiyi məqalənin girişində qeyd olunub. Görüşdə əsas müzakirə mövzusu bölgədə Azərbaycanın sülh və sabitliyi qorumağa çalışarkən Ermənistanın törətdiyi qeyri-qanuni fəaliyyətlər vurğulanıb. Səfər çərçivəsində nazirlər Azərbaycan və Ermənistan arasında sülh sazişi layihəsi üzrə danışıqların növbəti raundunu keçirməyi planlaşdırıldığı sonda qeyd olunub.

“Müqəddəs kitablara qarşı zorakılıq beynəlxalq hüququn pozulması kimi qəbul ediləcək – BMT” sərlövhəli məqalədə müqəddəs kitablara qarşı son zamanlarda zorakılığın olunması dünya mediasında gündəm mövzularından olduğu qeyd olunub. Bu qərarın qəbuluna əsas səbəb son iyunun 28-də İraqdan olan 37 yaşlı mühacir Salvan Momika Stokholmun mərkəzindəki məscid yaxınlığında Quran yandırmaq aksiyası keçirməsi müəllif tərəfindən qeyd olunub.

“DSX Ermənistan tərəfdə planlaşdırılan təxribatla əlaqədar xəbərdarlıq edib” sərlövhəli yazıda "Laçın” dövlət sərhədindən buraxılış məntəqəsinin qarşı tərəfdən olan girişində iyulun 26-da Ermənistan tərəfindən müxtəlif nəqliyyat vasitələrinin toplanmasını təşkil etməklə nümayişkaranə şəkildə növbəti təxribat əməli planlaşdırıldığı qeyd olunub. Müəllif bu haqda məlumatı Dövlət Sərhəd Xidmətinin yaydığını qeyd edib.

Sosial media

MeydanTV

Bir çox ölkədə meşə yanğınlarının davam etməsi, əlilliyi olan şəxslər üçün yaradılmış kursları və iş yerlərini yetərsiz hesab edilməsi müzakirə olunan mövzulardır

Gözdən əlillər üçün tikilmiş binada yaşayan Özal Muradovdan video müsahibə alınıb. Müsahibədə Özal Muradov əlillər üçün yaradılmış şəraitdən narazılığını bildirib.

Azadlıqradiosu

Azərbaycanda qohum evliliyinin artması, Vüqar Məmmədovun həbsi əsas gündəm mövzulardan olub.

“Hürriyyət” qəzetinin baş redaktoru Vüqar Məmmədov həbs olunub. İyulun 24-də Binəqədi rayon Məhkəməsində onun haqqında 1 aylıq inzibati həbs qərarı çıxarıldığı qeyd olunub. Müəllif ittiham səbəbinin rəhbərlik etdiyi “Hurriyyet TV” adlı internet televiziyasında qadağan edilmiş məlumatın yayılması olduğunu qeyd edib.  “Axşam saat 8-ə qədər redaksiyaya da, onun yaxınlarına da heç bir məlumat verilməyib. Yalnız onu deyiblər ki, məhkəməyə aparılacaq”. -Hürriyət qəzeti redaksiyası