Bakı/15.09.17/Turan: Bu ilin səkkiz ayında Azərbaycan xaricə 310,5 min ton meyvə və tərəvəz ixrac edib ki, bu da 2016-cı ilin müfaviq dövründən 63,5% çoxdur. Bu barədə Dövlət Gömrük Komitəsinin məlumatında bildirilir.
İxracın həcmi dəyər ifadəsində ötən ilin həmin dövrünün göstəricisini 42,7% üstələyib.
DGK-nın göstəricilərinə əsasən həcmə görə meyvə və tərəvəz ixracı ( $269,5 mln.) neft məhsullarının ixracını $44,6 mln. üstələyir. Bu il Azərbaycan ölkə xaricinə 583,6 min ton neft məhsulu ixrac edib ki, bu da ötən ildə olduğundan 41% azdır.
Qeyri-neft ixracı strukturunda meyvə və tərəvəzin xüsusi çəkisi 28% təşkil edir.
İxrac artımı ölkə daxilində meyvə-tərəvəzin qiymətinə təsir göstərir. Dövlət Statistika Komitəsinin məlumatına görə, ilin əvvəlindən qiymətlər bir neçə faiz artıb.08D
İqtisadiyyat
-
Azərbaycan 27 noyabr 2024-cü ildə verilmiş prezident fərmanına əsasən, azad edilmiş ərazilərdə kənd təsərrüfatı torpaqlarının icarəyə verilməsini sadələşdirmək, investisiyaları cəlb etmək və kənd təsərrüfatının məhsuldarlığını artırmaq məqsədilə yeni qaydalar tətbiq edib.
-
Asiya İnkişaf Bankı (AIB) Azərbaycan pərakəndə ticarət sektorunu dəstəkləmək üçün 10,5 milyon dollar ayırdı və bu, ölkənin iqtisadi modernləşməsinə davamlı dəstəyində növbəti addım oldu. Bu investisiyalar Azərbaycanın iqtisadiyyatını şaxələndirmək və dayanıqlı inkişafın əsas sütunlarından biri olan kiçik və orta sahibkarlığı (KOS) gücləndirmək istiqamətində daha geniş məqsədlərinə uyğun gəlir.
-
Bu gün Milli Məclisin iclasında Azərbaycanın deputatları 2025-ci il üçün minimum yaşayış səviyyəsinin artırılmasını nəzərdə tutan qanun layihəsini birinci oxunuşda müzakirə edib və təsdiqləyiblər. Yenilənmiş rəqəmlər 10 manatlıq mülayim artımı əks etdirir və ölkə üzrə yaşayış minimumu 285 manat olaraq müəyyən edilib. Xüsusi əhali qrupları üçün bu göstəricilər 305 manat (işləyən əhali üçün), 232 manat (pensionerlər üçün) və 246 manat (uşaqlar üçün) təşkil edir. Eyni iclasda gələn il üçün ehtiyac meyarı da 285 manat məbləğində təsdiq edilib ki, bu da milli yaşayış minimumu ilə eyni səviyyədədir.
-
Bu il Avstraliyanın Fortescue Future Industries (FFI) holdinqinin Azərbaycanda "yaşıl" layihələrin inkişafına dair planları yenidən tənzimlənib, lakin iki il əvvəl başlayan danışıqlar davam edir, Turan-a məlumatlı mənbə bildirib.
Rəy yaz