Фуад Ахмедли
Bakı/20.07.18/Turan: Suraxanı rayon məhkəməsi Azərbaycan Xalq Cəbhəsi Partiyasının (AXCP) Gənclər Komitəsinin üzvü Fuad Əhmədlinin cəza müddətinin üçdə birini çəkməsi ilə əlaqədar vaxtından əvvəl şərti azadlığa buraxılması haqqında müraciətini təmin etməyib.
İşə məhkəmənin 16 saylı cəzaçəkmə müəssisəsində keçirilən səyyar iclasında hakim Elçin Ağayevin sədrliyi ilə baxılıb.
Cəzaçəkmə müəssisəsi rəhbərliyi F.Əhmədlinin vaxtından əvvəl azadlığa buraxılmasına qarşı çıxb.
Fəalın atası Zəfər Əhmədovun oğluna istinadən bildirdiyinə görə, cəzaçəkmə müəssisəsinin əməkdaşı Emin Əbdürrəhmanov F.Əhmədliyə xarakterizə edərkən onun "hələ tam islah olmadığını" bildirib.
Bu fikrini də belə əsaslandırıb ki,m "müəssisənin ictimai həyatında aktiv iştirak etmir, özünə qapanır, az ünsiyyətdə olur, yatağını səliqəsiz yığır".
F.Əhmədli istehza ilə hakimdən yatağını səliqəli yığmağı "öyrənsə" vaxtından əvvəl azadlığa çıxmaq şansının olub-olmadığını soruşub. Hakim sualı cavabsız qoyub və müraciəti təmin etməyib.
Z.Əhmədovun sözlərinə görə, məhkəmənin bu qərarından apellyasiya şikayəti veriləcək.
Bundan başqa, avqustun 18-də onun həbs cəzasının yarısı başa çatmış olacaq və vaxtından əvvəl şərti azadlığa buraxılması üçün yeni müraciət veriləcək.
Qeyd edək ki, vəkili Əsabəli Mustafayevin 1 il müddətinə vəkillik fəaliyyətindən kənarlaşdırılmasından sonra Əhmədli müdafiəçisiz qalıb.
Əhmətli ağ ciyər xəstəliyindən əziyyət çəkir və cəzaçəkmə müəssisəsində keyfiyyətli müalicə almaq imkanı yoxdur.
Fuad Əhmədli 17 avqust 2018-ci ildə uydurma "əməliyyat-axtarış fəaliyyəti haqqında qanun normalarını pozmaq", xüsusən, "Azərfon" mobil rabitə şirkətinin istifadəçilərinin şəxsi məlumatlarını yaymaq ittihamı ilə həbs edilib.
Bundan başqa, o, vəzifə səlahiyyətlərindən sui-istifadədə ittiham olunub. Əhmədli 2017-ci il iyunun 16-da 4 il müddətinə azadlıqdan məhrum edilib. Avqustun 17-də apellyasiya məhkəməsi hökmü qüvvədə saxlayıb. Əhmədli siyasi məhbus kimi tanınıb. -03B06-
Cəmiyyət
-
Azərbaycanın quru sərhədlərinin bağlı saxlanmasından Milli Məclisin noyabrın 25-də keçirilən iclasında da bəhs edilib. Nazirlər Kabinetinin qərarında bu hal artıq ötən ildən Ümumdünya Səhiyyə Təşkilatının başa çatdığını elan etdiyi koronovirus pandemiyası ilə izah olunsa da, Milli Məclisin İnsan hüquqları komitəsinin sədri Zahid Oruc başqa səbəb göstərib. "Sərhədlərin açılması Rusiya-Ukrayna müharibəsindən 100 minlərlə qeyri-azərbaycanlı qaçqınların ölkəmizə axını ilə nəticələnəcək. O cümlədən, İranda hərbi zərbələrdən canını və sərvətlərini qorumaq üçün 100 minlərlə insan Azərbaycana keçməyə hazırdır. Belə qaçqın dalğasının gətirdiyi humanitar, sosial, mədəni fərqlərin toqquşması siyasi sabitliyi təhdid edə bilər", - o vurğulayıb.
-
Çərşənbə axşamı Baş Prokurorluq xaricdəki gəlirlərini gizlədən kənd təsərrüfatı məhsulları ixracçıları barəsində açılan yeni cinayət işləri haqqında məlumat yayıb.
-
Noyabrın 27-də Bakının və Abşeron yarımadasının bəzi yerlərində arabir leysan xarakterli yağış yağacağı gözlənilir, bu barədə sinoptiklər məlumat yayıb. Yarımadanın ayrı-ayrı yerlərində intensivləşəcəyi, şimşək çaxacağı ehtimalı var. Mülayim şimal-qərb küləyi əsəcək. Havanın temperaturu gecə 7-9 dərəcə, gündüz 9-12 dərəcə isti olacaq. Nisbi rütubət 80-90 faiz təşkil edəcək.
-
Çərşənbə axşamı paytaxtda yağış gözlənilir, bəzi yerlərdə intensiv olacaq, şimşək çaxacaq. Mülayim şimal-qərb küləyi əsəcək. Proqnozlara görə, yağışlı hava çərşənbə axşamına qədər davam edəcək.
Rəy yaz