Məhkəmə "Azərsu" ASC-nin üzərinə Turan İA-nın yazılı sorğusuna cavab vermək öhdəliyi qoyub
Bakı/13.05.19/Turan: Avqustun 19-da 1 saylı Bakı İnzibati-İqtisad Məhkəməsi "Azərsu" ASC-nin üzərinə Turan İnformasiya Agentliyinin 2 aprel 2019-cu il tarixli sorğusuna yazılı cavab vermək öhdəliyi qoyub.
Qərarı çıxaran hakim Miminat Hacıbəyova, bununla belə, İnzibati Xətalar Məcəlləsinin 374, 382-ci maddələrinə uyğun olaraq, vəzifəli şəxslər barəsində xüsusi qərar çıxarılması barədə xahişi təmin etməyib. Söhbət İnformasiya Azadlığı haqqında qanunun tələblərinin pozulmasından gedir.
2 aprel tarixli informasiya sorğusunda "Azərsu" ASC-nin sədr müavini Etibar Məmmədovdan Buzovna qəsəbəsində icrasına 2013-cü ilin oktyabrında başlanılmış su təchizatı və kanalizasiya layihəsi haqqında bir sıra suallara cavab vermək xahiş olunurdu.
Xüsusən, agentlik layihə, onun icra olunmamasının səbəbləri, layihə üçün ayrılmış 122 mln. manatın taleyi və s. haqqında ətraflı məlumat verilməsini xahiş edirdi.
İki ay əvvəl agentliyin direktoru Mehman Əliyevlə şifahi söhbətdə "Azərsu" ASC-nin nümayəndələri bildiriblər ki, vəsait qismən, cəmi 2,7 mln. manat ölçüsündə ayrılıb, layihənin icrası isə su çatışmazlığı ilə əlaqədar mümkün olmur. Onların sözlərinə görə, hazırda Buzovna istiqamətində üçüncü su kəmərinin çəkilməsi haqqında məsələ qaldırılıb.
M.Əliyev onların dəlillərini qəbul edib, amma yazılı formada cavab verməyi xahiş edib. Bu günə qədər "Azərsu" ASC tərəfindən informasiya sorğusuna yazılı cavab verilməyib. -0-
-
- İqtisadiyyat
- 19 Avqust 2019 16:30
-
- Cəmiyyət
- 19 Avqust 2019 17:13
Cəmiyyət
-
Ailə, Qadın və Uşaq Problemləri üzrə Dövlət Komitəsi 2023-cü il üçün illik hesabatını dərc edib. Sənəd ölkədə məişət zorakılığı ilə bağlı vəziyyətə işıq salır. Məruzədə əvvəlki illə müqayisədə qeydiyyata alınan halların sayının bir qədər azaldığı qeyd edilsə də, bu cür hadisələrin yayılma səviyyəsi və nəticələri ilə bağlı narahatlıqlar davam edir.
-
Azərbaycan Yerüstü Nəqliyyat Agentliyi bildirib ki, müvəqqəti sxemə əsasən, E1 və 125 nömrəli avtobus marşrutlarının hərəkəti alternativ küçələrlə həyata keçirilir.
-
Mayın 19-da içində İran prezidenti İbrahim Rəisi, xarici işlər naziri Hüseyn Əmir Abdullahian və bir neçə digər rəsmi şəxsin olduğu helikopter qəzaya uğrayıb. Mayın 20-də səhər saatlarında İranın rəsmi şəxsləri prezidentin və onun komandasının həlak olduğunu açıqlayıb. Qəzaya ilkin səbəb kimi əlverişsiz hava şəraiti göstərilir.
-
Mayın 21-də Bakıda və Abşeron yarımadasında hava şəraitinin dəyişkən buludlu, yağmursuz keçəcəyi gözlənilir. Səhər və axşam zəif duman olacaq. Şimal-qərb küləyi əsəcək. Havanın temperaturu gündüz 19-24 dərəcəyə qədər yüksələcək.
İran Prezidentinin də həlak olduğu helikopter qəzasına görə məsuliyyəti kim daşıyır? – Sədrəddin Soltan Çətin sualda
Xəbər lenti
-
- Cəmiyyət,
- 13:08
- 165
Rəy yaz