Ekologiya və Təbii Sərvətlər Nazirliyi Zəyəmçayın çirklənməsi barədə
Şəmkir rayonunda suyun səviyyəsinin ildən-ilə azaldığı Zəyəmçay məişət tullantıları ilə çirkləndirilir, yerli sakinlər bildiriblər. Çayın təmizlənməsi üçün aidiyyatı qurumlara müraciət etsələr də, tədbir görülməyib.
Çayda suyun səviyyəsinin azalması ətraf əhali üçün də problemlər yaradır.
Ekologiya və Təbii Sərvətlər Nazirliyi yanında İctimai Şuranın üzvü Rövşən Abbasovun sözlərinə görə, bu problem təkcə Zəyəmçaya aid deyil, başqa çaylara da aiddir. Bir tərəfdən, çayın sululuğu təbii yolla azalır, digər tərəfdən, su götürmələri artır.
Zəyəmçay Gədəbəy və Şəmkir rayonlarından keçir və Kür çayına axır. Çay yatağı boyunca çoxlu yaşayış məntəqəsi var və buna görə çaydan çox su götürülür.
Gədəbəy rayonun ərazisində çaya kanalizasiya suyunu axıdırlar, aşağıda da əhali bundan əziyyət çəkir, bu sudan istifadə edə bilmir.
Ekologiya və Təbii Sərvətlər Nazirliyindən Turan-a bildiriblər ki, sözügedən ərazi tullantılardan təmizlənib. Şəmkir rayonu ərazisində Zəyəmçaya və ətrafına məişət tullantılarının atılması ilə bağlı Dövlət Ekoloji Təhlükəsizlik Xidmətinə daxil olan şikayət araşdırılıb və fakt təsdiqini tapıb.
Xidmətin nümayəndəsi Xaliq Mirzəyev bildirib ki, tullantıların qalaqlandığı ərazi 2 saylı Regional Ekologiya və Təbii Sərvətlər İdarəsinin əməkdaşlarının nəzarəti altında Şəmkir bələdiyyəsinin işçiləri tərəfindən tullantılardan təmizlənib.
“Gələcəkdə belə hallara yol verilməməsi və tullantıların qanunvericiliyə uyğun idarə olunması məqsədilə bələdiyyəyə tapşırıq verilib”, - Xaliq Mirzəyev deyib.
Cəmiyyət
-
Son günlər ictimaiyyətin diqqəti 2024-cü il noyabrın 8-də Bakıda açılışı keçirilən Qarabağ Müharibəsinə həsr olunmuş yeni Qələbə Abidəsi ətrafında yaranan vəziyyətə yönəlib. Azərbaycanın tanınmış memarı və tarixi memarlıq artefaktlarının tədqiqatçısı Elçin Əliyev abidənin detalları ilə bağlı fotoşəkillər çəkməyə çalışarkən mülki geyimdə olan şəxslərin gözlənilməz maneəsi ilə üzləşib.
-
Cümə günü paytaxtda hava dəyişkən olacaq. Gecə bəzi yerlərdə yağış yağa bilər. Mülayim cənub-qərb küləyi əsəcək, axşam şimal-qərb küləyinə geçəcək. Havanın temperaturu gecə müsbət 10 +12, gündüz müsbət 13 + 17 dərəcə, rütubət 70-80 faiz olacaq.
-
Dünyanın 28 ölkəsinin 100 universitetini təmsil edən 159 professor və müəllimdən ibarət koalisiya Azərbaycanın ekologiya və təbii sərvətlər naziri və COP29-un prezidenti Muxtar Babayevi 2023-cü ilin iyulundan qeyri-müəyyən müddətə ev dustaqlığında olan alim iqtisadçı və ekologiya fəalı, doktor Qubad İbadoğlunun azadlığa buraxılmasını müdafiə etməyə çağırıb. Azərbaycanın COP29 iqlim konfransına ev sahibliyi etdiyi bir vaxtda göndərilən məktubda doktor İbadoğlunun kritik səhhətinə və onun korrupsiya ilə mübarizəyə və qalıq yanacaq sənayesində şəffaflığın təşviqinə verdiyi töhfələrə istinad edərək, təcili tədbirlər görülməsinə çağırılır.
-
ABŞ-ın Azərbaycandakı səfirliyi bildirir ki, 2023-2024-cü tədris ili ərzində ABŞ-da 1130 azərbaycanlı təhsil alır. Bu, əvvəlki illə müqayisədə 25,4 faiz artım deməkdir. Bu münasibətlə səfirlik Bulvar ərazisində yerləşən COP29 İnformasiya Məntəqəsində azərbaycanlı tələbələrin nailiyyətlərini qeyd etmək üçün xüsusi tədbir təşkil edib. Tədbirdə çıxış edən ABŞ səfiri Mark Libbi bildirib:
Rəy yaz