Açiq mənbələrdən foto.
Bakı/04.11.22/Turan: Medianın İnkişafı Agentliyi (Media) 14 oktyabr 2022-ci il tarixindən Azərbaycan KİV-in dövlət qeydiyyatına alınması üçün müraciətləri qəbul edir. Lakin agentlik bəzi KİV-ə bunu etməkdən imtina edir, vəkil Xalid Ağəliyev bildirib.
Agentlik imtinaya səbəb kimi “Media haqqında” qanunun KİV-in fəaliyyət müddətinə dair 74.1.2-ci maddəsini göstərir.
Bu maddə digərləri ilə yanaşı, Avropa Şurasının Venesiya Komissiyası tərəfindən qəbul edilməyib. Venesiya Komissiyası bildirib ki, Avropa Şurasına üzv olan ölkələrdə belə tələblər irəli sürülə bilməz, -Ağəliyev deyib.
74.1.2-ci maddə KİV-in müəyyən fəaliyyət davamlılığının olmasını tələb edir. Lakin bu müddətin müəyyən edilməsi üçün tədbir göstərilməyib. "Belə bir tələb ifadə azadlığını məhdudlaşdırır və senzuradan başqa bir şey deyil", - Ağəliyev deyib.
"Qeydiyyatından imtina edilən KİV arasında elələri var ki, onlar fəaliyyətə başlayanda KİV-in İnkişafı Agentliyinin rəhbərləri məktəbdə oxuyublar, bu jurnalistlər isə artıq tanınıblar və məhkəmələr onların barəsində qərarlar çıxarıb. Deməli, o zaman dövlət həmin KİV-i və jurnalistləri tanıyıb. Agentlik isə qeydiyyata almaqdan imtina edir”, - Ağəliyev deyib.
Onun fikrincə, tezliklə qeydiyyatından imtina edilmiş KİV-in iddiaları üzrə məhkəmə proseslərini gözləmək lazımdır.
Agentliyin saytında “statistika” bölməsində reyestrdə qeydiyyatdan keçən və imtina alan KİV-in adları açıqlanmır.
Turan qeydiyyatından imtina edilmiş KİV-in sayının və imtinanın səbəblərinin açıqlanması xahişilə Agentliyə müraciət edib. -0-
Cəmiyyət
-
Ötən həftə ərzində hüquq müdafiəçisi Rüfət Səfərov, MeydanTV internet televiziyası ilə əməkdaşlıq edən altı jurnalist və onların bəzi yaxınları həbs olundular. Üstəlik, siyasi şərhçi Azər Qasımlı da saxlandı. O, hədə-qorxu ilə tələb etmədə, qalanları isə qaçaqmalçılıqda şübhəli sayılır.
-
Lahıcda Vətəndaş A filminin çəkilişləri zamanı İctimai Televiziyanın çəkiliş qrupuna məxsus dron qəzaya uğrayıb. Əvvəlcə filmin operatoru dronun Azərbaycan sərhədçiləri tərəfindən vurulduğunu iddia etsə də, prodüser bu açıqlamanı təkzib edərək dronun onun səhvi ucbatından qayaya çırpıldığını bildirib.
-
Dekabrın 10-da tutqun hava şəraiti davam edəcək. Gecə yağış yağa bilər. Şimal-şərq küləyi gündüz cənub-şərq küləyinə keçəcək. Havanın temperaturu gecə müsbət 5 +7, gündüz müsbət 7 + 10 dərəcə olacaq. Rütubət 60-70 faiz olacaq.
-
Lider mobil operator milli mətbuat nümayəndələrinin peşəkar bacarıqlarının artırılmasına yönəlmiş növbəti təşəbbüsünü həyata keçirir 6 dekabr rabitə və informasiya texnologiyaları işçilərinin peşə bayramında lider mobil operator jurnalistlərin rəqəmsal savadlılığının artırılmasına yönəlmiş xüsusi təlim təşkil etdi. Beynəlxalq təlim şirkəti tərəfindən keçirilən kurs çərçivəsində media nümayəndələrinə ən yeni media tendensiyalar və qabaqcıl texnologiyalar barədə geniş məlumat təqdim edildi.
Rəy yaz