Məhbus Elşən Paşayevin kassasiya şikayəti ünvana niyə yetişmir?
Hazırda Qobustan qapalı həbsxanasında cəza çəkən məhbus Elşən Paşayevin Ali Məhkəməyə kassasiya şikayəti ilə bağlı məktubu ünvana çatdırılmır. Bu barədə Paşayevin anası Lida Mirzəliyeva Turan-a bildirib.
Onun sözlərinə görə, oğlu iyunun 23-də cəza növünün dəyişdirilməsi ilə bağlı Apellyasiya Məhkəməsinin qərarından kassasiya şikayəti verib. Amma Paşayevin məktubunu həbsxana rəhbərliyi Ali Məhkəməyə çatdırmır.
Elşən Paşayev Cinayət Məcəlləsinin qəsdən adam öldürmə maddəsi ilə həbs edilib. O, 12 il müddətinə məhkum edilib və cəzasının artıq 11 ilini 1 saylı cəzaçəkmə müəssisəsində çəkib. E.Paşayev cəzasının çəkilməmiş hissəsindən azad edilməsi ilə bağlı 2015-ci ilin fevralında Nizami rayon Məhkəməsinə müraciət edib. Məhkəmə müraciəti təmin etyməyib. Bundan sonra, Paşayev ağzını tikərək aclığa başlayıb. Aclıq edən Paşayev 33 gün cəzaçəkmə müəsisəsinin “cəza kamerasına” salınıb. Martın 19-da Nizami Rayon Məhkəməsi cəzaçəkmə müəssisəsinin rəhəbrliyinin təqdimatı əsasında Paşayevi cəzasının qalan hissəsini çəkmək üçün Qobustan qapalı həbsxsanasına göndərilməsi barədə qərar qəbul edib.
Paşayev məhkəmənin qərarından apellyasiya şikatyəti verib. Apellyasiya Məhkəməsi onun cəzasının çəkilməmiş hissəsinin 1 il 6 ayından azad edib. Paşayev bu il iyunun 23-də Apellyasiya Məhkəməsinin qərarından kassasiya şikayəti verib.
Ancaq, Paşayevin anası Lida Mirzəliyeva iddia edir ki, oğlunun şikayəti Ali Məhkəməyə qəsdən çatdırılmır.
Öz növbəsində, Penitensiar Xidmətin İctimiayyətlə Əlaqələr Şöbəsi Lida Mirzəliyevanın dediklərini Turan-a təkzib edib.
“Cəzaçəkmə müəssisələrində saxlanılan bütün məhbusların məktubları vaxtında yazdıqları instansiyaya çatdırılır. Elşən Paşayev kassasiya şikayəti yazıbsa, onun məktubu da ünvanına çatdırılıb”, deyə şöbənin əməkdaşı qeyd edib. -03B-
-
- İqtisadiyyat
- 13 İyul 2015 16:42
-
- Cəmiyyət
- 13 İyul 2015 18:00
Cəmiyyət
-
Bazar günü, iyulun 28-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı gözlənilir.
-
Bakı şəhəri ərazisində qanunsuz miqrasiyaya qarşı mübarizə çərçivəsində müxtəlif ünvanlarda əməliyyat tədbirləri həyata keçirilib. Daxili İşlər Nazirliyindən verilən məlumata görə, Baş Dövlət Yol Polisi İdarəsinin qanunsuz miqrasiyaya qarşı mübarizə idarəsinin əməkdaşları tərəfindən Azərbaycan ərazisində yaşamaq və qalmaq hüququ verən sənədləri olmayan 34 əcnəbi müəyyən edilərək saxlanılıb.
-
Azərbaycan Müdafiə Nazirliyi (AMN) iyulun 25-də bəyanat yayaraq son günlərdə Ermənistanı Kəlbəcərdə ağır silahlar, Tovuz istiqamətində isə kvadrokopter tətbiq etməklə ona qarşı “təxribatlar törətməkdə” günahlandırıb. Üstəlik, Ermənistanın Qərb ölkələri ilə hərbi əməkdaşlığından narazılıq və narahatlıq ifadə edib.
-
Daxili İşlər Nazirliyinin Baş Narkotiklərlə Mübarizə İdarəsinin son əməliyyatları zamanı narkotik maddələrin qanunsuz dövriyyəsilə məşğul olan mütəşəkkil dəstənin 5 üzvü - əvvəllər məhkum olunmuş Bəhlul İsmayılov, Röyal Əliyev, Xəyal Alıyev, Samir Ağayev və Əli Məmmədli saxlanılıblar.
Rəy yaz