![Məhkəmə Faiq Əmirovu azad edib](https://turan.az/resized/media/2017/main/091500004508-750-500-resize.webp)
Məhkəmə Faiq Əmirovu azad edib
Bakı/15.09.17/Turan: Bakı Apellyasiya Məhkəməsi "Azadlıq" qəzetinin maliyyə direktoru, AXCP sədrinin köməkçisi, 3 il, 3 ay azadlıqdan məhrum edilmiş Faiq Əmirovun şikayətini qismən təmin edib.
Məhkəmə CM-in 70-i maddəsini tətbiq edib və həbs cəzasının qalan hissəsini (2 il, 1 ay) üç il sınaq müddətinə olmaqla şərti cəza ilə əvəz edib. Bu barədə Turan-a vəkil Fəxrəddin Mehdiyev bildirib.
F.Əmirov məhkəmə zalından buraxılıb.
Xatırladaq ki, F.Əmirov 2016-cı il avqustun 20-də dinlərarası və millətlərarası ədavəti qızışdırmaq ittihamı ilə saxlanılıb.
2017-i il aprelin 17-də ona qarşı vergidən yayınma və sui-istifadə ittihamları irəli sürülüb.
Ancaq ibtidai istintaqın yekunlarına əsasən 168.1 və 308-cü maddələr götürülüb.
İyulun 24-də F.Əmirli Səbayel Rayon Məhkəməsinin qərarı ilə 3 il, 3 ay azadlıqdan məhrum edilib və 39 min manat cərimə olunub. O, hüquq müdafiəçiləri tərəfindən siyasi məhbus kimi tanınıb.
"Sərhədsiz reportyorıar" beynəlxalq jurnalistləri müdafiə təşkilatı F.Əmirovun həbsini pisləyib və "gülünc ittihamlar"ın onun üzərindən götürülməsinə çağırıb.-03B06--
-
- İqtisadiyyat
- 15 Sentyabr 2017 12:01
Cəmiyyət
-
Bazar günü, iyulun 28-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı gözlənilir.
-
Bakı şəhəri ərazisində qanunsuz miqrasiyaya qarşı mübarizə çərçivəsində müxtəlif ünvanlarda əməliyyat tədbirləri həyata keçirilib. Daxili İşlər Nazirliyindən verilən məlumata görə, Baş Dövlət Yol Polisi İdarəsinin qanunsuz miqrasiyaya qarşı mübarizə idarəsinin əməkdaşları tərəfindən Azərbaycan ərazisində yaşamaq və qalmaq hüququ verən sənədləri olmayan 34 əcnəbi müəyyən edilərək saxlanılıb.
-
Azərbaycan Müdafiə Nazirliyi (AMN) iyulun 25-də bəyanat yayaraq son günlərdə Ermənistanı Kəlbəcərdə ağır silahlar, Tovuz istiqamətində isə kvadrokopter tətbiq etməklə ona qarşı “təxribatlar törətməkdə” günahlandırıb. Üstəlik, Ermənistanın Qərb ölkələri ilə hərbi əməkdaşlığından narazılıq və narahatlıq ifadə edib.
-
Daxili İşlər Nazirliyinin Baş Narkotiklərlə Mübarizə İdarəsinin son əməliyyatları zamanı narkotik maddələrin qanunsuz dövriyyəsilə məşğul olan mütəşəkkil dəstənin 5 üzvü - əvvəllər məhkum olunmuş Bəhlul İsmayılov, Röyal Əliyev, Xəyal Alıyev, Samir Ağayev və Əli Məmmədli saxlanılıblar.
Rəy yaz