Bakı/31.05.17/Turan: Səbail rayon məhkəməsi jurnalist Əfqan Muxtarlı barəsində üç ay həbs qətimkan tədbiri seçib. Bu barədə Turan-a vəkil Elçin Sadıqov bildirib.
Onun sözlərinə görə, Muxtarlıya qarşı yeni - sərhəd xidməti əməkdaşına qarşı zorakılıq etməklə müqavimət göstərmək ittihamı irəli sürülüb.
Muxtarlı sərhəd keçid məntəqəsinə gətirilənə qədər sərhəd xidmətinin bu əməkdaşını görmədiyini deyib.
Vəkilin sözlərinə görə, Muxtarlı onu saxlayan şəxslərin Gürcüstanın cinayət polisi əməkdaşlarının formasında olduğunu bildirib.
Avtomobil Gürcüstan-Azərbaycan sərhədinə yaxınlaşdıqda jurnalisti müşaiyət edən şəxslər telefonla kimə isə "molla yaxınlaşır, general dəfn mərasiminə gələ bilər" deyə məruzə ediblər.
Muxtarlını həm Gürcüstan, həm də Azərbaycan tərəfdə sərhəd nəzarəti məntəqələrindən keçiriblər.
Vəkil həbsdən şikayət verəcəyini deyib.
Səbail rayon məhkəməsinin binası qarşısına gələn vətəndaş cəmiyyəti fəallarından ibarət böyük bir qrup Muxtarlını alqışlarla qarşılayıb.
Muxtarlı mayın 29-da Tbilisidə oğurlanıb və gizlincə Azərbaycana gətirilib.
Dünən ona qarşı sərhədi qanunsuz keçmə və qaçaqmalçılıq ittihamları irəli sürülüb. -06B-
Cəmiyyət
-
Lider mobil operator milli mətbuatın inkişafına töhfə verməyə davam edir “Azercell Telekom” MMC jurnalistikanın inkişafına, mətbuat nümayəndələrinin peşəkar bacarıqlarının artırılmasına yönəlmiş təşəbbüslərini davam edir. Lider mobil operator 6 dekabr rabitə və informasiya texnologiyaları işçilərinin peşə bayramında bu sahə üzrə yazan jurnalistlər üçün xüsusi təlim təşkil edəcək. Beynəlxalq təlim mərkəzi tərəfindən “Media texnologiyaları: yeniliklər və trendlər” mövzusunda həyata keçiriləcək təlim jurnalistlərə yeni media tendensiyaları və qabaqcıl texnologiyalar haqqında biliklərini dərinləşdirmək imkanı verəcək.
-
Azərbaycanın quru sərhədlərinin bağlı saxlanmasından Milli Məclisin noyabrın 25-də keçirilən iclasında da bəhs edilib. Nazirlər Kabinetinin qərarında bu hal artıq ötən ildən Ümumdünya Səhiyyə Təşkilatının başa çatdığını elan etdiyi koronovirus pandemiyası ilə izah olunsa da, Milli Məclisin İnsan hüquqları komitəsinin sədri Zahid Oruc başqa səbəb göstərib. "Sərhədlərin açılması Rusiya-Ukrayna müharibəsindən 100 minlərlə qeyri-azərbaycanlı qaçqınların ölkəmizə axını ilə nəticələnəcək. O cümlədən, İranda hərbi zərbələrdən canını və sərvətlərini qorumaq üçün 100 minlərlə insan Azərbaycana keçməyə hazırdır. Belə qaçqın dalğasının gətirdiyi humanitar, sosial, mədəni fərqlərin toqquşması siyasi sabitliyi təhdid edə bilər", - o vurğulayıb.
-
Çərşənbə axşamı Baş Prokurorluq xaricdəki gəlirlərini gizlədən kənd təsərrüfatı məhsulları ixracçıları barəsində açılan yeni cinayət işləri haqqında məlumat yayıb.
-
Noyabrın 27-də Bakının və Abşeron yarımadasının bəzi yerlərində arabir leysan xarakterli yağış yağacağı gözlənilir, bu barədə sinoptiklər məlumat yayıb. Yarımadanın ayrı-ayrı yerlərində intensivləşəcəyi, şimşək çaxacağı ehtimalı var. Mülayim şimal-qərb küləyi əsəcək. Havanın temperaturu gecə 7-9 dərəcə, gündüz 9-12 dərəcə isti olacaq. Nisbi rütubət 80-90 faiz təşkil edəcək.
Rəy yaz