![Məhkəmə Aslan İsmayılovu 1500 manat cərimə edib](https://turan.az/resized/750/500/resize/media/2018/main/070500011545.jpg)
Məhkəmə Aslan İsmayılovu 1500 manat cərimə edib
Bakı/05.08.18/Turan: İyulun 4-də Səbayel Rayon Məhkəməsi hüquqşünas Aslan İsmayılovu 1500 manat cərimələyib.
Belə ki, məhkəmə iclasına sədrlik edən hakim Azər Tağıyev Cinayət Məcəlləsinin 147.2 (ağır cinayətdə ittiham etməklə böhtan atma) maddəsiylə Aslan İsmayılova bəraət verib. Cinayət Məcəlləsinin 148-ci (təhqir) maddəsiylə isə 1500 manat cərimə edib. Hafiz Hacıyevin 100 min manatlıq mülki iddiası təmin olunmayıb.
Aslan İsmayılovu Müasir Müsavat Partiyasının sədri Hafiz Hacıyev məhkəməyə verib. O, hüquqşünasın Cinayət Məcəlləsinin 147.2 və 148 maddələri ilə cinayət məsuliyyətinə cəlb edilməsini istəyib.
Səbayel Rayon Məhkəməsində hakim Azər Tağıyev Aslan İsmayılovun bu il fevralın 1-də təqsirləndirilən şəxs qismində tanınması barədə qərar qəbul edib.
Hafiz Hacıyevin iddiasına görə, Aslan İsmayılov sosial şəbəkələrdə onu "canlı" adlandırmaqla təhqir edib, başqalarını şantaj edib pul aldığını deməklə böhtan atıb.
H.Hacıyev A. İsmayılovun böhtan və təhqirə yol verdiyi üçün təqsirli bilinərək 3 il azadlıqdan məhrum edilməsini, üzr istəməsini və ona dəymiş mənəvi ziyana görə 100 min manat təzminat ödəməsini tələb edib.
A. İsmayılov H. Hacıyevin iddiasının əsassız olduğunu bildirib.
H.Hacıyev məhkəmədə deyib ki, nüfuzuna dəymiş zərərə görə 100 min manat çox aşağı məbləğdir.
"Mən 110 minlik partiyanın sədriyəm, dörd dəfə prezidentliyə namizəd olmuşam. Mənə atdığı böhtanlarla, təhqirlərlə vurduğu ziyan ən ağır cinayətdir".
A. İsmayılov isə deyib ki, olmayan nüfuza zərbə vurula bilməz.
"Qərarı çıxaranda nəzərə alın ki, bu qərar tarixdə qalacaq. Sizə təqdim etdiyim sənədlərdə mənim haqqımda işlətdiyi söyüşləri də nəzərə alın. Mən bu canlı ilə hətta bir otaqda da olmaq istəmirəm".
Məhkəmənin hökmü tərəfləri qane etməyib. H.Hacıyev bildirib ki, hökmdən narazıdır.
A. İsmayılov da apellyasiya şikayəti verəcəyini deyib.
"Bu hökm göstərdi ki, ölkədəki hakimiyyət Hafiz Hacıyevə layiqdir", - o qeyd edib.-03D-
-
- Cəmiyyət
- 5 İyul 2018 11:25
Cəmiyyət
-
Azərbaycandan Avropa Şurasının Parlament Assambleyasına (AŞPA) ölkədə sentyabrın 1-də keçiriləcək parlament seçkilərini müşahidə etmək üçün rəsmi dəvət göndərilməyib. Azərbaycan Xarici İşlər Nazirliyinin (XİN) sözçüsü Ayxan Hacızadə deyib ki, onlar 7 beynəlxalq təşkilata dəvət göndəriblər: “ATƏT Demokratik Təsisatlar və İnsan Haqları Bürosu, Müstəqil Dövlətlər Birliyi, İslam Əməkdaşlıq Təşkilatı, GUAM, Qoşulmama Hərəkatı Gənclər Təşkilatı, Şanxay Əməkdaşlıq Təşkilatı, Türk Dövlətləri Təşkilatı XİN-in dəvət etdiyi təşkilatlardır”.
-
Bakının Qaradağ rayonundan yeni köçkün qrupu Şuşa şəhərinə gedib, Qaçqınların və Məcburi Köçkünlərin İşləri üzrə Dövlət Komitəsi bildirib. Şuşanın yetmiş doqquz sakini, o cümlədən 21 ailə doğma şəhərə qayıdıb.
-
"Gənc Qazilər" İB-nin Qəbələ rayon Filialının sədri, ikinci Qarabağ Vətən müharibəsinin iştirakçısı, Qazi Bəhram Nuruyev intihara cəhd edib. Vaxtında müalicəsinin düzgün aparılmaması və psixoloji durumunun yerində olmaması səbəbindən, dünən Qəbələ rayonunda özünü güllə ilə vurub.
-
İyulun 31-də paytaxtda yağıntı gözlənilmir. Cənub-qərb küləyi əsəcək, günün ikinci yarısında şimal-qərb küləyinə keçəcək.
Rəy yaz