![Əlillərin məşğulluğu problemi ilə bağlı araşdırma](https://turan.az/resized/media/2019/main/082000021106-750-500-resize.webp)
Əlillərin məşğulluğu problemi ilə bağlı araşdırma
Bakı/19.08.19/Turan: Demokratik Təşəbbüslər İnstitutu (DTİ) bazar etməsi Azərbaycanın əlillərin məşğulluğu ilə bağlı qanunvericiliyini və təcrübəsinin təhlilini əks etdirən araşdırmanı dərc edib.
Əlillərin məşğulluğunun təmin edilməsi üzrə müəyyən addımlara baxmayaraq, fiziki məhdudiyyətləri olan insanlar çox vaxt işə düzəlmədə ayrı-seçkiliklə üzləşirlər, deyə araşdırmada qeyd edilir. Məruzənin tövsiyələr hissəsində əlillərin hüquqlarını pozan şəxslərin cəzalandırılmasını ağırlaşdırmaq, cərimələri artırmaq təklif olunur.
Müəlliflər işləyən əlillərin müavinətlərdən məhrum edilməsini nəzərdə tutan qanunvericilik normalarını tənqid edirlər. Çox vaxt onların əmək haqqı müavinətə bərabər olur, bu da əlilləri iş stimulundan məhrum edir.
Bundan başqa, sənədlərdə əmək qabiliyyətinin olub-olmadığının göstərilməməsi tövsiyə olunur. Çünki birinci qrup əlillər belə evdə əməklə məşğul ola bilər.
Həmçinin, əlillik meyarlarının dəyişdirilməsi prosesini sürətləndirmək təklif olunur.
Əmək naziri Sahil Babayev ötən ilin sonlarında əlillik meyarlarının dəyişdirilməsi ilə bağlı yeni konsepsiyanın hazırlanacağı barədə məlumat verib. Bu zaman əlillik 1, 2, 3-cü qruplara deyil, görmə, eşitmə və digər məhdudiyyətlərə görə təsnif ediləcək. Amma 8 ay keçməsinə baxmayaraq, bu istiqamətdə heç bir addım atılmayıb.
Araşdırma müəllifləri əlillərin işə düzəlməsindən sonra belə əlillik müavinətinin verilməsinin davam etdirilməsini vacib sayırlar.
"Demokratik Təşəbbüslər İnstitutu" (DTİ) QHT 2013-cü il noyabrın 5-də bir qrup hüquqşünas və ictimai fəal tərəfindən Azərbaycanda demokratik təşəbbüslər yolu ilə açıq cəmiyyət formalaşdırılmasına yardım məqsədilə təsis edilib. DTİ-yə ölkənin Mərkəzi Seçki Komissiyasının keçmiş üzvü Akif Qurbanov sədrlik edir. O, 2013-cü il 13 oktyabr prezident seçkilərində çoxsaylı pozuntularla əlaqədar yekun protokolu imzalamaqdan imtina edən yeganə MSK üzvü idi. -06D-
Cəmiyyət
-
Bazar günü, iyulun 28-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı gözlənilir.
-
Bakı şəhəri ərazisində qanunsuz miqrasiyaya qarşı mübarizə çərçivəsində müxtəlif ünvanlarda əməliyyat tədbirləri həyata keçirilib. Daxili İşlər Nazirliyindən verilən məlumata görə, Baş Dövlət Yol Polisi İdarəsinin qanunsuz miqrasiyaya qarşı mübarizə idarəsinin əməkdaşları tərəfindən Azərbaycan ərazisində yaşamaq və qalmaq hüququ verən sənədləri olmayan 34 əcnəbi müəyyən edilərək saxlanılıb.
-
Azərbaycan Müdafiə Nazirliyi (AMN) iyulun 25-də bəyanat yayaraq son günlərdə Ermənistanı Kəlbəcərdə ağır silahlar, Tovuz istiqamətində isə kvadrokopter tətbiq etməklə ona qarşı “təxribatlar törətməkdə” günahlandırıb. Üstəlik, Ermənistanın Qərb ölkələri ilə hərbi əməkdaşlığından narazılıq və narahatlıq ifadə edib.
-
Daxili İşlər Nazirliyinin Baş Narkotiklərlə Mübarizə İdarəsinin son əməliyyatları zamanı narkotik maddələrin qanunsuz dövriyyəsilə məşğul olan mütəşəkkil dəstənin 5 üzvü - əvvəllər məhkum olunmuş Bəhlul İsmayılov, Röyal Əliyev, Xəyal Alıyev, Samir Ağayev və Əli Məmmədli saxlanılıblar.
Rəy yaz