Almaniya xarici işlər naziri Annalena Berbek
Almaniyanın xarici işlər naziri Azərbaycanda insan haqlarının vəziyyətini acınacaqlı adlandırıb (yenilənib)
Bu gün Bakıya gələn Almaniya xarici işlər naziri Annalena Berbek COP29 iqlim konfransı ərazisində mətbuat konfransı keçirib.
O, Azərbaycanda həbs olunmuş iqlim fəalları və müxalifətçilər barədə sualın cavabında deyib ki, Almaniya hakimiyyət tənqidçilərinin azad edilməsinə tərəfdardır və Azərbaycanın xarici işlər nazirilə görüşdə bu məsələni qaldıracaq.
O deyib: “Bu iqlim konfransından asılı olmayaraq, insan haqlarının vəziyyəti həmişə Almaniya və Azərbaycan hökuməti arasında siyasi müzakirələrin bir hissəsi olub.
Azərbaycanda insan haqlarının vəziyyəti, media işçilərinin, fəalların və müxalifət nümayəndələrinin həbsi böyük narahatlıq doğurur.
Almaniya ilə sıx bağlı hallar da var, məsələn, Qubad İbadoğlunun ölkədən çıxışına qadağa qoyulması, bu barədə burada son səfərim zamanı, eləcə də ondan sonra apardığım müzakirələrdə ətraflı danışmışam. Bu mövzuda hələ görüşlərim də olacaq.
Almaniyanın xarici işlər naziri kimi demək istərdim ki, Avropa Şurası Parlament Assambleyasının 76 üzvünə ölkəyə giriş qadağası qətiyyən qəbuledilməzdir. Bunlar Almaniya Bundestaq üzvlərinə də təsir edir və Azərbaycanın Avropa Şurasındakı öhdəlikləri ilə bir araya sığmır”, - deyə o vurğulayıb.
Rəy yaz
Siyasət
-
Azərbaycanda həbs edilmiş tədqiqatçı İqbal Əbilovun 35 yaşının tamam olduğu gün həmkarları və yoldaşları onun işinə diqqət cəlb etmək üçün Avropanın müxtəlif şəhərlərində, o cümlədən Vilnyus, Belqrad, Varşava və Portoda aksiyalar keçiriblər.
-
İbtidai istintaqın yekunlarına görə Kanal-13 İnternet-TV-nin direktoru Əziz Orucova qarşı CM-in 206.3.2-ci (qaçaqlamçılıq, qabaqcadan əlbir olan bir qrup şəxs tərəfindən törədildikdə) maddəsi ilə irəli sürülmüş ittiham ləğv edilib.
-
Bu gün Bakı Ağır Cinayətlər Məhkəməsində ictimai fəal İlhamiz Quliyev barəsində hökm oxunub. Məhkəmə Azərbaycan CM-in 234.4.3-cü (satış məqsədilə külli miqdarda narkotik vasitənin qanunsuz dövriyyəsi) maddəsi ilə ittihamı daha yüngül maddəyə - 234.1-1-ci (satış məqsədi olmadan qanunsuz olaraq narkotik vasitələri və ya psixotrop maddələri xeyli miqdarda əldə etmə, saxlama, hazırlama, emal etmə, daşıma) maddəyə tövsif edib və fəalı üç il müddətinə azadlıqdan məhrumetmə cəzasına məhkum edib.
-
“Azərbaycan Siyasi Məhbuslarına Azadlıq” Birliyi siyasi məhbusların yeni siyahısını dərc edib. Siyahıya görə, bu il sentyabrın 23-dən dekabrın 12-dək Azərbaycanda siyasi məhbusların sayı 17 nəfər artaraq 331 nəfərə çatıb. Belə ki, sentyabrın 23-də 319 nəfərin adı siyahıya daxil edilib. İndiyədək onlardan 5 nəfəri həbsdən azadlığa buraxılıb, daha 17 nəfər həbs edilib.
1 rəy
Ruslan
2024-11-21
Азербайджан в вопросе демократии это каменный век и на это есть причины создали такую систему чтобы все молчали в тряпку а в это время воруют народные деньги бюджет страны устраивают беспредел при демократии такого бардака не будет....